HEBRU 4:6 - KA BAIBL

⁶ Namar kata, haba ïohi ba ka sah ba don kiba leit bsut ha ka, hynrei, ba kita ha kiba la ïalap ïa ka gospel mynshuwa kim lah ban leit bsut, namar ka jingbymngeit;

Khasi CL Bible (BSI)

⁶ Kito kiba la ïohsngew nyngkong ïa ka Khubor Babha kim shym ïohpdiang ïa kata ka jingjahthait, namar ba kim shym la ngeit. Ki don, te, kiwei pat ïa kiba la shah ban ïohpdiang ïa ka.

HEBRU 4:6 Mawu Ofanana

ISAÏAH 65:15

Bad phin pynsah ka jingtim ïa la ka kyrteng ha kiba la jied jong nga, bad U Trai U Blei un pynïap ïa phi; bad un khot ïa la ki shakri da kawei pat ka kyrteng:

JINGKHEIÑ 14:12

Ngan shoh ïa ki da kaba ïapthem, bad ngan pynsaphred ruh ïa ki, te ïa me, ngan pynlong ka jaid bynriew kaba kham khraw, bad kaba kham khlaiñ ruh ïa ki.”

JINGKHEIÑ 14:31

Hynrei, ïa ki khun khynnah jong phi, ïa kiba phi la ong ba kin long ka jinglute, ïa kita keiñ, ngan wallam sha kata ka ri, ma ki ruh, kin ïoh ithuh ïa kata ka ri ïa kaba phi la ïañiewbeiñ.

MATHAÏOS 21:43

“Namar kata, nga ong ha phi, ba yn shim noh ïa ka hima U Blei na phi, bad yn ai ïa ka ha kynja ki briew ki ban pynmih ïa ki soh jong ka.

KI KAM 28:28

“Namar kata, to tip phi, ba la phah ïa kane ka jingpynim U Blei ha ki Jentil; ki ruh kin ïohsngew ïa ka.

1 KORINTH 7:29

Hynrei, ïa kane lei lei nga ong, ko parabangeit, ba la pynlyngkot noh ïa ka por; ka sah te naduh mynta ba kita kiba don ki tnga kin ïoh long kum ki bymdon shuh;

GALATIA 3:8

Bad Ka Jingthoh, haba ka la ïohi lypa ba U Blei un pynksan ïa ki Jentil da ka jingngeit, ka la ïathuhlypa ïa ka gospel ha u Abraham, ka da ong: “Ha me yn kyrkhu ïa ki jaid bynriew baroh.”

HEBRU 4:11

Namar kata, to ngin ïaiminot ban leit bsut sha kata ka jingjahthait, ïoh ba uno uno ruh un hap ha kata kajuh ka rukom ka jingbymkohnguh.

HEBRU 4:2

Namar shisha, ha ngi ruh la ïalap ïa ka gospel kumba ha kita ruh; hynrei, kata ka ktien ba la ïohsngew kam shym pynmyntoi ïa ki, namar ym shym la khñiot lang ïa ka bad ka jingngeit ha kita kiba la ïohsngew.

HEBRU 4:9

Namar kata, ka dang sah ka jingshongthait ka Sabbaton ïa u paidlang U Blei.