HEBRU 2:3 - KA BAIBL

³ kumno ngi ngin ïohlait keiñ, lada ngi lyndet ïa ka jingpynim bakhraw katta katta? haba la kren ïa ka ha kaba mynnyngkong da U Trai, la pynskhem ïa ka ha ngi da kita kiba la ïohsngew;

Khasi CL Bible (BSI)

³ Da kumno te ngin lait, lada ngi leh bymsuidñiew ïa ka jingpynim kaba khraw katta katta? U Trai hi u la pynbna nyngkong ïa kane ka jingpynim, bad kita kiba la ïohsngew ïa u ki pynshisha ha ngi ba ka long kaba shisha.

HEBRU 2:3 Mawu Ofanana

ISAÏAH 12:2

“Ha khmih, U Blei u long ka jingpynim jong nga; ngan shaniah, bad ngan ym sngewsheptieng: namar U Trai Jehobah u long ka bor bad ka jingrwai jong nga; u la kylla long ruh ka jingpynim jong nga.”

ISAÏAH 20:6

Te kiba shong ha kata ka ri ba harud duriaw, kin ong ha kata ka sngi, ‘Ha khmih, kum kata pleng ka jingkyrmen jong ngi, sha kaba ngi la phet ban ïoh jingïarap ban ïohlait na u syiem ka Assyria: ngi te, kumno ngin ïohlait?’ ”

ISAÏAH 51:5

Ka hok jong nga ka hajan, ka jingpynim jong nga ka la mih noh, bad ki ksang'ti jong nga kin bishar ïa ki kynja bynriew; ki 'dewlynnong kin ap khmih ïa nga, bad ha ka ksang'ti jong nga kin shaniah.

ISAÏAH 51:8

Namar u khñiang un bam ïa ki kum ïa ka jaiñ, bad u khñiang un bam ïa ki kum ïa u 'saiwul: hynrei, ka hok jong nga kan sah ha la ka rta, ka jingpynim jong nga ruh pateng la pateng bynriew.”

ISAÏAH 62:11

Ha khmih, U Trai u la pynbna haduh ka bakut ka khyndew, “To phin ong ha ka khun ka Seïon, ‘Ha khmih, ka jingpynim jong pha ka wan; ha khmih, ka bainong jong u ka ha u, bad ka nong jong u ha khmat jong u.’

ESEKIEL 17:15

Hynrei, u la ïaleh pyrshah ïa u, ha kaba u phah ïa ki nonglam-ktien sha Ijipt, ba kin ïa-ai kulai ïa u bad ba kin ïa-ai briew shibun. Hato un bha? Uba leh kum ïa kine kiei kiei un ïohlait? Un pynkheiñ ïa ka jutang, bad un lait pynban?’

ESEKIEL 17:18

Naba u la ñiewbeiñ ïa ka jingsmai da kaba pynkheiñ ïa ka jutang; te ha khmih, u la lah ai ïa la ka kti, bad u leh pynban ïa kine kiei kiei: un ym ïohlait.’

MATHAÏOS 23:33

A ki bseiñ! Ki khun ki ksiew ki 'seiñpuh! kumno phin ïohlait na ka jingshitom ka dujok?

MATHAÏOS 4:17

Naduh kata, U Jisu u la sdang ban ïalap, bad ban ong, “To kylla-ka-bamut; naba ka hima ki bneng ka la jan.”

MARKOS 1:14

Te hadien ba la byndi ïa u Ïoannis, U Jisu u la wan sha Galilaïa, u da ïalap ïa ka gospel U Blei,

LOUKAS 1:2

kat kumba ki la ai pateng ha ngi, kiba long hi ki nongïohi naduh kaba mynnyngkong bad ki nongïalap jong kata ka ktien:

LOUKAS 1:69

bad U la pynmih ïa ka reng ka jingpynim ïa ngi, ha ka ïing u Dabid u shakri jong U;

LOUKAS 24:19

U la ong te ha ki, “Ïa kiba kumno?” Ki la ïathuh te ha U, “Ïa kiei kiei shaphang U Jisu uba na Nasaret, uba la long U Nongïathuhlypa, u bakhrawbor ha ka jingleh bad ha ka ktien ha khmat U Blei bad u paidlang baroh;

ÏOANNIS 15:27

Bad phi ruh phin phla, naba phi la don lem bad nga naduh kaba mynnyngkong.

KI KAM 1:22

ba la sdang naduh ka jingbaptis u Ïoannis, haduh kata ka sngi ha kaba la shim noh ïa u sha jrong na ngi, uwei na kita ka dei ban thung kum u nongphla lem bad ngi shaphang ka jingmihpat jong U.”

KI KAM 2:22

“Ko ki rangbah Israel, to sngew ïa kine ki ktien: ïa U Jisu uba na Nasaret, u briew ba U Blei u la pynithuh shynna ha phi da ki kambah, bad da ki jingphylla, bad da ki dak khyllah de, kiba U Blei u la leh da u hapdeng jong phi, kumba phi hi ruh phi tip,

KI KAM 4:12

Bad ym don ka jingpynim hano hano ha uwei pat: naba ym don kawei pat ka kyrteng hapoh ka bneng, ïa kaba la ai hapdeng ki briew, da kaba ka dei ba yn pynim ïa ngi.”

Ka Shithi U Paul Sha Ki Nong Rom 11:14

lada lah kumno re kumno ba ngan da ïoh pynsngewskuiñ ïa i doh i snam jong nga, bad ba ngan ïoh pynim ïa kiba na ki.

Ka Shithi U Paul Sha Ki Nong Rom 2:3

Hynrei, me mut ïa kane, A u briew, me uba bishar ïa kita kiba ïai-leh kat kita kiei kiei ruh, bad haba me leh hi ïa kita kijuh, ba ma me men ïohlait noh na kata ka jingpynrem ka jong U Blei?

1 KORINTH 1:21

Namar ba ha ka jingstad U Blei, kata ka pyrthei da la ka jingstad kam shym la ithuh ïa U Blei; U Blei u la ibit da ka jingibieit jong ka jingïalap, ban pynim ïa kita kiba ngeit.

1 THESSALONI 5:3

Katba ki dang ong, “Ka jingsuk bad ka jingskhembha”, ynda kumta, ka jingjot bakyndit kyndit kan ngat ha ki, kum ka jingsuh khun ha ka briew kaba punkhun; bad kin ym ïohlait shuh da lei lei.

1 TIMOTHI 1:15

Kane ka ktien kaba shisha, bad kaba bit ïa ka ban pdiang baroh phar, ba U Khrist Jisu u la wan sha ka pyrthei ïa ka ban pynim ïa ki bapop; na kiba nga long uba kongsan.

TITOS 2:11

Namar ka jingaiei ka jong U Blei ka la paw, kaba wallam jingpynim ha ki briew baroh,

HEBRU 1:1

U Blei, haba u la lah kren mynhyndai ha ki kpa tymmen da ki bun bynta bad ha ki bun rukom ha ki nongïathuhlypa, ha kine ki sngi ki bakhatduh u la kren ha ngi ha U Khun;

HEBRU 1:14

Hato kita baroh kim long ki mynsiem bashakri, ïa kiba la phah noh ïa ka ban shakri na ka bynta kita ki ban sa ïoh ïa ka jingpynim?

HEBRU 1:2

ïa uba u la thung ban long u nongïoh pateng ïa kiei kiei baroh, da u ruh, la thaw ïa ki pyrthei;

HEBRU 12:25

To sumar ba phin ym kyntait noh ïa uta uba kren. Namar lada kita kim shym lait, haba ki la kyntait ïa uta uba la maham ïa ki ha ka khyndew, sa katno tam te ma ngi kiba phai noh na uta uba maham na bneng:

HEBRU 4:1

Namar kata, to ngin sheptieng, haba dang sah ka jingkular ban leit bsut sha ka jingjahthait jong u, ïoh kumno re kumno uno uno na phi un imat ban ym kot sha ka.

HEBRU 4:11

Namar kata, to ngin ïaiminot ban leit bsut sha kata ka jingjahthait, ïoh ba uno uno ruh un hap ha kata kajuh ka rukom ka jingbymkohnguh.

HEBRU 5:9

bad haba la pynbit janai ïa u, u la jia long u nongpynlong ka jingpynim bymjukut ïa kita baroh kiba kohnguh ïa u;

HEBRU 9:28

kumta, U Khrist ruh, haba la kñia ainguh tang shi sien ïa u, ïa ka ban bah noh ïa ki pop jong kiba bun, un mihpaw ha ka ba-ar sien, khlem bah ka pop, ha kita kiba khmih lynti ïa u, ïa ka jingpynim.

1 ÏOANNIS 1:1

Kata kaba la long na kaba mynnyngkong, ïa kaba ngi la ïohsngew, ïa kaba ngi la ïohi da ki khmat jong ngi, ïa kaba ngi la ïoh khmih pyllaw, bad ki kti jong ngi ki la ïoh tba, shaphang uta U Ktien ka jingim

JUDAH 1:17

Hynrei, ma phi, ko hep ba-ieit, to kynmaw ïa kita ki ktien ïa kiba la ïathuhlypa da kita ki apostol U Jisu Khrist uba U Trai jong ngi;

JINGPYNPAW 7:10

bad ki da ïapyrta da ka ktien bajam, ki da ïa-ong, “Ka jingpynim ha U Blei jong ngi uba shong halor kata ka khet, bad ha uta U Khun langbrot!”