HEBRU 3:5 - KA BAIBL

⁵ Te u Moses shisha u la long uba ïaineh ha ka ïing jong u baroh kum u shakri, ïa ka ban phla ïa kita kiei kiei ruh ïa kiba yn kren hadien;

Khasi CL Bible (BSI)

⁵ U Moses u long uba lah ban shaniah ha ka ïing U Blei kum u shakri, bad u kren ïa kiei kiei kiba U Blei un sa kren ha ki por ki ban sa wan.

HEBRU 3:5 Mawu Ofanana

NEHEMAÏAH 9:14

bad me la pyntip ha ki, ïa ka Sabbaton bakhuid jong me, bad me la hukum ïa ki hukum ïa ki, bad ki aiñ, bad ka rukom, da ka kti u Moses u shakri jong me:

SALM 105:26

U la phah ïa u Moses u shakri jong u, bad ïa u Aaron uba u la jied.

EKSODOS 14:31

Te ki Israel ki la ïohi ïa kata ka kambah ka bakhraw kaba U Trai u la leh halor kita ki Ijipt, bad uta u paidbah u la sheptieng ïa U Trai: bad ki la ngeit ruh ha U Trai bad ha u Moses u shakri jong u.

EKSODOS 40:16

Kumta, u Moses u la leh: katba kum ïa kata baroh ba U Trai u la hukum ïa u, kumta keiñ, u la leh.

JINGKHEIÑ 12:7

Hynrei, u Moses, u shakri jong nga um long kumta; u long uba ïaineh keiñ ha ka ïing jong nga baroh:

MATHAÏOS 24:45

“Naba kumta, uno uba long u shakri bangeit bad bastad, ïa uba u kynrad jong u, u la buh halor ki ba-ha-ïing jong u ïa ka ban ai ha ki, ïa ka jingbam ha ka por kaba biang?

MATHAÏOS 25:21

Te u kynrad jong u, u la ong ha u, ‘Bha, me u shakri babha bad bangeit: me la minot ha kiba khyndiat, ngan buh ïa me halor kiba bun: to khie leit shapoh ka jingkmen u kynrad jong me.’

LOUKAS 12:42

Bad U Trai u la ong, “Uno te uba long u sordar uba lah ban shaniah bad u bastad, ïa uba u kynrad jong u un buh halor kiba ha ïing jong u, ïa ka ban ai ha ki, ïa la ka bynta ka jingbam ha ka por babiang?

LOUKAS 24:27

Te haba u la sdang na u Moses, bad na Ki Nongïathuhlypa baroh, u la pynpaw ha ki ha Ki Jingthoh baroh ïa kiei kiei ruh shaphang ïa lade.

LOUKAS 24:44

U la ong ruh ha ki, “Kine ki long kita ki ktien ïa kiba nga la kren ha phi, mynba nga dang don lem bad phi, ba ka dei ba yn pyndep ïa kiei kiei baroh, ïa kiba la thoh ha Ka Hukum u Moses bad ha Ki Nongïathuhlypa, bad ha Ki Salm de, shaphang jong nga.”

ÏOANNIS 5:39

Phi ïit bha ïa Ki Jingthoh, naba ha ki, phi mut ba phi ïoh ka jingim bymjukut; kita ruh ki long kiba ïaphla ïa nga.

KI KAM 28:23

Te kumta haba ki la ïabuh sngi bad u, ki la ïawan shibun ha u hapoh ka ïingbasa jong u; ha kita u la pynpaw, u da phla ïa ka hima U Blei, bad u da pynkohnguh ïa ki shaphang U Jisu, na Ka Hukum u Moses, bad na Ki Nongïathuhlypa ruh, naduh mynstep haduh janmiet.

KI KAM 7:37

Une, u long uta u Moses, uba la ong ha ki khun Israel, ‘U Blei un pynmih ïa u nongïathuhlypa ha phi napdeng ki para jong phi, uba kum ma nga.’

Ka Shithi U Paul Sha Ki Nong Rom 3:21

Hynrei, mynta, la pynpaw shynna ïa ka hok U Blei khlem ka hukum, ba la phla shai noh ïa ka, da kata Ka Hukum bad da Ki Nongïathuhlypa;

1 KORINTH 4:2

Nalor kane, ka donkam ha ki sordar, ba u briew u long uba lah ban shaniah.

DEUTERONOMI 3:24

‘A Trai uba U Blei, me la sdang ban pyni ha la u shakri ïa ka jingkhraw jong me, bad ïa ka kti badonbor jong me: naba uno u blei uba ha ki bneng lane ha ka khyndew, uba lah ban leh katba kum ki jingleh jong me, bad katba kum ki bor jong me?

DEUTERONOMI 34:5

Kumta, u Moses u shakri U Trai u la ïap hangta ha ka ri Moab, katba kum ka ktien U Trai.

1 TIMOTHI 1:12

Te nga sngewnguh ïa uta uba la ai bor ïa nga, U Khrist Jisu uba U Trai jong ngi, naba u la ñiew ïa nga uba dei ban shaniah, haba u la thung ïa nga ha ka kam jong u;

HEBRU 1:1

U Blei, haba u la lah kren mynhyndai ha ki kpa tymmen da ki bun bynta bad ha ki bun rukom ha ki nongïathuhlypa, ha kine ki sngi ki bakhatduh u la kren ha ngi ha U Khun;

HEBRU 3:2

uba long uba ngeit ha uta uba la thung ïa u, kumba u Moses ruh u la long ha ka ïing jong u baroh.

HEBRU 3:4

Namar ïa ka ïing baroh la thaw dano dano ruh; hynrei, uta uba la thaw ïa kiei kiei baroh long U Blei keiñ.

HEBRU 8:5

kiba shakri niam ïa ka dur bad ka syrngiew kita kiei kiei bakynja bneng, kumba la maham ïa u Moses da U Blei, haba un sa thaw ïa kata Ka Tabernakl: namar, “To sumar”, U ong, “ba men thaw ïa kiei kiei baroh katba kum kata ka nuksa ïa kaba la pyni ha me ha uta u lum.”

HEBRU 9:24

Namar U Khrist u la leit rung ym sha ka Jaka kyntang ba la thaw da ki kti, kaba syriem ïa kata kaba shisha; hynrei, sha kata ka bneng hi, mynta ban paw ha khmat U Blei na ka bynta jong ngi:

JOSHUA 1:15

ha ban da U Trai u la ai ka jingshongthait ha ki para jong phi, kumba ha phi, bad ba ki ruh ki la ïoh ïa kata ka ri kaba U Trai U Blei jong phi u ai ha ki: hadien kata, phin phai sha ka ri ka bynta jong phi, bad phin ïoh ïa ka ruh, ïa kaba u Moses u shakri U Trai u la ai ha phi ha kane ka liang ka Jordan shaphang mihngi.”

JOSHUA 1:2

“U Moses u shakri jong nga u la ïap; namar kata te, to ïeng, to leit sha shiliang kane ka Jordan, ma me, bad une u paidbah baroh, sha kata ka ri ba nga ai ha ki, ha ki khun Israel keiñ.

JOSHUA 1:7

Tang ba men long uba khlaiñ bad uba shlur bha, ba me lah ban sumar ban leh katba kum ïa ka hukum baroh, ba u Moses u shakri jong nga u la hukum ïa me: wat phai noh na ka sha kamon lymne sha kadiang, ba men ïoh man bha kat sha kaba me leit.

JOSHUA 8:31

kumba u Moses u shakri U Trai u la hukum ïa ki khun Israel, kumba la thoh ha Ka Kitab Ka Hukum u Moses, “ka duwan maw tylli, halor jong ki ym shym pyndei nar mano mano ruh:” bad ki la ainguh halor jong ka da ki jingainguh thang ha U Trai, ki la kñia ruh ki jingainguh pynïasuk.

JOSHUA 8:33

Ki Israel baroh, bad ki tymmen basan jong ki, ki rangbah synshar jong ki bad ki nongbishar jong ki ruh, ki la ïeng baroh ar liang ïa ka synduk ha khmat ki lyngdoh ki Lebi, kiba bah ïa kata ka synduk ka jutang U Trai, u nongwei ruh kumjuh kum u trai-shnong; shiteng na ki, ki ha ka liang u lum Gerisim, bad shiteng ha ka liang u lum Ebal; kumba u Moses u shakri U Trai u la hukum, ba kin kyrkhu shuwa eh ïa u paidbah Israel.

JINGPYNPAW 15:3

Bad ki ïarwai ïa ka jingrwai u Moses u shakri jong U Blei, bad ïa ka jingrwai jong uta U Khun langbrot, ki da ong, “Kiba khraw bad ba-iphylla long kita ki jingleh jong me, A U Trai uba U Blei Badonbor Baroh! ki bahok bad bashisha kita ki lynti jong me, U Syiem jong kita ki rta!