HEBRU 2:9 - KA BAIBL

⁹ hynrei, ngi ïohi ïa U Jisu ïa uba la pynlong kham poh khyndiat ban ïa ki angel, na ka bynta kata ka jingshahïap jong u, ba la pynphong pansngiat ïa u da ka burom bad da ka jingpyndonburom; ba da ka jingaiei U Blei, un mad ïa ka jingïap na ka bynta baroh.

Khasi CL Bible (BSI)

⁹ Hynrei ngi da ïohi ïa U Jisu, ïa uba la pynlong shipor kham hapoh ban ïa ki angel, kumta ba lyngba ka jingaiei ka jong U Blei, u dei ban shahïap na ka bynta uwei pa uwei baroh. Mynta ngi ïohi ïa u, ba la pynphong pansngiat da ka burom bad da ka jingpyndonburom namar ka jingïap kaba u la shah.

HEBRU 2:9 Mawu Ofanana

JENESIS 3:15

Bad ïa ka jingshun ruh ngan buh hapdeng jong me bad kata ka briew, bad hapdeng u symbai jong me bad u symbai jong ka; u symbai jong ka un pynlwet ïa ka khlieh jong me, bad me men pynlwet ïa ka khongdong'jat jong u.”

ISAÏAH 11:1

Te un mih u tnat lung na ka metbah u Jesse, bad u tnat na ki thied jong u un sei soh:

ISAÏAH 7:14

Namar kata, U Trai hi un ai ka dak ïa phi: Ha khmih, ka theisotti kan punkhun, kan kha ruh ïa u khun, yn khot ruh ïa ka kyrteng jong u, ‘u Immanuel.’

MATHAÏOS 16:28

Shisha nga ong ha phi, don kiba ïeng hangne ki ban ym mad ïa ka jingïap, tad ynda ki la ïohi ïa U Khun u briew ba u wan ha ka hima jong u.”

MATHAÏOS 6:28

Balei ba phi khuslai shaphang kaba kup ruh? To pyrkhat ïa ki 'tiew Lili ka ryngkew, katno ki man bha; kim trei, lymne kim thir;

MARKOS 9:1

Te u la ong ha ki, “Shisha nga ong ha phi, ba don kiba na kine kiba ïeng hangne, ki ban ym mad ïa ka jingïap, tad ynda ki la ïohi ïa ka hima U Blei ba ka la wan da ka bor.”

LOUKAS 9:27

hynrei, nga ong ha phi ïa kaba shisha, Don kiba na kine kiba ïeng hangne, ki ban ym mad ïa ka jingïap, tad ynda ki ïohi ïa ka hima U Blei.”

ÏOANNIS 1:29

Ha kaba lashai, u Ïoannis u ïohi ïa U Jisu ba U wan ha u, bad u ong, “Ha khmih, U Khun langbrot jong U Blei, uba kit noh ïa ka pop ka jong ka pyrthei!

ÏOANNIS 10:17

Namar kane keiñ, uta U Kpa u ieit ïa nga, naba nga aiti noh ïa la ka jingim, ba ngan ïoh shim pat ïa ka.

ÏOANNIS 12:32

Nga te, ynda la kyntiew ïa nga na ka khyndew, ngan pynwan ïa ki briew baroh ha lade.”

ÏOANNIS 3:16

“Naba U Blei u la ieit katta katta ïa ka pyrthei katba u la aiti noh ïa la U Khun ba la kha marwei, ba uei uei ruh uba ngeit ha u, un ym jot shuh, hynrei, un ïoh ka jingim bymjukut.

ÏOANNIS 8:51

Shisha, shisha nga ong ha phi: Lada uno uno ruh un sumar ïa ka ktien jong nga, un ym ïohi ïa ka jingïap lano lano ruh.”

ÏOANNIS 8:52

Namar kata, ki Jiw ki la ïa-ong ha u, “Mynta ngi ïatip ba me don u ksuid. U Abraham u la ïap noh, bad ki nongïathuhlypa ruh; me pynban me ong, ‘Lada uno uno ruh un sumar ïa ka ktien jong nga, un ym mad ïa ka jingïap lano lano ruh!’

KI KAM 2:33

Namar kata, haba la kyntiew ïa u da ka kti kamon U Blei, bad haba u la ïoh diang na U Kpa ïa ka jingkular ïa U Mynsiem Bakhuid, u la theh noh ïa kane, ïa kaba phi mynta phi ïohi bad phi ïohsngew.

KI KAM 3:13

U Blei u Abraham, bad u Isaak, bad u Jakob, U Blei ki kpa jong ngi, u la pyndonburom ïa U Khun jong U, U Jisu, ïa uba phi la aiti noh, bad phi la len ha khmat u Pilat, mynba u la lah thmu ban pyllait noh ïa U.

Ka Shithi U Paul Sha Ki Nong Rom 5:18

Kumta, kat kumba da kawei ka jingryngkang, kata ka jingkut bishar ka la wanhap ha ki bynriew baroh, ïa ka ban pynrem; kumta ruh, da kawei ka jinglehhok, kata ka jingaiei ka la jia ha ki bynriew baroh, sha ka jingpynksan bad ka jingim ïa baroh.

Ka Shithi U Paul Sha Ki Nong Rom 5:8

Hynrei, U Blei u pyni shynna ïa la ka jong ka jingieit sha ngi, ha kaba haba ngi dang long ki bapop, U Khrist u la ïap ïapli ïa ngi.

Ka Shithi U Paul Sha Ki Nong Rom 8:3

Namar ïa kata kaba ka hukum kam shym lah ban leh, naba ka la tlot na kata ka doh, U Blei, da kaba u la phah ïa U Khun jong u hi ha ka dur ka doh pop, bad ban long ka jingkñia namar ka pop, u la pynrem ïa ka pop ha kata ka doh;

Ka Shithi U Paul Sha Ki Nong Rom 8:32

Uta u bym shym la bynnud wat ïa la U Khun jong u hi, hynrei, u la aiti noh ïa u na ka bynta jong ngi baroh, kumno te un ym ai ei lem bad u ruh ïa kiei kiei baroh ha ngi?

2 KORINTH 5:15

bad u la ïap ruh na ka bynta baroh, ba kita kiba im kin ym im shuh ha lade hi, hynrei, ha uta uba na ka bynta jong ki u la ïap bad u la mihpat.

2 KORINTH 5:21

Namar ïa uta u bym shym la tip ïa ka pop, u la pynlong ka pop na ka bynta jong ngi, khnang ba yn pynlong ïa ngi ka hok U Blei ha u.

GALATIA 4:4

hynrei, haba la jia ka Ïa kaba biang U Blei u la phah ïa la U Khun, ïa uba la kha na ka briew, ïa uba la kha hapoh ka hukum,

1 TIMOTHI 2:6

uba la aiti ïa lade ban long ka jingsiewspah ïa baroh, ïa ka ban phla ha ki por kiba dei hi.

HEBRU 1:9

Me la ieit ïa ka hok, bad me la isih ïa ka bymhok; namar kata, U Blei, U Blei jong me keiñ, u la pynsleh ïa me da ka umphniang ka jingkmen tam ïa ki paralok jong me.”

HEBRU 10:5

Naba kumta, haba u wan sha kane ka pyrthei, u ong: “Ïa ka jingkñia bad ïa ka jingainguh mem shym la mon, hynrei, ïa ka met me la khreh ïa nga;

HEBRU 11:5

Da ka jingngeit, la pynkynriah noh ïa u Enokh ba un ym ïohi ïa ka jingïap; bad ym shym la shem ïa u, naba U Blei u la lah pynkynriah noh ïa u: namar mynshuwa kata ka jingpynkynriah ïa u, la phla ïa u ba u la pynsngewbha ïa U Blei:

HEBRU 12:2

da kaba khmih sha U Jisu U Nongpynlong bad U Nongpynjanai ïa ka jingngeit jong ngi, uba namar kata ka jingkmen ïa kaba la buh ha khmat jong u, u la shah ïa ka diengphna, u da ibeiñ ïa ka jinglehrain, bad u la shong ha ka kti kamon ka khet U Blei.

HEBRU 2:7

Me la pynlong ïa u kham poh khyndiat ban ïa ki angel; me la pynphong pansngiat ïa u da ka burom bad ka jingpyndonburom, bad me la buh ïa u halor ki kam ki kti jong me:

HEBRU 7:25

Namar kata, u lah ruh ban pynim janai ïa kita kiba wan ha U Blei da u, haba u im ha la ka rta ïa ka ban ïasaid na ka bynta jong ki.

HEBRU 8:3

Namar la ju thung ïa u rangbah lyngdoh baroh ïa ka ban ainguh da ki jingainguh ruh bad ki jingkñia: namar kata, ka donkam ïa Une ruh ba un don ei ei ban ainguh.

1 PETROS 1:21

kiba ngeit da u ha U Blei, uba la pynmih pat ïa u na ki baïap, bad uba la ai ka burom ha u; ba kumta, kata ka jingngeit jong phi bad ka jingkyrmen kin ïoh long ha U Blei.

1 ÏOANNIS 2:2

bad ma u hi ruh, u long ka kuna na ka bynta ki pop jong ngi, bad ym tang na ka bynta kita ki jong ngi hi, hynrei, na ka bynta ki jong ka pyrthei baroh ruh.

JINGPYNPAW 19:12

Te ki khmat jong u ki kum ka thylliej ka ding, bad halor ka khlieh jong u don ki pansngiat shibun: u don ruh ka kyrteng ba la thoh, ïa kaba uno uno ruh um ithuh, hynrei, tang ma u hi.

JINGPYNPAW 5:9

Bad ki ïarwai ïa ka jingrwai bathymmai, ki da ong, “Me long uba dei ban shim ïa kata ka kitab, bad ban plie ïa kita ki jingpyndait jong ka; naba la pynïap keiñ ïa me, bad me la siewspah ha U Blei da ka snam jong me ïa kiba na ka jaid, bad na ka thylliej, bad na u paidlang, bad na ka kynja bynriew baroh;