HEBRU 3:8 - KA BAIBL

⁸ wat pyneh ïa ki dohnud jong phi, kumba ha kata ka jingpynkhih bitar, kum ha kata ka sngi ka jingtynjuh ha ka ri khlaw,

Khasi CL Bible (BSI)

⁸ wat pyneh ïa la ka dohnud, kumba ki kpa tymmen jong phi ki la long haba ki la ïaleh pyrshah ïa U Blei, kumba ki la long ha kata ka sngi ha ka ri shyiap haba ki la tynjuh ïa U.

HEBRU 3:8 Mawu Ofanana

2 SYIEM 17:14

Pynban, kim treh ban sngap, hynrei, ki la pyneh ïa la ka ryndang, kum ka ryndang ki kpa jong ki, ki bym shym la ngeit ha U Trai U Blei jong ki.

2 KHRONIKL 30:8

Phi te to wat long kiba la pyneh ryndang, kumba ki kpa jong phi ki la long; hynrei, to pynkohnguh ïa lade ha U Trai, bad to rung ruh hapoh ka jaka kyntang jong u, ïa kaba u la pynkyntang junom, bad to shakri ïa U Trai U Blei jong phi, ba ka jingbitar ba-itieng jong u kan phai noh na phi.

2 KHRONIKL 36:13

U la ïaleh pyrshah ruh ïa u syiem Nebukhadnessar, uba la lah pynsmai ïa u da U Blei: hynrei, u la pyneh ïa la ka ryndang, bad u la pynkhlaiñ ïa la ka dohnud ïa ka ban ym phai sha U Trai U Blei ki Israel.

NEHEMAÏAH 9:16

“Hynrei, ma ki bad ki kpa jong ngi ki la leh meng, bad ki la pyneh ïa la ka ryndang, bad kim shym la sngap ïa ki hukum jong me,

Ka Kitab U Job 9:4

U long u bastad la ka dohnud, bad u bakhlaiñ ha ka bor: uei uba la pyneh ïa lade pyrshah ïa u, bad uba la lah?

SALM 106:14

hynrei, ki la ïakwah kangar ha ri khlaw, bad ki la tynjuh ïa U Blei ha kata ka ri ryngkhiang.

SALM 78:18

Bad ki la tynjuh ïa U Blei ha la ka dohnud haba ki ïapan doh ïa la ka jingkwah kangar.

SALM 78:56

Pynban, ki la pynshoi bad ki la ïaleh pyrshah ïa U Blei U Bahakhlieh Tam Eh, bad kim shym sumar ïa ki jingphla jong u;

SALM 95:8

“Wat pyneh ïa la ka dohnud, kumba ha kata ka jingïaleh, kumba ha ka sngi ka jingpynshoi ha ri khlaw;

EKSODOS 17:7

Te u la khot ïa ka kyrteng jong kata ka jaka “Massah”, bad “Meribah”, namar ka jingïapyneh ki khun Israel, bad namar ba ki la tynjuh ïa U Trai, da kaba ong, “U Trai u don hapdeng jong ngi ne em?”

EKSODOS 8:15

Hynrei, mynba u Pharaoh u la ïohi ba la ïohlait, u la pyneh ïa la ka dohnud, bad um shym la shahshkor ïa ki; kumba U Trai u la lah ong.

PROBERB 28:14

Suk uta u briew uba sheptieng ha la ka sngi: hynrei, uta uba pyneh ïa la ka dohnud un hap sha ka basniew.

PROBERB 29:1

Uta haba la sneng ïa u bunsien u pyneh ïa la ka ryndang yn pynlwet kyndit ïa u, bad kata bymdon jingshna shuh.

JEREMAÏAH 7:26

pynban, kim shym la sngap ïa nga, lymne pyndem ïa la ka shkor, hynrei, ki la pyneh ïa la ka ryndang: ki la leh kham sniew ban ïa ki kpa jong ki.

DANIEL 5:20

Hynrei, haba ka dohnud jong u ka la sngewmeng, bad ka mynsiem jong u ka la eh haduh ba u la leh sarong, la pynhiar ïa u na ka khet syiem jong u, bad ki la shim noh na u ïa ka burom jong u:

JINGKHEIÑ 14:11

Te U Trai u la ong ha u Moses, “Haduh katno kine ki briew kin ïa-pynbitar ïa nga? tad lano ruh kin long ki bymngeit ha nga, namar kita ki dak phylla baroh ba nga la leh hapdeng jong ki?

MATHAÏOS 13:15

Naba ka dohnud kine ki briew ka la rben, bad ki la sngewkhia da la ki shkor, bad ki la khapbrip ïa la ki khmat; bad ïoh kin ïohi da la ki khmat, bad ba kin ïohsngew da la ki shkor, bad ba kin ïoh sngewthuh da la ka dohnud, bad ba kin ïoh kylla, bad ba ngan ïoh pynkhiah ruh ïa ki.’

KI KAM 19:9

Hynrei, mynba don kiba la pyneh ïa lade, bad kim ngeit, ki da kren sniew ïa kata “ka Lynti” ha khmat u paidbah, u la kynriah noh na ki, bad u la pynkyrpang ïa ki synran, ha la ka sngi u da pyni nia ha ka skul u Turannos.

KI KAM 7:36

Une u briew, u la ïalam noh ïa ki, ynda u la leh ki jingphylla bad ki dak khyllah ha Ijipt, bad ha ka Duriaw Basaw, bad ha ka ri khlaw ruh sawphew snem.

1 KORINTH 10:9

Lymne wat ai ba ngin ïatynjuh ïa U Trai, kumba kiba na kita ruh, ki la ïatynjuh ïa u, bad la pynjot noh khoit ïa ki da kita ki bseiñ.

DEUTERONOMI 6:16

“Phin ym tynjuh ïa U Trai uba U Blei jong phi, kumba phi la tynjuh ha Massah.

1 SAMUEL 6:6

Te balei phi pyneh ïa la ki dohnud, kumba ki Ijipt bad u Pharaoh ki la ïa-pyneh ïa ki dohnud jong ki? haba u la leh ïa kaba phylla hapdeng jong ki, ki kim shym la pyllait noh ïa ki paidbah, ki ruh ki la leit noh?