HEBRU 6:7 - KA BAIBL

⁷ Namar ka khyndew kaba la kjit noh ïa u slap bahap bunsien ha ka, bad kaba pynmih noh ïa ki jhur ba bit ïa kita na ka bynta kiba la rep ïa ka ruh, ka pdiang ka jingkyrkhu na U Blei;

Khasi CL Bible (BSI)

⁷ U Blei u kyrkhu ïa ka khyndew kaba kjit noh ïa u slap uba hap bunsien ha ka bad kaba pynmih ïa ki jingthung kiba ai jingmyntoi na ka bynta kita kiba rep ha ka.

HEBRU 6:7 Mawu Ofanana

JENESIS 1:11

U Blei u la ong ruh, “To long ba ka khyndew kan pynmih speh, ba ki jhur kin pynsei symbai, bad ba ki dieng soh kin sei soh ha la ka jaid ka jaid, kiba don la u symbai hapoh jong ki, halor ka khyndew.” Te ka la long kumta keiñ.

JENESIS 27:27

Bad u la wan hajan, bad u la doh ïa u: bad u la iw ïa ka jingiw ki jaiñkup jong u, bad u la kyrkhu ruh ïa u, bad u da ong, “Ha khmih, ka jingiw u khun jong nga ka long kum ka jingiw ka lyngkha ïa kaba U Trai u la kyrkhu!

SALM 126:6

La u nang leit la ka jingleit u da ïam, haba u rah lem ïa u symbai; un ïoh wan phai pat ha ka jingkmen, u da wallam lem ïa la ki song kba.

SALM 24:5

Uta un ïoh diang ïa ka jingkyrkhu na U Trai, bad ïa ka hok na U Blei ka jingpynim jong u.

ISAÏAH 44:3

Naba ngan theh um ha uta u basliang, bad ki wah duid ha ka khyndew barkhiang: ngan theh ïa la U Mynsiem halor u symbai jong me, bad ïa la ka jingkyrkhu halor ki khun ki ksiew jong me:

ESEKIEL 34:26

Bad ngan pynlong ka jingkyrkhu ïa ki bad ïa ki jaka sawdong kylleng u lum jong nga; bad ngan pynhiar ïa u slap ha la ka aïom; kin long ki 'lap praw ka jingkyrkhu.

HOSIA 10:12

Bet ha lade hi ïa ka hok, ot katba kum ka jingisynei; to puh ïa ka khyndew shrah jong phi: naba ka long ka por ban wad ïa U Trai, tad ynda u wan ban pynhap slap da ka hok ha phi.

LEBITIKOS 25:21

Ynda kumta, ngan hukum ïa ka jingkyrkhu jong nga halor jong phi ha ka snem ka bahynriew, bad kan sei soh kat ban dap lai snem.

MALAKHI 3:10

Wallam ïa kaba shiphew baroh sha ka ïing jingkynshew, khnang ban long ka jingbam ha ka ïing jong nga, bad to tynjuh ïa nga te ha kane,” ong U Trai ki paid, “la ngan plie ne em ïa ki jingkhang jong ka bneng ha phi, bad theh noh buk ha phi ïa ka jingkyrkhu, kat ban ym ngiam jaka shuh.

MATHAÏOS 7:8

Naba baroh uba pan, u pdiang; bad uba wad, u shem; bad ïa uba tied, yn plie.

2 TIMOTHI 2:6

Ka dei ïa u nongsumar bri uba trei minot ban ïoh nyngkong ma u na kita ki soh.

JAKOB 5:7

Namar kata, to shah slem, ko parabangeit, haduh kata ka jingwan U Trai. Ha khmih, uba rep u ap khmih ïa u soh bakor jong ka khyndew, u da ïai-ap slem ïa u, tad ynda u la ïoh pdiang ïa u slap bashuwa bad bakhatduh.