HEBRU 8:11 - KA BAIBL

¹¹ bad uwei pa uwei baroh un ym hikai ïa la u paramarjan, bad uwei pa uwei baroh ïa la u para, da kaba ong, ‘To ithuh ïa U Trai:’ naba baroh keiñ, kin ithuh ïa nga, naduh i barit tam haduh u bakhraw tam na ki.

Khasi CL Bible (BSI)

¹¹ Yn ym don na ki u ban hikai ïa la u para shnong lane ong ïa la u para ri, ‘To tip ïa U Trai.’ Namar baroh kin tip ïa nga, naduh uba rit tam haduh uba khraw tam.

HEBRU 8:11 Mawu Ofanana

1 KHRONIKL 28:9

“Bad ma me, ko Solomon u khun jong nga, to ithuh ïa U Blei jong u kpa jong me, bad shakri ïa u da ka dohnud bajanai bad da ka jingmut ba mon sngewbha: naba U Trai u ïit ïa ki dohnud baroh, bad u sngewthuh ïa ki jingpyrkhat baroh jong ki jingmut: lada men wad ïa u, men shem ïa u; hynrei, lada men kyntait ïa u, u ruh un kyntait noh ïa me ha la ka rta.

2 KHRONIKL 30:22

Bad u Hesekaïah u la kren sngewbha ha ki Lebi baroh kiba la nang bha ha ka jingshakri ïa U Trai. Kumta, ki la bam ha Ka Jingkhawai, baroh hynñiew sngi, ki da ainguh ki jingkñia bapynïasuk, bad ki da pynlong ka jingphla ha U Trai, U Blei ki kpa jong ki.

ESRA 7:25

“Bad me, u Esra, katba kum ka jingstad U Blei jong me kaba don ha ka kti jong me, to thung ïa ki majistor bad ïa ki nongbishar, ki ban bishar ïa u paidlang baroh uba don sha shiliang ka wah, baroh kat kiba nang ïa ki hukum U Blei jong me; bad to hikai ïa uta u bymnang ïa ki.

ISAÏAH 2:3

Shibun ki paidlang ruh kin leit bad kin ong, “Ïa, ngin ïakiew sha u lum U Trai, sha ka ïing U Blei u Jakob; te un hikai ïa ngi shaphang ki lynti jong u, bad ngin ïaid ha ki lynti ïaid jong u:” namar na Seïon kan mih noh ka hukum, bad ka ktien U Trai na Jerusalem.

ISAÏAH 54:13

Bad ki khun jong pha baroh kin ïoh hikai na U Trai; bad kan long ka bakhraw ka jingsuk ki khun jong pha.

JEREMAÏAH 24:7

Bad ngan ai ha ki ka dohnud ban ithuh ïa nga, ba nga long U Trai: bad kin long u paidlang jong nga, nga ruh ngan long U Blei jong ki: naba kin phai pat sha nga da ka dohnud jong ki baroh.

JEREMAÏAH 31:34

bad kin ym hikai shuh uwei uwei ïa la u paramarjan, bad uwei uwei ïa la u para, da kaba ong, ‘To tip ïa U Trai:’ namar ki baroh kin sa ithuh ïa nga, naduh uba poh tam haduh u bakhraw tam na ki,” ong U Trai: “namar ngan map ïa ka jingbymhok jong ki, bad ngan ym kynmaw shuh ïa ka pop jong ki.”

JEREMAÏAH 42:1

Te baroh ki kaptan ki paidïapom bad u Johanan u khun u Kariah, bad u Jesaniah u khun u Hoshaïah, bad u paidbah baroh ki la wan hajan, naduh u barit tam haduh u bakhraw tam,

JEREMAÏAH 42:8

Ynda kumta, u la khot ïa u Johanan u khun u Kariah, bad ki kaptan ki paidïapom baroh kiba la don bad u, bad u paidbah baroh naduh u barit tam haduh u bakhraw tam,

JEREMAÏAH 44:12

Bad ngan shim ïa kiba sah na Judah, kiba la thew la ki khmat ban leit sha ka ri Ijipt ban shong hangta, bad yn pynduh ïa ki baroh; ha ka ri Ijipt kin ïakyllon; yn pynjot ïa ki da ka waitlam bad da ka 'nemsniew; kin ïap, naduh u barit tam haduh u bakhraw tam, da ka waitlam bad da ka 'nemsniew: bad kin long ka jingijli, bad ka jinglyngngoh, bad ka jingtim, bad ka jingibeiñ.

JEREMAÏAH 6:13

“Naba naduh u barit tam na ki wat haduh u bakhraw tam na ki uwei uwei baroh u la aiti ïa lade ha ka jingkwah lalot; bad naduh u prophet wat haduh u lyngdoh uwei uwei baroh u leh shukor.

ESEKIEL 34:30

Bad kin ïoh tip ba ma nga U Trai U Blei jong ki nga long ryngkat bad ki, bad ba ma ki ruh, ka ïing Israel, ki long ki briew jong nga,’ ong U Trai U Blei.

HABAKKUK 2:14

Naba ïa ka khyndew yn pyndap da ka jingtip ka burom U Trai, kumba ki tap ki um ïa ka duriaw.

ÏOANNIS 6:45

La thoh ha Ki Nongïathuhlypa: ‘Baroh ruh kin ïalong ïa kiba la ïoh hikai na U Blei.’ U briew baroh uba la ïohsngew na U Kpa, bad uba la ïoh nang, u wan ha nga.

KI KAM 8:10

Ha u, baroh ki la ïa-pynleit jingmut, naduh u barit tam haduh u bakhraw tam, ki da ong, “Une u briew u long kata ka bor U Blei ïa kaba la khot ‘Bakhraw’.”

1 ÏOANNIS 2:27

Te shaphang jong phi, kata ka jingpynsleh ïa kaba phi la pdiang na u ka ïaisah ha phi, te phim donkam shuh ba uno uno ruh un da hikai ïa phi; hynrei, kumba kata ka jingpynsleh jong u ka hikai ïa phi shaphang kiei kiei baroh, bad ka long kaba shisha, bad kam long kaba lamler, te kumta kumba la hikai ïa phi, phin ïaisah ha u.

1 ÏOANNIS 5:20

Ngi tip ruh ba uta U Khun U Blei u la wan, bad u la ai ha ngi ka jingshemphang, khnang ba ngin ïoh ithuh ïa uta U Bashisha; bad ngi long ha uta U Bashisha, ha uta U Khun jong u, U Jisu Khrist. Une u long uta U Blei Bashisha, bad kata ka jingim bymjukut.