HEBRU 3:6 - KA BAIBL

⁶ hynrei, U Khrist kum U Khun halor ka ïing jong u hi, ka ïing jong uba ngi long ma ngi, lada ngi ïaibat skhem ïa ka jingshaniah jong ngi bad ïa ka jingkmen ka jingkyrmen jong ngi haduh ka bakut.

Khasi CL Bible (BSI)

⁶ Hynrei, U Khrist u long uba lah ban shaniah kum U Khun uba dei peit ïa ka ïing U Blei. Ngi long ka ïing jong u lada ngi ïaineh ha ka jingshlur bad ngi long skhem ha kaei kaba ngi kyrmen.

HEBRU 3:6 Mawu Ofanana

SALM 2:12

To doh ïa u khun, ïoh un bitar, bad ba phi ïap duh noh ha ka lynti, naba ka jingbitar jong u kan sa meh kloi. Suk kita baroh kiba shaniah ha u.

ESEKIEL 46:10

Te u nongsynshar, haba ki leit hapoh, un leit hapoh hapdeng jong ki, bad haba ki leit mih noh, kin ïaleit mih noh lang.

MATHAÏOS 10:22

Te phin long ïa kiba la shun da ki briew baroh na ka bynta ka kyrteng jong nga: hynrei, uta uba da ïaineh ha ban da kut, uta keiñ u ban lait im.

MATHAÏOS 16:18

Nga ruh nga ong ha me, ba me long u Petros, bad halor une u mawsiang ngan tei ïa ka balang jong nga; te ki khyrdop ka dujok kin ym lah ïa ka.

MATHAÏOS 24:13

Hynrei, jar uba da ïaineh haduh ka bakut, uta keiñ u ban ïohlait im.

Ka Shithi U Paul Sha Ki Nong Rom 11:22

Ha khmih te ïa ka jingsbun bad ïa ka jinglehhok ki jong U Blei; sha kita kiba la hap noh, shisha ka jinglehhok; hynrei, sha me, ka jingsbun U Blei, lada men ïaineh ha kata ka jingsbun jong u; lymda kumta, ïa me ruh yn ot noh keiñ.

Ka Shithi U Paul Sha Ki Nong Rom 12:12

kiba kmen ha ka jingkyrmen; kiba ïaishah ha ka jingjynjar; kiba ïaineh minot ha ka jingduwai;

Ka Shithi U Paul Sha Ki Nong Rom 15:13

Te U Blei u jong kata ka jingkyrmen, to un pyndap ïa phi da ka jingkmen bad da ka jingsuk baroh ha kaba ngeit, khnang ba phin ïoh nang roi kyrhai ha kata ka jingkyrmen, da ka bor U Mynsiem Bakhuid.

Ka Shithi U Paul Sha Ki Nong Rom 5:2

da u ruh, ngi la ïoh ïa ka jinglamphrang da kata ka jingngeit shapoh kane ka jingaiei ha kaba ngi ïaïeng; bad ngi sngewkmen ha ka jingkyrmen ïa ka burom U Blei.

1 KORINTH 3:16

Phi, phim tip, ba phi long ka ïingshong U Blei, bad ba U Mynsiem U Blei u shong sah hapoh jong phi?

1 KORINTH 6:19

Hato phim tip ba kata ka met jong phi ka long ka ïingshong U Mynsiem Bakhuid uba hapoh jong phi, ïa uba phi la ïoh na U Blei, bad ba phim long la ki jong hi?

2 KORINTH 6:16

Bad ka ïing U Blei ka don ka jingïasoh aïu bad ki bleithaw? namar ngi long ka ïing U Blei u ba-im, kumba U Blei u la ong, “Ngan shong sah hapoh jong ki, bad ngan ïaid sngewbha hapdeng jong ki; ngan long U Blei jong ki ruh, ki ruh kin long u paidlang jong nga.

GALATIA 6:10

Kumta te, katba ngi ïoh ka lad ba bit, to ngin ïatrei minot ïa ka babha ha ki briew baroh, hynrei, kham tam ha kita kiba na ka kur ka jingngeit.

GALATIA 6:9

Te ha kaba leh babha, wat ai ba ngin man thait shuh, namar ha ka Ïa babiang, ngin ïoh ot lada ngim da duh bor noh.

EPHESOS 3:12

ha uba ngi don ka jingshlur bad ka jingïoh wan ha ka jingshaniah, da ka jingngeit jong ngi ha u.

KOLOSSAI 1:23

lada shisha phi ïaisah ha ka jingngeit, ïa kiba la pynshong nongrim bad kiba neh skhem, bad ki bymkhih noh na kata ka jingkyrmen ka gospel ïa kaba phi la ïohsngew, ïa kaba la ïalap ha u bynriew baroh uba hapoh ka bneng; ïa kaba la pynlong nongïalap ïa nga u Paul.

1 THESSALONI 5:16

To phin leh kmen ha la ka sngi.

2 THESSALONI 2:16

Te U Jisu Khrist hi uba U Trai jong ngi, bad U Blei uba U Kpa jong ngi uba la ieit ïa ngi, bad uba la ai ha ngi ïa ka jingpyntngen bymjukut, bad ïa ka jingkyrmen babha da ka jingaiei,

1 TIMOTHI 3:15

hynrei, lada nga tud, ba men tip kumno ki briew ki dei ban leh ïa lade ha ka ïing U Blei, kaba long ka balang jong U Blei u ba-im, ka rijied bad ka nongrim ka jingshisha.

HEBRU 1:2

ïa uba u la thung ban long u nongïoh pateng ïa kiei kiei baroh, da u ruh, la thaw ïa ki pyrthei;

HEBRU 10:19

Namar kata, ko parabangeit, haba ngi don ka jingshlur ïa ka ban leit sha kata ka Jaka kyntang da kata ka snam U Jisu,

HEBRU 10:21

bad haba ngi don U Lyngdoh Bakhraw halor kata ka ïing U Blei,

HEBRU 10:23

to ngin ïabat skhem ïa kata ka jingphla ka jingkyrmen jong ngi ba kan ym khih shuh (namar ïa uba lah ban shaniah keiñ, long uta uba la kular);

HEBRU 10:35

Namar kata, wat bred noh phi ïa kata ka jingshlur jong phi, kaba don ka nong ka bakhraw.

HEBRU 11:1

Te ka jingngeit ka long kata ka jingsngewskhem ïa kita kiei kiei ïa kiba ngi kyrmen, kata ka jingtynjuh ïa kita kiei kiei ki bymïohi.

HEBRU 3:14

Namar ngi la jia long ki nongïoh bynta na U Khrist, lada ngin ïaibat skhem ïa kata ka basdang ka jingshaniah jong ngi haduh ka bakut;

HEBRU 4:11

Namar kata, to ngin ïaiminot ban leit bsut sha kata ka jingjahthait, ïoh ba uno uno ruh un hap ha kata kajuh ka rukom ka jingbymkohnguh.

HEBRU 4:14

Namar kata, haba ngi don U Rangbah lyngdoh Bakhraw uba la leit lyngba ïa ki bneng, U Jisu U Khun U Blei, to ngin ïabat skhem ïa la ka jingphla.

HEBRU 4:16

Namar kata te, to ngin ïawan hajan da ka jingshlur ha ka khet ka jingaiei, ba ngin ïoh pdiang ka jingisynei, bad ba ngin ïoh shem ka jingaiei ïa ka ban ïarap ïa ngi ha ka por ba-donkam.

HEBRU 6:11

Bad ngi kwah ba uwei pa uwei na phi un pyni ïa kajuh ka jingminot sha ka jingdap ka jingkyrmen haduh ka bakut keiñ:

HEBRU 6:18

ba da ki ar tylli kiei kiei ki bymkylla, ha kiba ka long ka bym lah ïa U Blei ban lamler, ngi lah ban ïoh ka jingpynshlur badonbor, kiba la phet ban rieh ïa ka ban ïoh bat ïa kata ka jingkyrmen ba la buh ha khmat jong ngi;

HEBRU 7:19

(Namar ka hukum kam shym pynjanai ei ei ruh), bad nalor kata, kaba wallam ïa ka jingkyrmen kaba kham bha, da kaba ngi wan hajan U Blei.

1 PETROS 1:8

ïa uba, haba ym ïohi ruh, phi ieit; ha uba, la phim ïohi mynta, hynrei, phi ngeit, phi ïasngewkmen eh da ka jingkmen ka bym lah ong bad kaba dap da ka burom;

1 PETROS 2:5

ïa phi ruh, kum ki maw ba-im la tei, ban long ka ïing bakynja mynsiem, ka jinglong lyngdoh bakhuid, ban kñia ïa ki jingkñia bakynja mynsiem, ïa kiba pdiang hun ha U Blei da U Jisu Khrist.

1 PETROS 4:17

Naba kata ka Ïa ka la jia ïa ka ban sdang ka jingbishar ha ka ïing ka jong U Blei; hynrei, lada ka sdang nyngkong ha ngi, kaei kan long ka bakut jong kita ki bymkohnguh ïa ka gospel U Blei?

JINGPYNPAW 2:18

“Bad ha uta u angel jong ka balang kaba ha Thiateira to thoh: Ïa kine kiei kiei ruh u ong U Khun U Blei, uba don la ki khmat kum ka thylliej ka ding, bad ki kjat jong u kiba kum ka rnong baphyrnai:

JINGPYNPAW 2:25

Hynrei, ïa kata kaba phi don, to ïabat skhem tad ynda nga wan.

JINGPYNPAW 2:26

Bad uta uba jop, bad uba sumar haduh ka bakut ïa ki jingleh jong nga, ngan ai ha u ka bor halor kita ki kynja bynriew;

JINGPYNPAW 3:11

Ha khmih, nga wan kloi: to bat skhem ïa kata kaba pha don, ba uno uno ruh un ym shim ïa ka pansngiat jong pha.