HEBRU 4:2 - KA BAIBL

² Namar shisha, ha ngi ruh la ïalap ïa ka gospel kumba ha kita ruh; hynrei, kata ka ktien ba la ïohsngew kam shym pynmyntoi ïa ki, namar ym shym la khñiot lang ïa ka bad ka jingngeit ha kita kiba la ïohsngew.

Khasi CL Bible (BSI)

² Naba ngi la ïohsngew ïa ka Khubor Babha, kumba ma ki ruh ki la ïohsngew. Ki la ïohsngew ïa ka khubor, hynrei kam shym la myntoi ei ei ruh ïa ki, namar haba ki la ïohsngew ïa ka, kim shym la pdiang ïa ka da ka jingngeit.

HEBRU 4:2 Mawu Ofanana

KI KAM 13:46

Ynda kumta, u Paul bad u Barnabas ki la kren shlur, bad ki la ong, “La donkam ban ïalap ha phi nyngkong ïa ka ktien U Blei; hynrei, namar ba phi kyntait noh ïa ka, bad ba phi rai ïa lade ki bymbit ïa ka jingim bymjukut, ha khmih, ngi phai noh sha ki Jentil.

KI KAM 3:26

Ha phi nyngkong, U Blei u la pynmih ïa la U Khun, bad U la phah ïa u, ban kyrkhu ïa phi, da kaba pynphai noh ïa uwei pa uwei na phi na ki jingbymhok jong phi.”

Ka Shithi U Paul Sha Ki Nong Rom 2:25

Namar ka jingotsher ka pynmyntoi shisha, lada me sumar biang ïa ka hukum; hynrei, lada me long u nongryngkang ïa ka hukum, kata ka jingotsher jong me, ka la kylla long keiñ, ka jingbym-otsher.

Ka Shithi U Paul Sha Ki Nong Rom 3:3

Kumno te lada don ki bym shym la ngeit? Kata ka jingbymngeit jong ki kan pyndam noh ïa ka jingïaineh skhem ka jong U Blei?

1 KORINTH 13:3

Bad la nga sam ïa kiei kiei baroh kat kiba don ki jong nga ban bsa ïa ki baduk, bad la nga aiti ïa la ka met ban thang, haba ngam don ka jingieit, ngam myntoi ei ei ruh em.

GALATIA 3:2

Tang kane keiñ nga kwah ban tip na phi: Phi la pdiang ïa U Mynsiem da ki jingleh ka hukum, ne da ka jingpynsngew ka jingngeit?

GALATIA 3:8

Bad Ka Jingthoh, haba ka la ïohi lypa ba U Blei un pynksan ïa ki Jentil da ka jingngeit, ka la ïathuhlypa ïa ka gospel ha u Abraham, ka da ong: “Ha me yn kyrkhu ïa ki jaid bynriew baroh.”

GALATIA 4:13

Hynrei, phi tip ba namar ka jingtlot ha ka doh, nga la ïathuh ïa ka gospel ha phi ha ka banyngkong.

DEUTERONOMI 1:32

Pynban, ha kane ruh phim shym la ngeit ïa U Trai uba U Blei jong phi,

1 THESSALONI 1:5

Namar ka gospel jong ngi kam shym la wan ha phi shu tang ha ka ktien hi, hynrei, ha ka bor ruh, bad ha U Mynsiem Bakhuid, bad ha ka jingskhem shibun keiñ; kumba phi ïatip kiba kumno ngi la pyni ïa lade sha phi na ka bynta jong phi.

1 THESSALONI 2:13

Namar kane ruh, ngi nguh ha U Blei khlem da pud, ba haba phi la pdiang na ngi ïa ka ktien U Blei ïa kaba la pynsngew, phi la pdiang ym kum ka ktien ki briew, hynrei, kumba ka long shisha keiñ, ka ktien U Blei, kaba trei ruh ha phi kiba ngeit.

1 TIMOTHI 4:8

Namar ka jingpynmlien ïa ka met, ka myntoi tang khyndiat; hynrei, kata ka jingriewblei, ka pynmyntoi sha kiei kiei baroh; naba ka don ka jingkular ïa ka jingim kaba mynta, bad ïa kata ka ban sa wan.

HEBRU 11:6

hynrei, khlem ka jingngeit, ym lah ban pynsngewbha ïa u: namar ka dei ïa uta uba wan hajan U Blei ban ngeit ba u don, bad ba u long uba ai nong ïa kita kiba wad ïa u.

HEBRU 3:12

To sumar, ko parabangeit, ïoh ba kumno re kumno kan don hano hano na phi ka dohnud basniew ka jingbymngeit, ha ka ban phai dien noh na U Blei ba-im.

HEBRU 4:6

Namar kata, haba ïohi ba ka sah ba don kiba leit bsut ha ka, hynrei, ba kita ha kiba la ïalap ïa ka gospel mynshuwa kim lah ban leit bsut, namar ka jingbymngeit;

JAKOB 1:21

Naba kumta, haba la buh noh bad ïa ka jingtngit baroh, bad ïa ka jingshlei ka jingbishni, to phin pdiang da ka jingjemnud ïa kata ka ktien ba la thung, kaba lah keiñ ban pynim ïa ki mynsiem jong phi.

1 PETROS 1:12

ha kiba la pynpaw, ba ym ha ki hi, hynrei, ha phi, ba ki la pyntrei ïa kita kiei kiei, ïa kiba la ïalap mynta ha phi da kita kiba la ïathuhkhana babha ha phi da U Mynsiem Bakhuid, ïa uba la phah na bneng; ha kita kiei kiei ruh ki angel ki kwah eh ban dem jngoh.