HEBRU 3:3 - KA BAIBL

³ Namar la ñiew ba ka dei ïa une ban ïoh ka burom kaba kham khraw ban ïa u Moses, kumjuh kumba uta uba thaw ïa ka ïing u ïoh ka burom kaba kham khraw ban ïa kata ka ïing.

Khasi CL Bible (BSI)

³ U briew uba tei ïa ka ïing u ïoh kham bun ka burom ban ïa ka ïing hi. Ha kajuh ka rukom U Jisu u long uba dei hok ban ïoh ïa ka jingpyndonburom kaba kham khraw ban ïa u Moses.

HEBRU 3:3 Mawu Ofanana

SEKHARAÏAH 4:9

“Ki kti u Serubbabel ki la seng ïa ka nongrim jong kane ka ïing; ki kti jong u kin pyndep ruh ïa ka; bad men ïoh tip ba U Trai ki paid u la phah ïa nga ha phi.

MATHAÏOS 16:18

Nga ruh nga ong ha me, ba me long u Petros, bad halor une u mawsiang ngan tei ïa ka balang jong nga; te ki khyrdop ka dujok kin ym lah ïa ka.

1 KORINTH 3:9

Namar ngi ïalong kiba ïatrei lem bad U Blei; phi ïalong ka lyngkha U Blei, bad ka jingtei U Blei.

2 KORINTH 3:7

Hynrei, lada kane ka jingpynïaid niam ka jingïap ba la thoh bad ba la mut ha ki maw, ka la long ha ka jingtyngshaiñ, katba kita ki khun Israel kim lah shuh ban khmih shaiñ ïa ka khmat u Moses namar kata ka jingtyngshaiñ ka khmat jong u ka ban dam noh;

KOLOSSAI 1:18

Bad u long U Khlieh jong ka met, kaba long ka balang; uba long ka jingsdang, uba la kha nyngkong na ki baïap; ba un ïoh long uba halor ha kiei kiei baroh.

HEBRU 2:9

hynrei, ngi ïohi ïa U Jisu ïa uba la pynlong kham poh khyndiat ban ïa ki angel, na ka bynta kata ka jingshahïap jong u, ba la pynphong pansngiat ïa u da ka burom bad da ka jingpyndonburom; ba da ka jingaiei U Blei, un mad ïa ka jingïap na ka bynta baroh.

HEBRU 3:4

Namar ïa ka ïing baroh la thaw dano dano ruh; hynrei, uta uba la thaw ïa kiei kiei baroh long U Blei keiñ.

HEBRU 3:6

hynrei, U Khrist kum U Khun halor ka ïing jong u hi, ka ïing jong uba ngi long ma ngi, lada ngi ïaibat skhem ïa ka jingshaniah jong ngi bad ïa ka jingkmen ka jingkyrmen jong ngi haduh ka bakut.