HEBRU 5:7 - KA BAIBL

⁷ Uba ha ki sngi ka doh jong u, haba u la ainguh ïa ki jingduwai bad ki jingkyrpad, lem bad ka jingkyang kaba khraw bad ki ummat, ha uta uba lah ban pyllait ïa u na ka jingïap, bad haba la ïohsngew ïa u namar ka jingtieng riewblei jong u,

Khasi CL Bible (BSI)

⁷ Ha ka jingim jong u ha kane ka pyrthei, U Jisu u la duwai bad khot kyrpad da kaba pyrta jam bad ïam ha khmat U Blei, uba lah ban pyllait ïa u na ka jingïap. Namar ba u long uba sngewrit bad aiti lut, U Blei u la shahshkor ïa u.

HEBRU 5:7 Mawu Ofanana

SALM 22:24

Namar um shym ñiewbeiñ, lymne isih ïa ka jynjar jong u bajynjar; lymne um shym buhrieh ïa la ka khmat na u; hynrei, haba u la lynñiar ha U, U la ïohsngew.

SALM 69:1

To pynim ïa nga, A U Blei; naba ki um ki la wan rung haduh ka mynsiem jong nga.

SALM 88:1

A Trai, U Blei ka jingpynim jong nga, nga la kyang synñia sngi ha khmat jong me:

ISAÏAH 49:8

Kumne u ong U Trai, “Ha ka Ïa badiang hun nga la sngap ïa me, bad ha ka sngi ka jingpynim nga la ïarap ïa me: te ngan ri ïa me, bad ngan ai ïa me ban long ka jutang u paidlang, ban pynïeng ïa ka ri, ban pynïoh ha ki, ki ri kynti ba long khlaw;

ISAÏAH 53:11

Un ïohi ïa ka jingtrei shitom ka mynsiem jong u, bad yn pynhun: da la ka jingtip u shakri bahok jong nga un pynksan ïa ki babun: bad u un bah ïa ki jingbymhok jong ki.

ISAÏAH 53:3

U la long ba la ibeiñ, bad ba la kyntait da ki briew: u briew ki jingsngewsih, bad uba tip ïa ka khuslai: bad kum uba ki briew ki ju buhrieh ïa la ka khmat na u la ibeiñ ïa u, te ngim shym la ñiew ïa u.

LEBITIKOS 2:2

bad un wallam ïa ka ha ki khun shynrang u Aaron ki lyngdoh: bad un shim nangta shi kham jong u na u 'purew bani jong ka, bad na ka umphniang jong ka, bad ïa ka jingiwbih jong ka baroh; bad u lyngdoh un thang ïa ka jingpynkynmaw jong ka halor ka duwan, ïa ka ban long ka jingainguh da ka ding, ka jingiw baiwbih keiñ ïa U Trai.

MATHAÏOS 27:46

Te hamar kaba khyndai baje, U Jisu u la pyrta da ka ktien kaba jam, u da ong, “Eli, Eli, lama sabakhthani” (kata kaba long, “U Blei jong nga, U Blei jong nga, balei ba me la iehnoh ïa nga?”)

MATHAÏOS 27:50

U Jisu te haba u la pyrta pat da ka ktien bajam, u la ai noh ïa la ka mynsiem.

MARKOS 15:34

Te hamar kaba khyndai baje U Jisu u la pyrta da ka ktien bajam, u da ong, “Eloi Eloi lamma sabakhthani?” (kaba long, haba la batai, “U Blei jong nga, U Blei jong nga balei me la iehnoh ïa nga?”)

MARKOS 15:37

Haba U Jisu u la pynmih noh te ïa ka ktien bajam, u la ai noh ïa ka mynsiem.

LOUKAS 23:46

U Jisu te haba u la pyrta da ka ktien bajam, u la ong, “Ko Kpa, ha ki kti jong me nga aiti ïa la ka mynsiem”: te haba u la ong ïa kane, u la ai noh ïa ka mynsiem.

ÏOANNIS 1:14

Uta U Ktien te u la kynja doh, bad u la shong sah hapdeng jong ngi; bad ngi la ïoh-khmih shaiñ ïa ka burom jong u, ka burom kaba da kat ka jong uba la kha marwei na U Kpa, ba la dap da ka jingaiei bad ka jingshisha.

ÏOANNIS 11:35

U Jisu u la ïam.

ÏOANNIS 11:42

Nga te nga tip ba me sngew ïa nga ha la ka sngi, hynrei, nga la kren na ka bynta une u paidbah uba ïeng baroh sawdong, ba kin ïoh ngeit ba la phah ma me ïa nga.”

ÏOANNIS 17:1

Ïa kine kiei kiei ruh U Jisu u la kren; bad u la khmied la ki khmat sha bneng, bad u la ong, “Ko Kpa, kata ka por ka la jia; to pyndonburom ïa U Khun jong me, ba uta U Khun ruh un ïoh pyndonburom ïa me:

Ka Shithi U Paul Sha Ki Nong Rom 8:3

Namar ïa kata kaba ka hukum kam shym lah ban leh, naba ka la tlot na kata ka doh, U Blei, da kaba u la phah ïa U Khun jong u hi ha ka dur ka doh pop, bad ban long ka jingkñia namar ka pop, u la pynrem ïa ka pop ha kata ka doh;

GALATIA 4:4

hynrei, haba la jia ka Ïa kaba biang U Blei u la phah ïa la U Khun, ïa uba la kha na ka briew, ïa uba la kha hapoh ka hukum,

1 TIMOTHI 3:16

Bad khlem ka jingïasaid, kaba khraw ka jingmaïan ka jong ka niam Blei: Uta uba la paw ha ka doh, ba la ksan ha U Mynsiem, ba la ïohi da ki angel, ba la ïalap hapdeng ki Jentil, ba la ngeit ha ka pyrthei, ba la pdiang haneng ha ka burom.

HEBRU 10:10

Da kata ka mon, la pynkhuid ïa ngi da kata kaba ainguh ïa ka met U Jisu Khrist tang shi sien ai.

HEBRU 10:5

Naba kumta, haba u wan sha kane ka pyrthei, u ong: “Ïa ka jingkñia bad ïa ka jingainguh mem shym la mon, hynrei, ïa ka met me la khreh ïa nga;

HEBRU 11:7

Da ka jingngeit, u Noah haba la maham ïa u da U Blei shaphang kita kiei kiei ïa ki bym pat shym la ïohi, haba la pynkhih ïa u da ka jingtieng riewblei, u la thaw ka ïinglieng ban pynim ïa ka ïing jong u; da kaba u la pynrem ïa ka pyrthei, bad u la jia long u nongïoh pateng ïa kata ka hok kaba katba kum ka jingngeit.

HEBRU 12:28

Naba kumta, haba ngi pdiang ïa ka hima ka bym lah pynkhih, to ngin ïoh ka jingsngewnguh, da kaba ngin ai ka jingshakri kaba pynsngewbha ïa U Blei da ka burom bad ka jingtieng burom;

HEBRU 13:20

Te U Blei ka jingsuk uba la wallam pat na ki baïap ïa U Nongap u bakhraw ki langbrot, da ka snam ka jutang bymjukut, ïa U Jisu U Trai jong ngi keiñ,

HEBRU 2:14

Namar kata, haba kita ki khun ki long ki nongïoh bynta na ka doh bad ka snam, ma u hi ruh, da kajuh ka rukom u la shim bynta na kijuh; ba da ka jingïap un ïoh pynduh noh ïa uta uba don ka bor ka jingpynïap, uta u long u Soitan keiñ;

1 ÏOANNIS 4:3

bad ka mynsiem baroh ka bymphla ïa U Jisu kam long na U Blei. Te kane ka long kata ka mynsiem jong uta u nongïaleh pyrshah ïa U Khrist; shaphang kaba phi la ïohsngew ba ka wan, bad mynta keiñ ka la don lypa ha ka pyrthei.

2 ÏOANNIS 1:7

Naba shibun ki nongshukor ki la ïaleit mih sha ka pyrthei, ki bymïaphla ba U Jisu Khrist u wan ha ka doh. Une keiñ, u long uta u nongshukor bad u nongïaleh pyrshah ïa U Khrist.