HEBRU 5:4 - KA BAIBL

⁴ Bad ym don uno uno ruh uba shim ha lade ïa kane ka burom, hynrei, tang haba la khot da U Blei ïa u, kumba la long u Aaron.

Khasi CL Bible (BSI)

⁴ Ym don uno uno ruh uba shim ha lade ïa ka burom ka jinglong rangbah lyngdoh. Ka dei tang lyngba ka jingkhot U Blei, ba u briew u lah ban long u rangbah lyngdoh — kumba u Aaron u la long.

HEBRU 5:4 Mawu Ofanana

1 KHRONIKL 23:13

Ki khun shynrang u Amram: u Aaron bad u Moses: te ïa u Aaron la pynkyrpang, ba un pynkyntang ïa kiei kiei ki bakyntang tam, ma u bad ki khun jong u, ha la ka rta, ban thang jingiwbih ha khmat U Trai, ban shakri ha U, bad ban kyrkhu ha ka kyrteng jong U, ha la ka rta.

2 KHRONIKL 26:18

bad ki la ïaïeng pyrshah ïa u syiem Ussiah, bad ki la ong ha u, “Ym dei ka jong me, ko Ussiah, ban thang jingiwbih ha U Trai, hynrei, ka jong ki lyngdoh hi ki khun u Aaron, ïa kiba la pynkyntang ban thang jingiwbih: to mih noh na ka jaka kyntang; naba me la leh palat; lymne kan ym long burom ïa me na U Trai U Blei.”

ESRA 7:5

u khun u Abishua, u khun u Phinehas, u khun u Eleasar, u khun u Aaron u rangbah lyngdoh:

EKSODOS 28:1

“Bad to shim ha me ïa u Aaron u hynmen jong me, bad ïa ki khun shynrang jong u lem bad u, napdeng ki khun Israel, ïa ka ban kam ïa ka kam lyngdoh ïa nga, ïa u Aaron keiñ, ïa u Nadab, bad ïa u Abihu, ïa u Eleasar bad ïa u Ithamar, ki khun shynrang jong u Aaron.

LEBITIKOS 8:2

“To shim ïa u Aaron bad ki khun shynrang jong u lem bad u, bad ïa ki jaiñkup, bad ïa ka umphniang ka jingpynsleh, bad ïa uwei u masi lyngraw ban long ka jingkñia namar ka pop, bad ïa ki ar tylli ki 'lang shynrang, bad shi shang u kpu bakhlem thiat;

JINGKHEIÑ 16:10

Naba u la pynwan hajan ïa me, bad ïa ki para jong me de, ki khun shynrang u Lebi baroh lem bad me; te phi wad ïa ka jinglong lyngdoh ruh de?

JINGKHEIÑ 16:35

Bad ka la mih noh ka ding na U Trai, bad ka la thang duh ruh ïa kita ki arspah sanphew kiba la ainguh ïa kata ka jingiwbih thang.

JINGKHEIÑ 16:40

ïa ka ban long ka jingpynkynmaw ïa ki khun Israel, ba uno uno ruh u nongwei, u bymdei na u symbai u Aaron, un ym wan hajan ban ainguh ïa ka jingiwbih thang ha khmat U Trai, ba ïoh un long kum u Korah, bad u paidlang jong u; kumba U Trai u la ong ha u da ka kti u Moses.

JINGKHEIÑ 16:5

U la kren ruh ha u Korah, bad ha u paidlang jong u, u da ong, “Lashai un pyni U Trai ïa uei uba dei u jong u, bad ïa uei u bakhuid, bad ïa uei de uba dei ban wan hajan jong u; naba ïa uta uba u la jied, un pynwan hajan jong u.

JINGKHEIÑ 16:7

te phin buh ding hapoh jong ki, to buh ruh ïa ka jingiwbih thang hapoh jong ki lashai ha khmat U Trai:’ te kan long, ba uta u briew ïa uba U Trai un jied, un long u bakhuid: phi shimti kham bun ha lade, phi ki khun shynrang u Lebi.”

JINGKHEIÑ 18:7

Kumta, ma me bad ki khun shynrang jong me, phin ïasumar ïa ka kam lyngdoh jong phi shaphang kiei kiei baroh kiba dei ïa ka duwan, bad hapoh ka jingkah de phin trei; nga la ai ïa ka kam lyngdoh jong phi ha phi kum ka jingai ei: te ïa u nongwei u ban wan hajan yn pynïap noh.”

JINGKHEIÑ 3:3

Kine ki long ki kyrteng ki khun shynrang u Aaron, ki lyngdoh ba la pynsleh, ïa kiba u la pynkyntang ma u ïa ka ban kam ïa ka kam lyngdoh.

ÏOANNIS 3:27

U Ïoannis u la ïathuh bad u la ong, “U briew um lah ban ïoh diang ei ei ruh em lymda la ai ha u na bneng.