HEBRU 5:9 - KA BAIBL

⁹ bad haba la pynbit janai ïa u, u la jia long u nongpynlong ka jingpynim bymjukut ïa kita baroh kiba kohnguh ïa u;

Khasi CL Bible (BSI)

⁹ Haba la pynlong janai ïa u, u la jia long ka tynrai jong ka jingim bymjukut na ka bynta kito baroh kiba kohnguh ïa u,

HEBRU 5:9 Mawu Ofanana

SALM 45:17

Ngan pynlong kaba la kynmaw ïa ka kyrteng jong me pateng la pateng baroh: namar kata, ki paidbah kin ainguh ïa me ha la ka rta.

SALM 51:6

Ha khmih, me kwah ïa ka jingshisha ha kaba shapoh; bad ha ka bynta kaba rieh men pynlong ba ngan tip ïa ka jingstad.

SALM 51:8

To pynlong ba ngan ïohsngew ïa ka jingkmen bad ka jingsngewbha; ba kita ki shyieng kiba me la pynkheiñ kin ïoh shadkmen.

ISAÏAH 45:22

“To phai khmat sha nga, bad to long ba la pynim ki bakut jong ka pyrthei baroh; namar nga, nga long U Blei, bad ym don uwei pat.

ISAÏAH 49:6

U la ong te, “Ka long kaba sting eh ba men long u shakri jong nga ban pynïeng ïa ki jaid u Jakob, bad ban pynbha pat ïa kiba pynsah jong ki Israel: ngan ai ruh ïa me ban long ka jingshai ïa ki Jentil, ba men ïoh long ka jingpynim jong nga haduh ka bakut ka pyrthei.”

ISAÏAH 50:10

Uei hapdeng jong phi uba sheptieng ïa U Trai, uba kohnguh ïa ka ktien u shakri jong U? Uba ïaid ha ka ba-dum, bad um don jingshai, to un shaniah ha ka kyrteng U Trai, bad un kyrshan ha U Blei jong u.

ISAÏAH 55:3

Pyndem la ka shkor, to wan ruh ha nga; to sngew, te ka mynsiem jong phi kan sa im: bad ngan pynlong bad phi ka jutang bymjukut, ki jingisynei baskhem jong u Dabid keiñ.

DANIEL 9:24

“Hynñiewphew taïew la pynkut halor ki briew jong me bad halor kata ka nongbah bakhuid jong me, ïa ka ban pyndep ïa ka jingpalat, bad ban pynwai noh ïa ki pop, bad ban pynlong ka jingpynïasuk na ka bynta ka jingbymhok, bad ban wallam noh ïa ka hok bymjukut, bad ïa ka ban pyndait laha ïa ka jingithuhpaw bad ïa ka jingïathuhlypa, bad ban pynsleh ïa U Bakhuid Tam Eh.

SEKHARAÏAH 6:15

“Bad kita kiba ha jngai kin ïawan bad kin ïatei ha ka templ U Trai, bad phin ïoh tip ba U Trai ki paid u la phah ïa nga sha phi. Te kane kan jia, lada phin kohnguh bha ïa ka ktien U Trai U Blei jong phi.”

MATHAÏOS 17:5

Haba u dang kren, ha khmih, u lyoh batyngshaiñ u la kah ïa ki: ha khmih ruh, ka ktien na uta u lyoh ka la ong, “Une u long U Khun jong nga uba ieit, ha uba nga sngewbha: phin sngew ïa u.”

LOUKAS 13:32

Te u la ong ïa ki, “Khie leit ïathuh ha uta u myrsiang, ‘Ha khmih, nga beh noh ïa ki ksuid, nga trei ruh ïa ki kam pynkhiah mynta bad lashai, te ha ka balai ka sngi yn sa pynjanai ïa nga.

ÏOANNIS 19:30

Te mynba U Jisu u la shim ïa kata ka bajew, u la ong, “La pyndep:” bad haba u la noh lyngngeh ïa la ka khlieh, u la aiti noh ïa la ka mynsiem.

KI KAM 3:15

bad ïa U Syiem ka jingim, phi la pynïap noh; ïa uba U Blei u la pynmih pat na ki baïap; shaphang kata, ngi, ngi long ki nongphla.

KI KAM 4:12

Bad ym don ka jingpynim hano hano ha uwei pat: naba ym don kawei pat ka kyrteng hapoh ka bneng, ïa kaba la ai hapdeng ki briew, da kaba ka dei ba yn pynim ïa ngi.”

KI KAM 5:32

Ngi te ngi long ki sakhi ïa kine kiei kiei ruh; kumjuh ruh U Mynsiem Bakhuid, ïa uba U Blei u la ai ha kita kiba kohnguh ïa u.”

Ka Shithi U Paul Sha Ki Nong Rom 1:5

da uba ngi la ïa-pdiang ïa ka jingaiei bad ïa ka kam apostol, khnang ïa ka jingkohnguh ka jingngeit hapdeng ki kynja bynriew baroh, na ka bynta ka kyrteng jong u;

Ka Shithi U Paul Sha Ki Nong Rom 10:16

Hynrei, baroh kim shym la kohnguh ïa kata ka gospel. Namar u Isaïah u kylli: “Ko Trai, uei ba la ngeit ïa ka jingpynbna jong ngi?”

Ka Shithi U Paul Sha Ki Nong Rom 15:18

Namar ngan ym nud ban kren ei ei shaphang kita kiei kiei ruh, ïa kiba U Khrist um shym la trei da nga, khnang ïa ka ban pynkohnguh ïa ki Jentil, da ka ktien bad da ka jingleh,

Ka Shithi U Paul Sha Ki Nong Rom 2:8

hynrei, ha kita kiba leh kiat, bad ki bymkohnguh ïa ka jingshisha, hynrei, kiba kohnguh ïa ka jingbymhok, yn long ka jingbitar bad ka jingbitar baïaibat.

Ka Shithi U Paul Sha Ki Nong Rom 6:17

Hynrei, to long ka jingnguh ha U Blei, ba, la phi la ju long ki mraw ki jong ka pop, hynrei, phi la jia long kiba kohnguh naduh ka dohnud ïa kata ka dur ka jinghikai ha kaba la aiti ïa phi.

2 KORINTH 10:5

da kaba pynkyllon noh keiñ ïa ki jingmut thala, bad ïa ka jingleh khraw baroh kaba kyntiew ïa lade ïa ka ban ïaleh ïa kata ka jingtip shaphang U Blei, bad da kaba pyndem ïa ka jingpyrkhat baroh ha ka jingkohnguh ïa U Khrist,

PHILIPPI 2:12

Kumta te, ko hep ba-ieit jong nga, kumba ha la ka sngi phi la kohnguh, ym tang ha khmat jong nga, hynrei, mynta, kham tam eh ha kaba ngam don ha khmat keiñ, to trei dep noh ïa ka jingpynim jong phi hi da ka jingtieng bad ka jingkhynñiuh;

2 THESSALONI 1:8

ha ka ding ba-meh, u da pynhiar kput ha kita ki bymithuh ïa U Blei, bad ha kita ki bymkohnguh ïa ka gospel ka jong U Trai Jisu jong ngi;

2 THESSALONI 2:16

Te U Jisu Khrist hi uba U Trai jong ngi, bad U Blei uba U Kpa jong ngi uba la ieit ïa ngi, bad uba la ai ha ngi ïa ka jingpyntngen bymjukut, bad ïa ka jingkyrmen babha da ka jingaiei,

2 TIMOTHI 2:10

Namar kata, nga ïaishah ïa kiei kiei baroh na ka bynta kiba la jied, ba ma ki ruh kin ïoh ïa ka jingpynim kaba ha U Khrist Jisu, lem bad ka burom bymjukut.

HEBRU 1:14

Hato kita baroh kim long ki mynsiem bashakri, ïa kiba la phah noh ïa ka ban shakri na ka bynta kita ki ban sa ïoh ïa ka jingpynim?

HEBRU 11:40

ba U Blei u la khreh lypa shaphang jong ngi ïa kaei kaei ruh ba kham bha, khnang ba khlem ma ngi, yn ym ïoh pynjanai ïa ki.

HEBRU 11:8

Da ka jingngeit, u Abraham haba la khot ïa u, u la kohnguh ban leit noh sha kata ka jaka ïa kaba un sa pdiang ïa ka ban long ka bynta; te u la leit noh, um da tip shaei u leit.

HEBRU 12:2

da kaba khmih sha U Jisu U Nongpynlong bad U Nongpynjanai ïa ka jingngeit jong ngi, uba namar kata ka jingkmen ïa kaba la buh ha khmat jong u, u la shah ïa ka diengphna, u da ibeiñ ïa ka jinglehrain, bad u la shong ha ka kti kamon ka khet U Blei.

HEBRU 2:10

Namar ka la bit ïa u, na ka bynta jong u ba la long kiei kiei baroh, bad da u ba long kiei kiei baroh, ha kaba u ïalam ïa ki khun shibun sha ka burom, ban pynjanai ïa U Nongpynlong ka jingpynim jong ki da ki jingshahshitom.

HEBRU 2:3

kumno ngi ngin ïohlait keiñ, lada ngi lyndet ïa ka jingpynim bakhraw katta katta? haba la kren ïa ka ha kaba mynnyngkong da U Trai, la pynskhem ïa ka ha ngi da kita kiba la ïohsngew;

HEBRU 9:12

lymne da ka snam ki blang bad ki khun masi, hynrei, da ka snam jong u hi, u leit rung tang shi sien sha kata ka Jaka kyntang, haba u la ïoh ïa ka jingsiewspah bymjukut.

HEBRU 9:15

Te namar kane, u long U Ksiang ka jutang bathymmai, ba haba la jia ka jingïap ïa ka ban siewspah ïa kita ki jingpalat kiba hapoh kata ka jutang ka banyngkong, kita ïa kiba la khot, kin ïoh pdiang ïa ka jingkular ïa kata ka bynta bymjukut.

HEBRU 9:28

kumta, U Khrist ruh, haba la kñia ainguh tang shi sien ïa u, ïa ka ban bah noh ïa ki pop jong kiba bun, un mihpaw ha ka ba-ar sien, khlem bah ka pop, ha kita kiba khmih lynti ïa u, ïa ka jingpynim.

1 PETROS 1:22

Haba phi la pynkhuid ïa ki mynsiem jong phi ha kaba kohnguh ïa ka jingshisha da U Mynsiem, ïa ka ban ïa-ieit parabangeit khlem arsap, to phin da ïa-ieit shitrhem paralok hi naduh ka dohnud:

1 ÏOANNIS 5:20

Ngi tip ruh ba uta U Khun U Blei u la wan, bad u la ai ha ngi ka jingshemphang, khnang ba ngin ïoh ithuh ïa uta U Bashisha; bad ngi long ha uta U Bashisha, ha uta U Khun jong u, U Jisu Khrist. Une u long uta U Blei Bashisha, bad kata ka jingim bymjukut.

JUDAH 1:21

to phin ri noh ïa lade ha ka jingieit U Blei da kaba ap khmih hir hir ïa kata ka jingisynei U Jisu Khrist uba U Trai jong ngi sha ka jingim bymjukut.