HEBRU 8:13 - KA BAIBL

¹³ Da kaba u ong, “ka jutang bathymmai”, u la pynlong rim ïa kata ka banyngkong. Te kata kaba nang rim bad ba nang tymmen ka la jan duh noh.

Khasi CL Bible (BSI)

¹³ Da kaba ong ka jutang bathymmai, U Blei u la pynlong rim ïa kata kaba nyngkong; bad kano kano kaba kylla rim bad nang tymmen kan sa jah noh shen.

HEBRU 8:13 Mawu Ofanana

ISAÏAH 51:6

To khmied ïa la ki khmat sha ki bneng, to khmih ruh ïa ka khyndew shapoh: naba ki bneng kin jah noh kum ka tdem, ka khyndew ruh kan man rim kum ka jaiñ, bad kiba shong ha ka kin ïap kumjuh: hynrei, ka jingpynim jong nga kan sah ha la ka rta, ka hok jong nga ruh kan ym duh noh.

MATHAÏOS 24:35

Ka bneng bad ka khyndew kin leit noh, hynrei, ki ktien jong nga kin ym leit noh satia.

LOUKAS 22:20

Kumjuh ruh ïa kata ka khuri, hadien kaba bam ja miet, U da ong, “Kane ka khuri ka long kata Ka Jutang Ka Bathymmai da ka snam jong nga, ïa kaba yn sa theh noh na ka bynta jong phi:

1 KORINTH 13:8

Ka jingieit kan ym duh noh lano lano ruh; hynrei, la ki don ki jingïathuhlypa, yn sa pyndam noh ïa ki; la ki don ki thylliej, kin sa wai noh; la ka don ka jingtip, kan sa dam noh.

2 KORINTH 3:6

uba la pynbit ïa ngi ban long ki nongïalap ka jutang bathymmai, ym ki jong ka dak, hynrei, ki jong U Mynsiem; namar kata ka dak ka pynïap, hynrei, uta U Mynsiem u pynim keiñ.

2 KORINTH 5:17

Kumta, lada uei uei ruh u don ha U Khrist, u long u jingthaw bathymmai; kiei kiei ruh ki barim ki la duh noh, ha khmih kiei kiei baroh ki la jia long ki bathymmai.

HEBRU 1:11

kita kin jot noh; hynrei, me, me ïaisah: bad kita baroh kum ka jaiñ kin rim noh;

HEBRU 12:24

bad ha U Jisu U Ksiang ka jutang bathymmai, bad ha ka snam ka jingsynreit, kaba kren ïa kiei kiei kiba kham bha ban ïa ka jong u Abel.

HEBRU 7:22

Kumta ruh, U Jisu u la long U Nongbahkhlieh ka jutang kaba kham bha.

HEBRU 8:6

Hynrei, mynta, u la ïoh ïa ka kam lyngdoh kaba kham kor, katba kum ba u long ruh U Ksiang ka Jutang kaba kham bha, ïa kaba la pynlong ha ki jingkular kiba kham bha.

HEBRU 8:8

Namar haba shem jingduna ha ki, u ong: “Ha khmih ki sngi ki wan,” ong U Trai, “ba ngan pynlong ka jutang bathymmai bad ka ïing Israel bad ka ïing Judah ruh;

HEBRU 9:15

Te namar kane, u long U Ksiang ka jutang bathymmai, ba haba la jia ka jingïap ïa ka ban siewspah ïa kita ki jingpalat kiba hapoh kata ka jutang ka banyngkong, kita ïa kiba la khot, kin ïoh pdiang ïa ka jingkular ïa kata ka bynta bymjukut.