HEBRU 2:13 - KA BAIBL

¹³ Pat ruh: “Ngan buh la ka jingshaniah ha u.” Bad: “Ha khmih, ma nga bad kita ki khun ïa kiba U Blei u la ai ha nga.”

Khasi CL Bible (BSI)

¹³ U ong ruh, “Ngan buh ïa la ka jingshaniah ha U Blei.” Bad u ong ruh, “Hangne nga don bad ki khun ïa kiba U Blei u la ai ha nga.”

HEBRU 2:13 Mawu Ofanana

JENESIS 33:5

Bad u la khmied ïa la ki khmat, bad u la ïohi ïa ki kynthei bad ïa ki khynnah, bad u la kylli, “Kiei kine ba me don?” Bad u Jakob u la ïathuh, “Ki long ki khun ïa kiba U Blei na ka jingsbun jong u, u la ai ha u shakri jong me.”

JENESIS 48:9

Bad u Joseph u la ïathuh ha la u kpa, “Kine ki khun shynrang jong nga, ïa kiba U Blei u la ai ha nga shane.” Ynda kumta, u la ong, “To wallam ïa ki sha nga, nga kyrpad ïa me, bad ma nga, ngan kyrkhu ïa ki.”

2 SAMUEL 22:3

U Blei uba u mawsiang jong nga, ha u keiñ ngan shaniah; ka stieh jong nga, bad ka reng ka jingpynim jong nga, ka kut bajrong jong nga, bad ka jaka rieh jong nga; u nongpynim jong nga, me pynim ïa nga na ka jingleh-jubor.

SALM 127:3

Ha khmih, ki khun ki long ka jingïoh kynti U Trai: bad u soh jong ka kpoh u long ka bainong.

SALM 16:1

To ri kyndong ïa nga, A U Blei; naba ha me nga shaniah.

SALM 18:2

U Trai u long u mawsiang jong nga, bad ka kut jong nga, bad u nongpyllait jong nga; U Blei jong nga, u mawsiang baskhem jong nga, ha u keiñ ngan shaniah; ka stieh jong nga, bad ka reng ka jingpynim jong nga, ka kut bajrong jong nga.

SALM 91:2

Ngan ong shaphang U Trai, “U long ka jaka rieh jong nga bad ka kut jong nga; U Blei jong nga, ha uba nga shaniah.”

ISAÏAH 12:2

“Ha khmih, U Blei u long ka jingpynim jong nga; ngan shaniah, bad ngan ym sngewsheptieng: namar U Trai Jehobah u long ka bor bad ka jingrwai jong nga; u la kylla long ruh ka jingpynim jong nga.”

ISAÏAH 53:10

Pynban, U Trai u la mon ban pynlwet ïa u; u la pynkhuslai ïa u: haba men pynlong ïa ka mynsiem jong u ka jingainguh namar ka pop, un ïohi ïa la u symbai, un pynslem ïa la ki sngi, bad ka mon U Trai kan roi ha ka kti jong u.

MATHAÏOS 27:43

U la shaniah ha U Blei, to un pyllait ïa u mynta, lada u mon bha ïa u! naba u la ong, ‘Nga long U Khun U Blei.’ ”

ÏOANNIS 10:29

U Kpa jong nga, uba la aiti ïa ki ha nga, u long uba kham khraw ïa baroh; bad ym don uba lah ban knieh kynthet ïa ki na ka kti uta U Kpa jong nga.

1 KORINTH 4:15

Namar la phi don shiphew hajar ki nonghikai ha U Khrist, pynban, phim don bun ki kpa; namar ma nga keiñ nga la pynkha ïa phi ha U Khrist Jisu da ka gospel.