HEBRU 5:13 - KA BAIBL

¹³ Namar uno uno ba ju bam tang ka dud u long u bymshemphang ïa ka ktien ka hok; namar u long u khunlung.

Khasi CL Bible (BSI)

¹³ Uno uno uba dang dih dud u dang long u khynnah, khlem pat don kano kano ka jingshemphang ïa kaei kaba dei bad ka bymdei.

HEBRU 5:13 Mawu Ofanana

1 PETROS 2:2

kum ki khunlung ba dang kha, to phin kwah hir hir ïa ka basngur ka dud kaba dei mynsiem, khnang ba phin ïoh san da ka sha ka jingpynim;

1 KORINTH 14:20

Ko parabangeit, to wat long khynnah ha ka jingshemphang; hynrei, ha ka jingbymman, to long khunlung; te ha ka jingshemphang, to long rangbah.

2 TIMOTHI 3:16

Ka Jingthoh baroh ka long kaba la pyrsad mynsiem da U Blei, bad kaba myntoi ïa ka jinghikai, ïa ka jingsneng, ïa ka jingpynbeit, ïa ka jingpynmlien kaba ha ka hok:

ISAÏAH 28:9

“Ïano un hikai ïa ka jingtip? Ïano ruh un pynshemphang ïa ka jingbna? Ïa kita ba la iehnoh buiñ, bad ki bym shym la thum shuh.

EPHESOS 4:14

ba kumta, ngin ym long shuh ki khynnah, ïa kiba la pynshad kynting bad ba la rong noh kylleng da ka lyer ka jinghikai baroh, da ka buit shalai ki briew, ha ka jingleh sianti, katba kum ka buit sniew ka jinghikai bakla;

1 KORINTH 3:1

Kumta ruh, ma nga, ko parabangeit, ngam shym lah ban kren ha phi kum ha kiba kynja mynsiem, hynrei, kum ha kiba kynja doh, kumba ha ki khunlung ha U Khrist keiñ.

2 KORINTH 3:9

Namar lada kata ka jingpynïaid niam ka jingpynrem ka la long ka burom, da kham tam shibun kata ka jingpynïaid niam ka jingpynksan ka palat ha ka burom.

1 KORINTH 13:11

Mynba nga dang khynnah, nga la kren kum u khynnah, nga la sngew kum u khynnah, nga la pyrkhat kum u khynnah keiñ; hynrei, mynta, ba nga la rangbah, nga la iehnoh ïa kita kiei kiei ruh ki jong u khynnah.

SALM 119:123

Ki khmat jong nga ki da ïong ngit thiaw ïa ka jingpynim jong me, bad ïa ka ktien ka bahok jong me.

MARKOS 10:15

Shisha nga ong ha phi, uno uno ruh u ban ym pdiang ïa ka hima U Blei kum u khun khynnah, un ym leit bsut hapoh kata.”

MATHAÏOS 11:25

Mynkata U Jisu u la ïathuh bad u la ong: “Nga nguh ïa me, ko Kpa, U Trai ka bneng bad ka khyndew, ba me la buhrieh ïa kine kiei kiei ruh na ki bastad bad ki basian, bad ba me la pynpaw ïa ki ha ki khunlung:

Ka Shithi U Paul Sha Ki Nong Rom 2:20

u nongpynstad u jong ki babieit, u nonghikai jong ki khunlung, uba ha kata ka hukum me don ka dur ka jong ka jingtip bad ka jong ka jingshisha.

2 ÏOANNIS 1:11

namar uta uba khublei ïa u, u don bynta lem ha kita ki jingleh ki basniew jong u.