HEBRU 8:1 - KA BAIBL

¹ Te shaphang kine kiei kiei ïa kiba ngi kren, kaba kongsan ka long kane: Ngi don U Rangbah lyngdoh kat uta, uba la shong sha ka kti kamon ka khet U Bakhraw Tam ha ki bneng;

Khasi CL Bible (BSI)

¹ Ka bynta kaba kongsan na kine kiei kiei ïa kiba ngi kren ka long ba ngi don kum uta U Rangbah Lyngdoh, uba shong ha ka liang kamon jong ka khet ba kynja blei kaba ha bneng.

HEBRU 8:1 Mawu Ofanana

1 KHRONIKL 29:11

Ka jong me, A Trai, long ka jingkhraw, bad ka bor, bad ka burom, bad ka jinglah, bad ka jinglong syiem: naba baroh kaba don ha bneng bad ha ka khyndew ka long ka jong me; ka jong me long ka hima, A Trai, bad la kyntiew ïa me kum u khlieh halor baroh.

Ka Kitab U Job 37:22

Na ka shatei ka wan ka jingphyrnai kum ka ksiar: U Blei u kup ïa ka jinglong burom kaba itriem.

SALM 104:1

Ko mynsiem jong nga, to kyrkhu ïa U Trai. A Trai U Blei jong nga, me long u bakhraw eh; me la kup da ka burom bad ka jinglong burom.

SALM 110:1

U Trai u la ong ha U Trai jong nga, “To shong ha ka kti kamon jong nga, tad ynda ngan pynlong ïa ki nongshun jong me ka jingïuh kjat ïa me.”

SALM 145:12

ïa ka ban pynbna ha u khun bynriew ïa ki jingleh badonbor jong u, bad ïa ka burom ka jingkhraw ka hima jong u.

SALM 21:5

Ka burom jong u ka long ka bakhraw ha ka jingpynim jong me; ïa ka burom bad ka jingkhraw me la buh halor jong u.

ISAÏAH 24:14

Kine kin pynjam ïa la ka ktien, kin risa; namar ka burom U Trai kin lynñiar jam na ka duriaw.

MIKAH 5:4

Bad un ïeng, bad un bsa ïa la ka kynhun ha ka bor U Trai, ha ka burom ka kyrteng U Trai U Blei jong u: bad kin ïashong; naba hangta un long uba khraw haduh ki bakut ka pyrthei.

MARKOS 16:19

Kumta te ïa U Trai Jisu, hadien ba U la lah kren ha ki, la pdiang soit sha bneng, bad U la shong sha kamon U Blei.

EPHESOS 6:20

na ka bynta jong ka, ba nga long u nongkit-'tien syiem ha ki kynjri; ba ha kata ngan kren shlur, kumba ka dei ïa nga ban kren.

KOLOSSAI 3:1

Namar kata, lada la pynmih lem ïa phi bad U Khrist, to wad ïa kiei kiei ruh kiba haneng, ha kaba U Khrist u don, uba shong sha ka kti kamon U Blei.

HEBRU 1:13

Hynrei, hano na kita ki angel u la ong mynno mynno, “To shong ha ka kti kamon jong nga, tad ynda ngan pynlong ïa ki nongshun ïa me ka jingïuh hapoh ki kjat jong me”?

HEBRU 1:3

uba haba u long ka jingtyngshaiñ ka burom jong u, bad ka dur hi ka jinglong tynrai jong u, bad uba kyrshan ïa kiei kiei baroh da ka ktien ka bor jong u, haba u la lah pynlong ka jingpynkhuid ïa ki pop, u la shong ha ka kti kamon jong U Bakhraw Tam sha jrong;

HEBRU 10:12

hynrei, Une, haba u la lah ainguh tang kawei ka jingkñia namar ki pop junom, u la shong ha ka kti kamon U Blei;

HEBRU 12:2

da kaba khmih sha U Jisu U Nongpynlong bad U Nongpynjanai ïa ka jingngeit jong ngi, uba namar kata ka jingkmen ïa kaba la buh ha khmat jong u, u la shah ïa ka diengphna, u da ibeiñ ïa ka jinglehrain, bad u la shong ha ka kti kamon ka khet U Blei.

HEBRU 2:17

Namar kata, ka la dei ban pynlong ïa u, uba syriem ïa la ki para ha kiei kiei baroh, ba un ïoh long U Rangbah lyngdoh ba-isynei bad ïa uba lah ban shaniah ha kiei kiei kiba dei sha U Blei, ba un pynlong ka kuna namar ki pop u paidlang.

HEBRU 3:1

Naba kumta, ko parabangeit bakhuid, ki nongïoh bynta na ka jingkhot bakynja bneng, to phin pyrkhat ïa u Apostol bad U Rangbah lyngdoh ka jingphla jong ngi, U Jisu keiñ;

HEBRU 4:14

Namar kata, haba ngi don U Rangbah lyngdoh Bakhraw uba la leit lyngba ïa ki bneng, U Jisu U Khun U Blei, to ngin ïabat skhem ïa la ka jingphla.

JINGPYNPAW 3:21

Uta uba jop, ngan ai ha u ban shong lem bad nga halor ka khet jong nga, kumba nga ruh nga la jop, bad nga la shong lem bad U Kpa jong nga halor ka khet jong u.