HEBRU 2:14 - KA BAIBL

¹⁴ Namar kata, haba kita ki khun ki long ki nongïoh bynta na ka doh bad ka snam, ma u hi ruh, da kajuh ka rukom u la shim bynta na kijuh; ba da ka jingïap un ïoh pynduh noh ïa uta uba don ka bor ka jingpynïap, uta u long u Soitan keiñ;

Khasi CL Bible (BSI)

¹⁴ Namar ba kita ki khun, kumba u khot ïa ki, ki long ki briew na ka doh bad ka snam, U Jisu u la long u briew kum ma ki hi bad ïoh bynta lang na ka jinglongbriew jong ki. U la leh ïa kane, khnang ba da ka jingïap jong u, u lah ban pynduh ïa u Bymman, uba don ka bor halor ka jingïap,

HEBRU 2:14 Mawu Ofanana

JENESIS 3:15

Bad ïa ka jingshun ruh ngan buh hapdeng jong me bad kata ka briew, bad hapdeng u symbai jong me bad u symbai jong ka; u symbai jong ka un pynlwet ïa ka khlieh jong me, bad me men pynlwet ïa ka khongdong'jat jong u.”

ISAÏAH 25:8

U la nguid tylli ïa ka jingïap junom; te U Trai U Blei un ñiad noh ïa ki ummat na ki khmat baroh; bad ka jingkrenbeiñ ïa u paidlang jong u, un shim noh na ka khyndew baroh: namar U Trai u la kren ïa ka.

ISAÏAH 53:12

Namar kata, ngan ïasam bynta ha u bad ki bakhraw, bad un ïabynta ïa ka jinglute bad ki bakhlaiñ; namar u la theh noh ïa la ka mynsiem haduh kaba ïap, la ñiew ruh ïa u bad ki nongryngkang: pynban u la bah ïa ka pop jong kiba bun, bad u la ïasaid na ka bynta ki nongryngkang.

ISAÏAH 7:14

Namar kata, U Trai hi un ai ka dak ïa phi: Ha khmih, ka theisotti kan punkhun, kan kha ruh ïa u khun, yn khot ruh ïa ka kyrteng jong u, ‘u Immanuel.’

HOSIA 13:14

“Ngan siewspah ïa ki na ka kti ka jingtep; ngan pyllait ïa ki na ka jingïap: A ka jingïap, hangno ki jingïapkhlam jong pha? A ka jingtep, hangno ka jingpynjot jong pha? ïa ka jingkylla-ka-bamut yn buhrieh noh na ki khmat jong nga.

MATHAÏOS 16:17

U Jisu te u la ïathuh bad u la ong ha u, “Suk ma me, ko Simon u khun u Jonah, naba ka doh bad ka snam kam shym la pyni ïa kata ha me, hynrei, U Kpa jong nga uba ha bneng.

MATHAÏOS 25:41

Ynda kumta, un ong ha kita ruh sha kadiang, ‘To khie leit noh na nga, phi ïa kiba la tim, sha ka ding ka bymjukut, ïa kaba la buh lypa ïa u Soitan bad ïa ki angel jong u!

ÏOANNIS 1:14

Uta U Ktien te u la kynja doh, bad u la shong sah hapdeng jong ngi; bad ngi la ïoh-khmih shaiñ ïa ka burom jong u, ka burom kaba da kat ka jong uba la kha marwei na U Kpa, ba la dap da ka jingaiei bad ka jingshisha.

ÏOANNIS 12:24

Shisha, shisha nga ong ha phi, lymda iwei i symbai Kew i da hap ha ka khyndew, bad ba i ïap, ita i ïaisah marwei; hynrei, lada i ïap, i sei noh bun soh.

Ka Shithi U Paul Sha Ki Nong Rom 14:9

Namar ïa kane khnang U Khrist u la ïap noh ruh, bad u la im pat, ba un ïoh long U Trai halor ki baïap bad ki ba-im ruh.

Ka Shithi U Paul Sha Ki Nong Rom 8:3

Namar ïa kata kaba ka hukum kam shym lah ban leh, naba ka la tlot na kata ka doh, U Blei, da kaba u la phah ïa U Khun jong u hi ha ka dur ka doh pop, bad ban long ka jingkñia namar ka pop, u la pynrem ïa ka pop ha kata ka doh;

1 KORINTH 1:28

bad ïa kita kiei kiei ruh kiba poh jaid jong ka pyrthei, bad ïa kita kiei kiei ruh ïa kiba la ñiewbeiñ, U Blei u la jied keiñ, bad ïa kita kiei kiei ruh ki bymlong, ba un ïoh pynduh noh ïa kita kiei kiei ruh kiba long;

1 KORINTH 15:50

Hynrei, la lei lei ïa kane nga ong, ko parabangeit, ba ka doh bad ka snam kim lah ban ïoh ïa ka hima U Blei, lymne kata kaba pyut kam ïoh ïa kata ka bympyut.

GALATIA 4:4

hynrei, haba la jia ka Ïa kaba biang U Blei u la phah ïa la U Khun, ïa uba la kha na ka briew, ïa uba la kha hapoh ka hukum,

KOLOSSAI 2:15

bad haba u la lah law noh na lade ïa ki jingsynshar bad ïa ki bor, u la thad rong ïa ki ha kaba paw, u da risa halor jong ki ha ka.

1 TIMOTHI 3:16

Bad khlem ka jingïasaid, kaba khraw ka jingmaïan ka jong ka niam Blei: Uta uba la paw ha ka doh, ba la ksan ha U Mynsiem, ba la ïohi da ki angel, ba la ïalap hapdeng ki Jentil, ba la ngeit ha ka pyrthei, ba la pdiang haneng ha ka burom.

2 TIMOTHI 1:10

hynrei, ïa kaba la pynpaw mynta da kata ka jingmihpaw U Nongpynim jong ngi U Khrist Jisu, uba la pynduh noh ïa ka jingïap, bad uba la pynpaw ïa ka jingim bad ïa ka jingbympyut da ka gospel:

HEBRU 10:10

Da kata ka mon, la pynkhuid ïa ngi da kata kaba ainguh ïa ka met U Jisu Khrist tang shi sien ai.

HEBRU 10:5

Naba kumta, haba u wan sha kane ka pyrthei, u ong: “Ïa ka jingkñia bad ïa ka jingainguh mem shym la mon, hynrei, ïa ka met me la khreh ïa nga;

HEBRU 2:17

Namar kata, ka la dei ban pynlong ïa u, uba syriem ïa la ki para ha kiei kiei baroh, ba un ïoh long U Rangbah lyngdoh ba-isynei bad ïa uba lah ban shaniah ha kiei kiei kiba dei sha U Blei, ba un pynlong ka kuna namar ki pop u paidlang.

HEBRU 2:18

Namar ha kaba ma u hi u la shah haba la pynshoi ïa u, u lah keiñ ban ïarap ïa kita ïa kiba la pynshoi.

HEBRU 4:15

Namar ngim don u Rangbah lyngdoh u bym lah ban ïasngewlem bad ki jingtlot jong ngi; hynrei, ïa uba la pynshoi ha kiei kiei baroh syriem ïa ngi, hynrei, khlem pop.

HEBRU 9:15

Te namar kane, u long U Ksiang ka jutang bathymmai, ba haba la jia ka jingïap ïa ka ban siewspah ïa kita ki jingpalat kiba hapoh kata ka jutang ka banyngkong, kita ïa kiba la khot, kin ïoh pdiang ïa ka jingkular ïa kata ka bynta bymjukut.

1 PETROS 1:20

ïa uba la thmu lypa naduh bym pat seng nongrim ïa ka pyrthei, hynrei, la pynmihpaw ïa u ha kine ki Ïa ki bakhatduh na ka bynta jong phi,

JINGPYNPAW 1:18

bad nga la jia long u baïap, te ha khmih, nga long u ba-im sha ki bymjukut ki bymjukut, bad nga don keiñ ki shabi ka dujok bad ka jingïap.

JINGPYNPAW 12:9

Te la shop noh arsut ïa uta u ïakjakor bakhraw, uta u bseiñ tymmen ïa uba la khot “u Ksuid”, bad “u Soitan”, uba shukor ïa ka pyrthei baroh kawei; la shop noh arsut ïa u sha ka khyndew, bad ïa kita ki angel jong u la shop noh arsut lem bad u.

JINGPYNPAW 2:10

To wat sheptieng ïa kita kiei kiei ruh kiba phan sa shah: ha khmih, uta u Soitan un sa bred ïa kiba na phi ha ka ïing byndi, ba yn ïoh tynjuh ïa phi; te phin ïoh ïa ka jingshahshitom shiphew sngi. To long pha kaba ïaineh haduh ka jingïap, bad ngan ai ha pha ïa kata ka pansngiat jong ka jingim.

JINGPYNPAW 20:2

Bad u la kem ïa uta u ïakjakor, ïa uta u bseiñ batymmen, uba long u Ksuid bad u Soitan, bad u la khum ïa u, shi hajar snem;