HEBRU 5:1 - KA BAIBL

¹ Namar ïa u rangbah lyngdoh baroh ba la shim napdeng ki briew, la thung na ka bynta ki briew ha kiei kiei kiba dei sha U Blei, ba un ïoh ainguh ïa ki jingai bad ki jingkñia namar ki pop:

Khasi CL Bible (BSI)

¹ Ïa uno uno u rangbah lyngdoh la jied napdeng ki parabriew, bad la thung ban shakri ïa U Blei na ka bynta jong ki, ban ai ïa ki jingkñia bad ka jingainguh na ka bynta ki pop.

HEBRU 5:1 Mawu Ofanana

LEBITIKOS 8:2

“To shim ïa u Aaron bad ki khun shynrang jong u lem bad u, bad ïa ki jaiñkup, bad ïa ka umphniang ka jingpynsleh, bad ïa uwei u masi lyngraw ban long ka jingkñia namar ka pop, bad ïa ki ar tylli ki 'lang shynrang, bad shi shang u kpu bakhlem thiat;

LEBITIKOS 9:7

Bad u Moses u la ong ruh ha u Aaron, “To khie leit sha kata ka duwan, bad to kñia ïa la ka jingkñia namar ka pop, bad ïa la ka jingkñia ainguh thang, bad to pynlong ïa ka jingpynïasuk na ka bynta ïa lade, bad na ka bynta u paidlang ruh: bad to kñia ainguh ïa ka jingkñia ka jong uta u paidlang, bad to pynlong ka jingpynïasuk na ka bynta jong ki; kumba u la hukum U Trai.”

Ka Shithi U Paul Sha Ki Nong Rom 15:17

Nga don daw te, namar kata, ïa ka ban leh kmen ha U Khrist Jisu shaphang kita kiei kiei ruh kiba dei sha U Blei.

1 KORINTH 15:3

Namar nga la aiti pateng ha phi ka banyngkong eh ïa kata kaba nga la pdiang ruh, ba U Khrist u la ïap namar ki pop jong ngi katba kum Ki Jingthoh,

HEBRU 10:11

Te shisha u lyngdoh baroh u ïeng ha la ka sngi u da shakri bad u da ainguh bunsien ïa kita ki jingkñia kijuh, ki bym lah lano lano ruh ban kit noh ïa ki pop;

HEBRU 10:12

hynrei, Une, haba u la lah ainguh tang kawei ka jingkñia namar ki pop junom, u la shong ha ka kti kamon U Blei;

HEBRU 11:4

Da ka jingngeit, u Abel u la ainguh ha U Blei ïa ka jingkñia ba kham kor ban ïa u Kain, da kaba la phla ïa u ba u long u bahok, U Blei u da phla babha shaphang kita ki jingai jong u; bad da ka, haba u la ïap, u dang kren.

HEBRU 2:17

Namar kata, ka la dei ban pynlong ïa u, uba syriem ïa la ki para ha kiei kiei baroh, ba un ïoh long U Rangbah lyngdoh ba-isynei bad ïa uba lah ban shaniah ha kiei kiei kiba dei sha U Blei, ba un pynlong ka kuna namar ki pop u paidlang.

HEBRU 7:27

u bymdonkam ha la ka sngi kum kita ki rangbah lyngdoh, ban kñia jingkñia shuwa namar ki pop la ki jong hi, bad hadien kata, namar ki pop u paidlang; namar ïa kane, u la leh tang shi sien leh, mynba u la kñia noh ïa lade.

HEBRU 8:3

Namar la ju thung ïa u rangbah lyngdoh baroh ïa ka ban ainguh da ki jingainguh ruh bad ki jingkñia: namar kata, ka donkam ïa Une ruh ba un don ei ei ban ainguh.

HEBRU 8:4

Te lada u la don ha ka khyndew, un ym da long lyngdoh satia, haba ki don kita ki lyngdoh kiba ju ainguh ïa kita ki jingainguh katba kum ka hukum;

HEBRU 9:9

kaba long ka pharshi haduh ka aïom kaba mynta; ha kaba la ainguh ki jingainguh ruh bad ki jingkñia ki bym lah ban pynjanai ïa ka jingïatiplem jong uta uba mane,