HEBRU 8:2 - KA BAIBL

² U Shakri ka jaka kyntang, bad kata Ka Tabernakl kaba shisha, ïa kaba U Trai u la pynïeng, ym u briew.

Khasi CL Bible (BSI)

² U shakri kum U Rangbah Lyngdoh ha ka Jaka kaba Kyntang Tam, kata ka long, ha ka ïingjaiñ kaba shisha ïa kaba U Trai u la pynïeng, ym da u briew.

HEBRU 8:2 Mawu Ofanana

EKSODOS 25:9

Katba kum kita baroh ïa kiba nga la pyni ha me, ïa kata ka dur Ka Tabernakl, bad ki dur ki jingbuh jong ka baroh, kumta keiñ phin thaw ïa ka.

EKSODOS 28:1

“Bad to shim ha me ïa u Aaron u hynmen jong me, bad ïa ki khun shynrang jong u lem bad u, napdeng ki khun Israel, ïa ka ban kam ïa ka kam lyngdoh ïa nga, ïa u Aaron keiñ, ïa u Nadab, bad ïa u Abihu, ïa u Eleasar bad ïa u Ithamar, ki khun shynrang jong u Aaron.

EKSODOS 28:35

Bad u Aaron un phong ïa ka haba u shakri: bad ba yn ïohsngew ïa ka jingsawa jong u haba u leit bsut sha kata ka jaka kyntang ha khmat U Trai, bad haba u mih noh, ba um ïap noh.

EKSODOS 33:7

Te u Moses u la ju rah noh ïa Ka Tabernakl u da pynïeng ïa ka shabar ka jaka shong dara, kham sha jngai na kata ka jaka shong dara; bad u la khot ïa ka, “Ka Tabernakl ka jingïaseng.” Te ka la jia, ba uno uno ruh uba wad ïa U Trai u la mih shabar sha kata Ka Tabernakl ka jingïaseng, kaba don shabar ka jaka shong dara.

LOUKAS 24:44

U la ong ruh ha ki, “Kine ki long kita ki ktien ïa kiba nga la kren ha phi, mynba nga dang don lem bad phi, ba ka dei ba yn pyndep ïa kiei kiei baroh, ïa kiba la thoh ha Ka Hukum u Moses bad ha Ki Nongïathuhlypa, bad ha Ki Salm de, shaphang jong nga.”

Ka Shithi U Paul Sha Ki Nong Rom 15:8

Te nga ong ba la pynlong ïa U Khrist u nongkam ïa ka jingotsher, na ka bynta ka jingshisha U Blei, khnang ïa ka ban pynskhem ïa kita ki jingkular ba la ai ha kita ki kpa:

2 KORINTH 5:1

Namar ngi tip skhem ba lada yn lied noh ïa ka ïing jong ngi kaba ha ka khyndew, kane ka ïingtrep keiñ, ngi don ka jingtei na U Blei, ka ïing ba la thaw bym da ki kti, ka bymjukut ha ki bneng.

KOLOSSAI 2:11

ha uba la otsher ïa phi ruh da ka jingotsher bym shym la thaw da ki kti, da kaba loit noh ïa ka met ka doh, ha ka jingotsher U Khrist;

HEBRU 10:11

Te shisha u lyngdoh baroh u ïeng ha la ka sngi u da shakri bad u da ainguh bunsien ïa kita ki jingkñia kijuh, ki bym lah lano lano ruh ban kit noh ïa ki pop;

HEBRU 10:21

bad haba ngi don U Lyngdoh Bakhraw halor kata ka ïing U Blei,

HEBRU 11:10

namar u la ju khmih lynti ïa kata ka nongbah kaba don ki nongrim, kaba u nongtei bad u nongthaw jong ka, long U Blei.

HEBRU 9:1

Mynta wat kata ka jutang ka banyngkong ruh ka la don ki niam ki rukom ka jingmane blei, bad ka ïing kyntang, kaba na kane ka pyrthei.

JINGPYNPAW 21:3

Bad nga la ïohsngew ka ktien bajam na kata ka khet, ka da ong, “Ha khmih, Ka Tabernakl U Blei ryngkat bad ki briew, bad un shong lem bad ki, te ma ki kin ïalong ki paidlang jong u, bad U Blei hi un long lem bad ki, bad un long U Blei jong ki: