HEBRU 4:1 - KA BAIBL

¹ Namar kata, to ngin sheptieng, haba dang sah ka jingkular ban leit bsut sha ka jingjahthait jong u, ïoh kumno re kumno uno uno na phi un imat ban ym kot sha ka.

Khasi CL Bible (BSI)

¹ Mynta, U Blei u la tyrwa ha ngi ïa ka jingkular ba ngi lah ban pdiang ïa ka jingjahthait ïa kaba u la kren. Te, to ngin da sumar, ba yn ym shem ïa uno uno na phi u bym kot ban ïohpdiang ïa kata ka jingjahthait ba la kular.

HEBRU 4:1 Mawu Ofanana

PROBERB 14:16

U briew u bastad u sheptieng, bad u kynriah na ka basniew: hynrei, u babieit u leh meng, bad u shngain.

PROBERB 28:14

Suk uta u briew uba sheptieng ha la ka sngi: hynrei, uta uba pyneh ïa la ka dohnud un hap sha ka basniew.

JEREMAÏAH 32:40

bad ngan thaw ka jutang bymjukut bad ki, ba ngan ym phai lyndet na ki, ïa ka ban leh bha ïa ki; bad ngan buh ïa ka jingsheptieng jong nga ha ka dohnud jong ki, ba kin ym kynriah noh na nga.

JINGKHEIÑ 14:34

Katba kum ka jingkheiñ jong kita ki sngi ba phi la ïakhmih syntiat ïa kata ka ri, sawphew sngi keiñ, ïa kawei ka sngi namar kawei ka snem, phin ïakit shitom shi jot ïa ki pop jong phi jin sawphew snem, te phin ïoh tip keiñ, ïa ka jingkylla ïa ka jingthmu jong nga.’

MATHAÏOS 24:48

Hynrei, lada uta u shakri bymman te un ong ha la ka dohnud, ‘U kynrad jong nga u tud ban wan;’

KI KAM 3:19

Namar kata, to kylla-ka-bamut, to wan phai khmat ruh, ban ïoh pyndam noh ïa ki pop jong phi, ba kumta kin ïoh wan ki aïom shong pyngngad na khmat U Trai,

Ka Shithi U Paul Sha Ki Nong Rom 11:20

Ñiuma; hynrei, la pynkheiñ noh ïa ki, da ka jingbymngeit, bad me ruh me ïai-ïeng da ka jingngeit. Me wat sngewmeng, hynrei, to sheptieng;

Ka Shithi U Paul Sha Ki Nong Rom 3:23

namar baroh ki la leh pop, bad ki la duh lehnohei ïa ka burom ka jong U Blei;

1 KORINTH 10:12

Naba kumta, uta uba mut ba u ïeng, to un sumar ïoh un kyllon.

2 KORINTH 6:1

Ngi te, kum ki para baïatrei lem bad U, ngi ïakyrpad ba phin ym pdiang lehnohei ïa ka jingaiei U Blei;

GALATIA 5:4

Phi la khlad noh na U Khrist, phi kiba kwah ban ksan da ka hukum; phi la hap noh na ka jingaiei keiñ.

2 TIMOTHI 2:13

lada ngi ki bymneh, u ïaisah ma u, uba ïaineh;” naba u, um lah ban len ïa lade.

HEBRU 12:15

da kaba khmih bniah ïoh don uno uno u briew u ban ym kot sha ka jingaiei U Blei; ïoh ba uno uno ruh u thied ka jingkthang uba da mih shluiñ un pynkhuslai ïa phi, bad da uta, yn ïoh pyntngit ïa kiba bun:

HEBRU 12:25

To sumar ba phin ym kyntait noh ïa uta uba kren. Namar lada kita kim shym lait, haba ki la kyntait ïa uta uba la maham ïa ki ha ka khyndew, sa katno tam te ma ngi kiba phai noh na uta uba maham na bneng:

HEBRU 13:7

To kynmaw ïa kita kiba la synshar halor jong phi, kiba la kren ha phi ïa ka ktien U Blei; da kaba pyrkhat ruh ïa ka bakut ka jingim jong ki, to phin ïapyrthuh bud ïa ka jingngeit jong ki.

HEBRU 3:11

Kumta, nga la smai ha ka jingbitar jong nga: ‘Kin ym ïoh leit bsut sha ka jingjahthait jong nga.’ ”

HEBRU 4:11

Namar kata, to ngin ïaiminot ban leit bsut sha kata ka jingjahthait, ïoh ba uno uno ruh un hap ha kata kajuh ka rukom ka jingbymkohnguh.

HEBRU 4:9

Namar kata, ka dang sah ka jingshongthait ka Sabbaton ïa u paidlang U Blei.

1 SAMUEL 2:30

Namar kata, U Trai, uba U Blei ki Israel, u ong, ‘Nga la ong shisha ba ka ïing jong me, bad ka ïing u kpa jong me, kin ïaid ha khmat jong nga junom:’ hynrei, mynta U Trai u ong, ‘Kata kaba eh ïa nga; naba kiba pyndonburom ïa nga, ïa kita nga ruh ngan pyndonburom, te ïa kita kiba ñiewbeiñ ïa nga, yn ñiewbeiñ kylliang ïa ki.