HEBRU 3:18 - KA BAIBL

¹⁸ Ha kino ruh u la smai ba kin ym ïoh leit bsut sha kata ka jingjahthait jong u, hynrei, tang ha kita keiñ ki bym shym kohnguh?

Khasi CL Bible (BSI)

¹⁸ Haba U Blei u la pynlong ïa ka jingkular bakyntang jong u, “Kin ym ïohrung da lei lei sha ka ri ha kaba ngan ai ïa ki ïa ka jingjahthait” — ïano u kren? Ïa kita kiba la ïaleh pyrshah.

HEBRU 3:18 Mawu Ofanana

SALM 78:22

namar ba kim shym la ngeit ha U Blei, bad kim shym shaniah ha ka jingpynim jong u.

JINGKHEIÑ 14:11

Te U Trai u la ong ha u Moses, “Haduh katno kine ki briew kin ïa-pynbitar ïa nga? tad lano ruh kin long ki bymngeit ha nga, namar kita ki dak phylla baroh ba nga la leh hapdeng jong ki?

JINGKHEIÑ 14:23

da shisha, kin ym ïohi ïa kata ka ri ïa kaba nga la smai ha ki kpa jong ki, kita baroh keiñ kiba la pynbitar ïa nga, kin ym ïohi ïa ka:

JINGKHEIÑ 14:30

da shisha keiñ, phin ym ïoh poi sha kata ka ri, ïa kaba nga la smai da kyntiew ïa la ka kti, ïa ka ban pynshong duh ïa phi ha ka, hynrei, tang u Kaleb u khun u Jephunneh, bad u Joshua u khun u Nun.

JINGKHEIÑ 14:37

kita ki briew keiñ, kiba la ai ktien budnam ïa kata ka ri, ki la ïap noh da kaba ïapkhlam ha khmat U Trai.

JINGKHEIÑ 20:12

Bad U Trai u la kren ha u Moses, bad ha u Aaron, “Namar ba phim shym la ngeit ïa nga, ïa ka ban pyndonburom ïa nga ha khmat ki khun Israel, namar kata keiñ, phin ym ïoh ïalam ïa une u paidlang sha kata ka ri ïa kaba nga la ai ha ki.”

ÏOANNIS 3:36

Uta uba ngeit ha U Khun, u don ka jingim bymjukut; uta te u bymkohnguh ïa U Khun, un ym ïohi ïa ka jingim: hynrei, ka jingbitar jong U Blei ka ïaisah halor jong u.

Ka Shithi U Paul Sha Ki Nong Rom 11:30

Namar kumba ma phi ruh mynno mynno ruh phi la ju long ki bymkohnguh ïa U Blei, hynrei, mynta, phi la ïoh ka jingisynei da kata ka jingbymkohnguh jong ki;

DEUTERONOMI 9:23

Kumjuh ruh, mynba U Trai u la phah ïa phi na Kadesh-barnea, u da ong, ‘To leit kiew ban ïoh ïa kata ka ri ïa kaba nga la ai ha phi;’ te phi la ïaleh kiat pyrshah ïa ka hukum U Trai uba U Blei jong phi, bad phim shym la ngeit ïa u, lymne shahshkor ïa ka ktien jong u.

HEBRU 3:11

Kumta, nga la smai ha ka jingbitar jong nga: ‘Kin ym ïoh leit bsut sha ka jingjahthait jong nga.’ ”

HEBRU 4:11

Namar kata, to ngin ïaiminot ban leit bsut sha kata ka jingjahthait, ïoh ba uno uno ruh un hap ha kata kajuh ka rukom ka jingbymkohnguh.

HEBRU 4:2

Namar shisha, ha ngi ruh la ïalap ïa ka gospel kumba ha kita ruh; hynrei, kata ka ktien ba la ïohsngew kam shym pynmyntoi ïa ki, namar ym shym la khñiot lang ïa ka bad ka jingngeit ha kita kiba la ïohsngew.

HEBRU 4:6

Namar kata, haba ïohi ba ka sah ba don kiba leit bsut ha ka, hynrei, ba kita ha kiba la ïalap ïa ka gospel mynshuwa kim lah ban leit bsut, namar ka jingbymngeit;