HEBRU 6:11 - KA BAIBL

¹¹ Bad ngi kwah ba uwei pa uwei na phi un pyni ïa kajuh ka jingminot sha ka jingdap ka jingkyrmen haduh ka bakut keiñ:

Khasi CL Bible (BSI)

¹¹ Ka jingangnud kaba khraw tam jong ngi ka long ba uwei pa uwei na phi un don ka jingthrang kaba ïaineh haduh kaba kut, kumta ba kiei kiei kiba phi kyrmen kin wan urlong.

HEBRU 6:11 Mawu Ofanana

ISAÏAH 32:17

Te ka kam ka hok kan long ka jingsuk; bad ka jingmih na ka hok ka jingjai jai bad ka jingshaniah junom.

MATHAÏOS 24:13

Hynrei, jar uba da ïaineh haduh ka bakut, uta keiñ u ban ïohlait im.

LOUKAS 1:1

Namar ba don shisha shibun kiba la shimti ban thoh lang ter ter ïa ka jingïathuhkhana shaphang kiei kiei ruh ba la pyndep hapdeng jong ngi,

Ka Shithi U Paul Sha Ki Nong Rom 12:8

lane uta uba sneng, to un minot te ha kata ka jingsneng; lane uta uba ïasam, to un leh kumta da ka jingkylluid sngur; lane uta uba synshar, un leh kumta da ka jingleh minot; uta uba leh isynei, un leh kumta da ka jingkmen.

Ka Shithi U Paul Sha Ki Nong Rom 15:13

Te U Blei u jong kata ka jingkyrmen, to un pyndap ïa phi da ka jingkmen bad da ka jingsuk baroh ha kaba ngeit, khnang ba phin ïoh nang roi kyrhai ha kata ka jingkyrmen, da ka bor U Mynsiem Bakhuid.

1 KORINTH 13:13

Te kumta, ka ïaisah ka jingngeit, ka jingkyrmen, bad ka jingieit, kine lai; hynrei, kaba kham kongsan na kine, long ka jingieit.

1 KORINTH 15:58

Naba kumta, ko parabangeit ba-ieit jong nga, to long phi kiba ïaineh skhem, bad ki bymkynriah noh, bad kiba man kyrhai man la ka sngi ha ka kam U Trai, haba phi tip skhem ba kata ka jingtrei minot jong phi kam ju long kaba lehnohei ha U Trai.

GALATIA 5:5

Namar ngi, da U Mynsiem, ngi ïai-ap da ka jingngeit ïa kata ka jingkyrmen ïa ka hok.

GALATIA 6:9

Te ha kaba leh babha, wat ai ba ngin man thait shuh, namar ha ka Ïa babiang, ngin ïoh ot lada ngim da duh bor noh.

PHILIPPI 3:15

Namar kata, kat kiba long kiba janai, to ngin ïamut brai ïa kane; te lada ha kaei kaei phi ïamut da kumwei, ïa kane ruh U Blei un pynpaw ha phi.

KOLOSSAI 1:23

lada shisha phi ïaisah ha ka jingngeit, ïa kiba la pynshong nongrim bad kiba neh skhem, bad ki bymkhih noh na kata ka jingkyrmen ka gospel ïa kaba phi la ïohsngew, ïa kaba la ïalap ha u bynriew baroh uba hapoh ka bneng; ïa kaba la pynlong nongïalap ïa nga u Paul.

KOLOSSAI 1:5

namar kata ka jingkyrmen ïa kaba la buh na ka bynta jong phi ha ki bneng, ïa kaba phi la lah ïohsngew mynshuwa ha ka ktien ka jingshisha jong ka gospel;

KOLOSSAI 2:2

ba yn ïoh pyntngen ïa ki dohnud jong ki, haba la pynïasoh lang ïa ki ha ka jingïa-ieit, bad ha ka jingkynrei spah baroh jong ka jingsngewskhem ba-dap biang jong ka jingshemphang, ba kin ïoh tip ïa ka jingmaïan jong U Blei, kaba long U Khrist;

1 THESSALONI 1:5

Namar ka gospel jong ngi kam shym la wan ha phi shu tang ha ka ktien hi, hynrei, ha ka bor ruh, bad ha U Mynsiem Bakhuid, bad ha ka jingskhem shibun keiñ; kumba phi ïatip kiba kumno ngi la pyni ïa lade sha phi na ka bynta jong phi.

1 THESSALONI 4:10

Namar shisha, phi leh ïa kane ha kita ki parabangeit baroh kiba ha baroh kawei ka ri Makedonia. Te ngi kyntu ïa phi, ko parabangeit, ban nang roi nang roi;

2 THESSALONI 3:13

Hynrei, ma phi, ko parabangeit, wat man thait ha kaba leh babha.

HEBRU 10:22

to ngin ïawan hajan da ka dohnud bashisha ha ka jingsngewskhem bha ka jingngeit, ba la synreit ïa ki dohnud jong ngi na ka jingïatiplem basniew, bad ba la sait ïa ki met jong ngi da ka um bakhuid:

HEBRU 3:14

Namar ngi la jia long ki nongïoh bynta na U Khrist, lada ngin ïaibat skhem ïa kata ka basdang ka jingshaniah jong ngi haduh ka bakut;

HEBRU 3:6

hynrei, U Khrist kum U Khun halor ka ïing jong u hi, ka ïing jong uba ngi long ma ngi, lada ngi ïaibat skhem ïa ka jingshaniah jong ngi bad ïa ka jingkmen ka jingkyrmen jong ngi haduh ka bakut.

JOSHUA 7:3

Bad ki la wan phai sha u Joshua, ki la ong ruh ha u, “Wat ai ba ki briew baroh kin leit kiew; tang kumba ar hajar ne lai hajar briew kin leit kiew bad kin jop ïa ka Ai; wat pynshitom ïa ki briew baroh shata, naba ki long khyndiat.”

1 PETROS 1:21

kiba ngeit da u ha U Blei, uba la pynmih pat ïa u na ki baïap, bad uba la ai ka burom ha u; ba kumta, kata ka jingngeit jong phi bad ka jingkyrmen kin ïoh long ha U Blei.

2 PETROS 1:10

Naba kumta, ko parabangeit, to phin kham ïaleh minot ban pynlong skhem ïa kata ka jingkhot bad ïa ka jingjied ïa phi; namar haba phi ïai-leh ïa kine kiei kiei ruh, phin ym jynthut lano lano ruh:

2 PETROS 3:14

Naba kumta, ko hep ba-ieit, haba phi ïakhmih lynti ïa kine kiei kiei ruh, to pyrshang smat ba yn shem ïa phi ha ka jingsuk, kiba khlem thohbria, bad kiba khlem tei pop ha khmat jong u.

1 ÏOANNIS 3:14

Ngi tip ba ngi la lait shiliang na ka jingïap sha ka jingim, naba ngi ieit ïa ki parabangeit. Jar u bymieit u dang sah ha kata ka jingïap.

1 ÏOANNIS 3:19

Te da kane ngi tip ba ngi long na kata ka jingshisha, bad ngin pynskhem ïa la ki dohnud ha khmat jong u,

JINGPYNPAW 2:26

Bad uta uba jop, bad uba sumar haduh ka bakut ïa ki jingleh jong nga, ngan ai ha u ka bor halor kita ki kynja bynriew;