HEBRU 6:1 - KA BAIBL

¹ Naba kumta, da kaba iehnoh ban kren shaphang ki jinghikai ki banyngkong shaphang U Khrist, ïa, ngin ïa nang ïaid shaduh ka jingpynjanai; khlem buh pat ka nongrim ka jingkylla-ka-bamut na ki jingleh baïap, bad ka jingngeit sha U Blei,

Khasi CL Bible (BSI)

¹ Te, to ngin ïaid shaphrang, sha ka jinghikai ïa kiba ïadei bad kiba la san bad ieh shadien jong ngi ïa ki jinghikai banyngkong ka khubor jong ka jingngeit. Ngim dei ban neh sah ha ka nongrim jong ka jingphai noh na ki kam bymseisoh bad ka jingngeit ha U Blei;

HEBRU 6:1 Mawu Ofanana

PROBERB 4:18

Hynrei, ka lynti jong u bahok ka long kum ka jingshai ka batyngshaiñ, kaba nang tyngshaiñ nang tyngshaiñ haduh kaba janai ka sngi.

SEKHARAÏAH 12:10

“Te ngan theh buk buk halor ka ïing u Dabid, bad halor ki nong Jerusalem, ïa ka mynsiem ka jingaiei bad ka jingkyrpad; bad kin khmih ha nga ïa uba ki la sum; bad kin ïambriew ïa u, kumba uno uno u ïambriew ïa la u khun marwei, bad kin sngewkthang namar jong u, kumba uno uno u sngewkthang namar uba la kha nyngkong jong u.

MATHAÏOS 21:29

Uta, u da ïathuh te u la ong, ‘Ngam treh’, hynrei, hadien u da kylla-ka-bamut, bad u la leit.

MATHAÏOS 21:32

Naba u Ïoannis u la wan ha phi ha ka lynti ka hok, te phim shym la ngeit ha u; hynrei, ki nongkhrong bad ki nuti ki la ngeit ha u, hynrei phi, haba phi la ïohi, phim shym la kylla hadien, ïa ka ban ngeit ha u.

MATHAÏOS 3:2

u da ong, “To kylla-ka-bamut; naba ka hima ki bneng ka la jan.”

MATHAÏOS 4:17

Naduh kata, U Jisu u la sdang ban ïalap, bad ban ong, “To kylla-ka-bamut; naba ka hima ki bneng ka la jan.”

MATHAÏOS 5:48

Namar kata, phin ïalong kiba janai, kumba U Kpa jong phi uba ha bneng u long uba janai.”

MATHAÏOS 7:25

te u slap u la hap, bad ki wah ki la ïashlei, bad ki lyer ki la ïabeh, bad ki la shoh ïa kata ka ïing; te kam shym la kyllon noh: naba la pynshong nongrim ïa ka halor u mawsiang.

MARKOS 1:1

Kaba sdang ka gospel U Jisu Khrist, U Khun U Blei.

MARKOS 6:12

Te haba ki la leit noh, ki la ïalap ba kin kylla-ka-bamut.

LOUKAS 6:48

U long kum u briew uba tei ïa ka ïing, uba la tih bad uba la ngam jylliew, bad uba la seng nongrim halor u mawsiang; te haba la jia ka jingshlei, ka um ka la shoh kyrthep ïa kata ka ïing, hynrei, kam lah shuh ban pynkhih ïa ka; naba la pynshong nongrim ïa ka halor u mawsiang.

ÏOANNIS 12:44

Ynda kumta, U Jisu u la pyrta jam bad u la ong, “Uta uba ngeit ha nga, um ngeit ha nga, hynrei, ha uta uba la phah ïa nga.

ÏOANNIS 14:1

“Wat khih khuslai na ka dohnud jong phi: to ngeit phi ha U Blei, to ngeit ha nga ruh.

ÏOANNIS 5:24

Shisha, shisha nga ong ha phi, ba uta uba ïohsngew ïa ka ktien jong nga, bad uba ngeit ha uta uba la phah ïa nga, u don ka jingim bymjukut; bad un ym wanhap sha ka jingpynrem, hynrei, u la lait shiliang na ka jingïap sha ka jingim.

KI KAM 11:18

Te haba ki la ïohsngew ïa kine kiei kiei, ki la ïasngap jar, bad ki la ïa-pyndonburom ïa U Blei, ki da ong, “Kumta te ha ki Jentil ruh U Blei u la ai ïa ka jingkylla-ka-bamut sha ka jingim.”

KI KAM 17:30

U Blei, namar kata, u la leh kum bym khmih ïa ki aïom ka jingbymtip, hynrei, mynta, u hukum ïa ki briew baroh kylleng la kylleng ban kylla-ka-bamut;

KI KAM 2:38

Te u Petros u la ïathuh ha ki, “To phin kylla-ka-bamut, bad yn pynbaptis ïa phi uwei pa uwei ha ka kyrteng U Jisu Khrist, ïa ka ban ïohmap ki pop; bad phin ïoh diang ïa ka jingai U Mynsiem Bakhuid.

KI KAM 20:21

da kaba phla ha ki Jiw bad ha ki Grik de ïa ka jingkylla-ka-bamut sha U Blei, bad ïa ka jingngeit ha U Jisu Khrist uba U Trai jong ngi.

KI KAM 26:20

hynrei, nga la ïalap nyngkong ha kiba ha Damaskos, bad ha Jerusalem ruh, bad ha ka ri Judia baroh, bad ha ki Jentil ruh, ba kin kylla-ka-bamut, bad kin phai sha U Blei, da kaba leh ïa ki kam ba dei biang ïa ka jingkylla-ka-bamut.

KI KAM 3:19

Namar kata, to kylla-ka-bamut, to wan phai khmat ruh, ban ïoh pyndam noh ïa ki pop jong phi, ba kumta kin ïoh wan ki aïom shong pyngngad na khmat U Trai,

1 KORINTH 13:10

hynrei, ynda kata kaba janai kan poi, ynda kumta, yn pyndam noh ïa kata kaba tang katto katne.

1 KORINTH 2:6

La kumta ruh, ngi kren ïa ka jingstad hapdeng kita kiba janai; hynrei, ym ïa ka jingstad jong kane ka pyrthei, lymne ka jong ki bakhraw batri jong kane ka pyrthei ki ban sa duh noh:

2 KORINTH 7:1

Namar kata, haba ngi don kine ki jingkular, ko ki hep, to ngin ïapynkhuid noh ïa lade na ka jingbit-tngit ka doh bad ka mynsiem baroh, da kaba pynjanai ïa ka jingkhuid ha ka jingsheptieng ïa U Blei.

2 KORINTH 7:10

Namar kata ka jingsngewsih bariewblei ka pynlong ka jingkylla-ka-bamut sha ka jingpynim ka bymbabe shuh; hynrei, ka jingsngewsih ka jong ka pyrthei ka pynlong ka jingïap.

EPHESOS 2:1

Bad ïa phi u la pynim, haba phi la long ki baïap da ki jingryngkang bad ki pop,

EPHESOS 2:5

wat mynba ngi la long ki baïap da ki jingryngkang jong ngi, u la pynim ïa ngi lem bad U Khrist (da ka jingaiei la pynim ïa phi),

EPHESOS 4:12

ïa ka ban pynjanai ïa ki riewkhuid, ïa ka jingtrei ka jingshakri 'tien Blei, ïa ka ban tei ïa ka met U Khrist:

KOLOSSAI 1:28

ïa uba ngi ïalap, da kaba sneng ïa u briew baroh bad da kaba hikai ïa u briew baroh ha ka jingstad baroh, ba ngin ïoh pynïeng ïa u briew baroh uba janai ha U Khrist Jisu;

KOLOSSAI 3:14

bad nalor kine kiei kiei baroh, to phin kup ïa ka jingïa-ieit, kaba long ka panpoh jong ka jingpynjanai.

KOLOSSAI 4:12

U Epaphras, uba long uwei na phi, u shakri U Khrist Jisu, u ai khublei ïa phi, u da ïaleh ha la ka sngi na ka bynta jong phi ha ki jingduwai jong u, ba phin ïoh ïeng janai bad ba la pynskhem bha ha ka mon U Blei baroh.

1 TIMOTHI 3:16

Bad khlem ka jingïasaid, kaba khraw ka jingmaïan ka jong ka niam Blei: Uta uba la paw ha ka doh, ba la ksan ha U Mynsiem, ba la ïohi da ki angel, ba la ïalap hapdeng ki Jentil, ba la ngeit ha ka pyrthei, ba la pdiang haneng ha ka burom.

1 TIMOTHI 6:19

kiba kynshew ïa lade ïa ka nongrim babha ïa ka por lawei, khnang ba kin ïoh bat khak ïa kata ka jingim kaba long ka jingim kaba shisha.

2 TIMOTHI 2:19

Hynrei, kata ka nongrim baskhem jong U Blei ka ïaineh, kaba don kane ka shab: “U Trai u ithuh ïa kita kiba long ki jong u”: bad, “To uwei pa uwei baroh uba khot kyrteng ïa ka kyrteng U Khrist, un kyndiah noh na ka jingbymhok.”

HEBRU 11:6

hynrei, khlem ka jingngeit, ym lah ban pynsngewbha ïa u: namar ka dei ïa uta uba wan hajan U Blei ban ngeit ba u don, bad ba u long uba ai nong ïa kita kiba wad ïa u.

HEBRU 12:13

bad to pynlong ïa ki lynti ba-beit ïa ki kjat jong phi, ba yn ym pynphai noh ïa kata ka ba-dkoh na ka lynti, hynrei, kham tam ba yn pynkhiah.

HEBRU 7:11

Te lada don ka jingjanai da kata ka jinglong lyngdoh ki Lebi (namar ha ka, uta u paidlang u la ïoh ïa ka hukum), dang donkam aïu ba uwei pat u lyngdoh un mih ha kata ka rukom u Melkhisedek, bad ban ym kheiñ ïa u ha kata ka rukom u Aaron?

HEBRU 9:14

da katno tam ka snam U Khrist, uba da U Mynsiem bymjukut u la ainguh ïa lade ba khlem jingduna ha U Blei, kan pynkhuid ïa ka jingïatiplem jong phi na ki jingleh baïap, ïa ka ban shakri ïa U Blei ba-im?

JAKOB 1:4

Hynrei, kane ka jingïaishah, to ai kan ïoh ïa la ka jingtrei bajanai, ba phin ïoh long kiba janai bad kiba tylli biang, ki bymduna ha kaei kaei ruh.

1 PETROS 1:21

kiba ngeit da u ha U Blei, uba la pynmih pat ïa u na ki baïap, bad uba la ai ka burom ha u; ba kumta, kata ka jingngeit jong phi bad ka jingkyrmen kin ïoh long ha U Blei.

1 PETROS 5:10

Te U Blei ka jingaiei baroh, uba la khot ïa phi sha kata ka burom bymjukut jong u ha U Khrist, ynda phi la shah shitom khyndiat por, ma u hi keiñ, un da pynjanai ïa phi, un da pynskhem, un da pynshaitbor.

1 ÏOANNIS 4:12

Ym don uba la ïohi ïa U Blei mynno mynno ruh; lada ngi ïa-ieit paralok hi, U Blei u ïaisah ha ngi, bad ïa kata ka jingieit jong u la pynjanai noh ha ngi.