HEBRU 2:18 - KA BAIBL

¹⁸ Namar ha kaba ma u hi u la shah haba la pynshoi ïa u, u lah keiñ ban ïarap ïa kita ïa kiba la pynshoi.

Khasi CL Bible (BSI)

¹⁸ Bad mynta, u lah ban ïarap ïa kita kiba shah pynshoi, namar ma u hi u la shah pynshoi bad shahshitom.

HEBRU 2:18 Mawu Ofanana

LOUKAS 22:28

“Phi long kita te kiba la ïaisah lem bad nga ha ki jingtynjuh jong nga.

LOUKAS 22:53

Mynba nga la don lem bad phi ha la ka sngi ha ka templ, phim shym la kner satia ïa la ki kti ban kem ïa nga: hynrei, kane ka long ka por jong phi, bad ka bor jong ka jingdum.”

ÏOANNIS 10:29

U Kpa jong nga, uba la aiti ïa ki ha nga, u long uba kham khraw ïa baroh; bad ym don uba lah ban knieh kynthet ïa ki na ka kti uta U Kpa jong nga.

1 KORINTH 10:13

Ka jingtynjuh kam shym la ngat ha phi, hynrei, tang kaba u briew u lah ban shah; hynrei, U Blei u long uba lah ban shaniah, u ban ym shah ba yn tynjuh ïa phi tam ïa kata ïa kaba phi lah, hynrei, ryngkat bad kata ka jingtynjuh un thaw ruh bad ïa ka lad ban lait, khnang ba phi lah ban shah ïa ka.

PHILIPPI 3:21

u ban thaw thymmai ïa ka met ka jinglong rangli jong ngi, ïa ka ban pynlong ïa ka shidur bad ka met ka burom jong u, katba kum kata ka jingpyntrei da kaba u lah ruh wat ban pyndem ïa kiei kiei baroh ha lade.

2 TIMOTHI 1:12

Namar kane ka daw, nga shah ruh ïa kine kiei kiei: pynban, ngam sngewlehrain; namar nga la ithuh ïa uta ha uba nga la ngeit, bad nga ngeit skhem ba u long uba lah ban da ïa kata kaba nga la aiti ha u hamar kata ka sngi.

HEBRU 5:2

uba lah ban shah jem bad kita ki bymtip bad kiba bakla; naba ïa u hi ruh, la ker sawdong da ka jingtlot.

2 PETROS 2:9

U Trai u nang ban knieh kynthet noh ïa kiba riewblei na ka jingpynshoi, bad ban rakhe ïa ki bymhok ïa ka sngi ka jingbishar ban pynshitom ïa ki.

JUDAH 1:24

Te ha uta uba lah ban ri kyndong ïa phi ba khlem jynthut, bad ban pynïeng ïa phi ba khlem pop ha khmat ka burom jong u ha ka jingkmen bakhraw eh,

JINGPYNPAW 3:10

Naba pha la ri skhem ïa ka ktien ka jingïaishah jong nga, te nga ruh ngan ri kyndong ïa pha na kata ka por jong ka jingtynjuh, ka ban sa jia long ha ka pyrthei baroh kawei, ban tynjuh keiñ, ïa kita kiba shong ha ka khyndew.