HEBRU 5:5 - KA BAIBL

⁵ Kumta, U Khrist ruh um shym la pyndonburom ïa lade ïa ka ban long Rangbah lyngdoh; hynrei, uta uba la ong ha u: “Me, me long U Khun jong nga, ha kane ka sngi, nga la pynkha ïa me.”

Khasi CL Bible (BSI)

⁵ Ha kajuh ka rukom, U Khrist um shym la shim ha lade ïa kane ka burom ka jinglong Rangbah Lyngdoh. Pynban, U Blei u la ong ha u, “Me, me long U Khun jong nga; ha kane ka sngi nga la long U Kpa jong me.”

HEBRU 5:5 Mawu Ofanana

SALM 2:7

“Ngan pynbna ïa ka hukum:” U Trai u la ong ha nga, “Me, me long u khun jong nga; ha kane ka sngi nga la pynkha ïa me.

MIKAH 5:2

Hynrei, ma pha, ka Bethlehem Ephrathah, la pha long kaba rit hapdeng ki hajar Judah, na pha keiñ un mih ha nga uwei u ban sa long u nongsynshar ha Israel; uba ka jingmih jong u ka long na mynhyndai, naduh bymjukut.

ÏOANNIS 3:16

“Naba U Blei u la ieit katta katta ïa ka pyrthei katba u la aiti noh ïa la U Khun ba la kha marwei, ba uei uei ruh uba ngeit ha u, un ym jot shuh, hynrei, un ïoh ka jingim bymjukut.

ÏOANNIS 7:18

jar uba kren na lade, u wad ïa la ka jong ka burom: hynrei, jar uba wad ïa ka burom jong uta uba la phah ïa u, uta u long uba shisha, bad ka jingbymhok kam don ha u.

ÏOANNIS 8:54

U Jisu u la ïathuh, “Lada nga pyndonburom ïa lade, ka burom jong nga kam long ei ei ruh em; U Kpa jong nga u long uba pyndonburom ïa nga; ïa uba phi, phi ong ba u long U Blei jong phi,

KI KAM 13:33

Kumba la thoh ruh ha ka Salm ka ba-ar; “ ‘Me long U Khun jong nga, ha kane ka sngi nga la pynkha ïa me.’

Ka Shithi U Paul Sha Ki Nong Rom 8:3

Namar ïa kata kaba ka hukum kam shym lah ban leh, naba ka la tlot na kata ka doh, U Blei, da kaba u la phah ïa U Khun jong u hi ha ka dur ka doh pop, bad ban long ka jingkñia namar ka pop, u la pynrem ïa ka pop ha kata ka doh;

HEBRU 1:1

U Blei, haba u la lah kren mynhyndai ha ki kpa tymmen da ki bun bynta bad ha ki bun rukom ha ki nongïathuhlypa, ha kine ki sngi ki bakhatduh u la kren ha ngi ha U Khun;

HEBRU 1:5

Namar hano na kita ki angel u la ong mynno mynno, “Me, me long U Khun jong nga, ha kane ka sngi nga la pynkha ïa me?” Pat ruh, “Nga ngan long kpa ïa u, u ruh un long Khun ïa nga?”

HEBRU 2:17

Namar kata, ka la dei ban pynlong ïa u, uba syriem ïa la ki para ha kiei kiei baroh, ba un ïoh long U Rangbah lyngdoh ba-isynei bad ïa uba lah ban shaniah ha kiei kiei kiba dei sha U Blei, ba un pynlong ka kuna namar ki pop u paidlang.

HEBRU 3:1

Naba kumta, ko parabangeit bakhuid, ki nongïoh bynta na ka jingkhot bakynja bneng, to phin pyrkhat ïa u Apostol bad U Rangbah lyngdoh ka jingphla jong ngi, U Jisu keiñ;

HEBRU 5:10

ba la khot ïa u da U Blei, U Rangbah lyngdoh ha kata ka rukom u Melkhisedek.