HEBRU 3:10 - KA BAIBL

¹⁰ Naba kumta, nga la sngewsih sat ïa kane ka pateng bynriew, bad nga la ong, ‘Ha la ka sngi, ki bakla ha la ka dohnud; hynrei, ki, kim shym la ithuh ïa ki lynti jong nga.’

Khasi CL Bible (BSI)

¹⁰ Bad kumta nga la bitar ïa kita ki briew bad nga la ong, ‘Ki la iehnoh ïa nga borabor bad ki la kyntait ban kohnguh ïa ki hukum jong nga.’

HEBRU 3:10 Mawu Ofanana

JENESIS 6:6

Bad U Trai u la kylla-ka-bamut ba u la lah thaw ïa u briew ha ka pyrthei, bad la pynsngewsih eh ïa u ha la ka dohnud.

SALM 147:20

Um shym leh kumta bad kano kano ka jaid bynriew: bad ïa ki jingbishar jong u, kim shym la ithuh ïa ki. To ïaroh ïa U Trai.

SALM 67:2

Ba yn ithuh ïa ka lynti jong me ha ka khyndew, bad ïa ka jingpynim jong me hapdeng ki jaid bynriew baroh.

SALM 78:40

Katno sien ki la ïaleh pyrshah ïa u ha ri khlaw, bad ki la pynsngewsih ïa u ha kata ka ri ryngkhiang!

SALM 78:8

bad ba kin ym long kum ki kpa jong ki, ka pateng bynriew kaba mutlop bad ba ïaleh pyrshah; ka pateng bynriew ka bym shym la buh beit la ka dohnud, bad kiba ka mynsiem jong ki kam shym ïaineh bad U Blei.

SALM 95:10

Jin sawphew snem nga la sngewsih ïa kata ka pateng bynriew, bad nga la ong, ‘U long u paidbah uba bakla ha la ka dohnud, bad kim shym ithuh ïa ki lynti jong nga.’

ISAÏAH 28:7

Hynrei, kine ruh ki la bakla da ka Waiñ, bad da ka 'iad rot ki la ïaid sakma; u lyngdoh bad u nongïathuhlypa ki la bakla da ka 'iad rot, la nguid tylli ïa ki da ka Waiñ, ki la ïaid sakma da ka 'iad rot; ki bakla ha ka jingithuhpaw, ki jynthut ha ka jingbishar.

ISAÏAH 63:10

Hynrei, ki la ïaleh pyrshah, bad ki la pynsngewsih ïa U Mynsiem Bakhuid jong u: namar kata, u la kylla ban long uba shun ïa ki, bad u hi u la ïaleh ïa ki.

JEREMAÏAH 4:22

“Naba ki briew jong nga ki la bieit, kim ithuh ïa nga; ki long ki khynnah ki babieit, kim don jingsngewthuh ei ei: ki long ki basian ïa ka ban leh sniew, hynrei, ïa ka ban leh bha kim tip ei ei.”

HOSIA 4:12

U paidlang jong nga u ïaikylli ha la u dieng, bad u diengduh jong ki u ïathuh ha ki: namar ka mynsiem ka jingleh nuti ka la pynbakla ïa ki, bad ki la ïaid nuti napoh la U Blei.

MATHAÏOS 20:24

Haba kita ki shiphew ngut ki la ïohsngew ïa kata, ki la ïabitar ïa kita ki ar ngut shipara.

MARKOS 3:5

Te ynda U la khmih sawdong ha ki da ka jingbitar, ba U da sngewsih namar kaba eh ka dohnud jong ki, U ong ha uta u briew, “To kner noh ïa la ka kti.” Te u la kner noh, bad la pynkhiah bha ïa kata ka kti jong u.

ÏOANNIS 8:45

Hynrei, ïa nga, namar ba nga ong ïa kaba shisha, ïa nga phim ngeit.

Ka Shithi U Paul Sha Ki Nong Rom 1:28

Te kat kumba kim shym la treh ban bat ïa U Blei ha ka jingtip jong ki, kumta, U Blei u la iehnoh ïa ki ha ka jingmut bymsuidñiew, ban ïai-leh ïa kita kiei kiei ruh ki bymbit;

Ka Shithi U Paul Sha Ki Nong Rom 3:7

Hynrei, lada kata ka jingshisha ka jong U Blei, da kata ka jinglamler jong nga ka la ïoh roi kham tam sha ka burom jong u, hato balei ba dang bishar ïa nga ruh, kum u bapop?

EPHESOS 4:30

To wat pynsngewsih phi ïa U Mynsiem Bakhuid U Blei, da uba la shon shab ïa phi haduh kata ka sngi ka jingsiewspah.

HEBRU 3:12

To sumar, ko parabangeit, ïoh ba kumno re kumno kan don hano hano na phi ka dohnud basniew ka jingbymngeit, ha ka ban phai dien noh na U Blei ba-im.

NONGBISHAR 10:16

Bad ki la bred noh ïa ki blei khyllah napdeng jong ki, bad ki la shakri ïa U Trai: te ka mynsiem jong u ka la sngewsih na ka bynta ka jingjynjar ki Israel.