HEBRU 2:10 - KA BAIBL

¹⁰ Namar ka la bit ïa u, na ka bynta jong u ba la long kiei kiei baroh, bad da u ba long kiei kiei baroh, ha kaba u ïalam ïa ki khun shibun sha ka burom, ban pynjanai ïa U Nongpynlong ka jingpynim jong ki da ki jingshahshitom.

Khasi CL Bible (BSI)

¹⁰ Ka long kaba dei eh ba U Blei, uba thaw bad pynneh ïa kiei kiei baroh, un pynlong ïa U Jisu uba janai lyngba ka jingshah shitom, khnang ban pynwan ïa kiba bun ki khun ban ïoh bynta ha ka burom jong u. Namar U Jisu u long uta uba ïalam ïa ki sha ka jingpynim.

HEBRU 2:10 Mawu Ofanana

JENESIS 18:25

To ai kan long jngai na me ban leh ha kane ka rukom, ban pynïap ïa u bahok lem bad u bymman, kat ban pynlong ïa u bahok kum u bymman; to ai kan long jngai na me kata: u Nongbishar ka pyrthei baroh kawei un ym leh hok mo?”

PROBERB 16:4

U Trai u la thaw khnang ïa kiei kiei baroh na ka bynta ïa lade: shisha, wat ïa u bymman khnang ïa ka sngi ka jingsniew.

ISAÏAH 43:21

ïa une u paidlang ba nga la pynlong na ka bynta ïa lade, ba kin ïalap ïa ka jingïaroh jong nga.

ISAÏAH 55:4

Ha khmih, nga la ai ïa u ban long sakhi ha ki kynja bynriew, u nongïalam bad u nongai hukum ha ki kynja bynriew.

HOSIA 8:10

Shisha keiñ, la ki wer hapdeng ki jaid bynriew, mynta, ngan ïalum lang ïa ki; ki ruh ki sdang ban nangrit na ka bynta ka jingkit u syiem ki rangbah.

MIKAH 2:13

U nongpynpait u la leit kiew ha shuwa jong ki: la thom lyngba bad ki la ïaid sha ka khyrdop, bad ki la leit noh na ka: te u syiem jong ki u la nang ïaid sha shuwa jong ki, bad U Trai u ha khlieh jong ki.

JINGKHEIÑ 7:15

uwei u masi lyngraw, uwei u langbrot, uwei u khun langbrot ba shi snem, ban long ka jingainguh thang;

LOUKAS 13:32

Te u la ong ïa ki, “Khie leit ïathuh ha uta u myrsiang, ‘Ha khmih, nga beh noh ïa ki ksuid, nga trei ruh ïa ki kam pynkhiah mynta bad lashai, te ha ka balai ka sngi yn sa pynjanai ïa nga.

LOUKAS 2:14

“Ka burom ha U Blei ha kiba jrong tam eh, bad ha ka pyrthei ka jingsuk hapdeng ki briew ha kiba U sngewbha eh.”

LOUKAS 24:26

Ym long kaba la dei ïa uba U Khrist ban shah ïa kine kiei kiei ruh, bad ban leit bsut hapoh ka burom jong u?”

LOUKAS 24:46

U la ong ruh ha ki, “Kumne la thoh ba ka la dei ïa U Khrist ban shah, bad ban mihpat de na ki nongïap ha ka balai ka sngi;

ÏOANNIS 11:52

bad ym tang na ka bynta kata ka kynja bynriew hi, hynrei, ba un ïoh ïalum lang ruh ha kawei, ïa kita ki khun U Blei kiba la sakma.

ÏOANNIS 19:30

Te mynba U Jisu u la shim ïa kata ka bajew, u la ong, “La pyndep:” bad haba u la noh lyngngeh ïa la ka khlieh, u la aiti noh ïa la ka mynsiem.

KI KAM 3:15

bad ïa U Syiem ka jingim, phi la pynïap noh; ïa uba U Blei u la pynmih pat na ki baïap; shaphang kata, ngi, ngi long ki nongphla.

KI KAM 5:31

Ïa une, U Blei u la kyntiew sha ka kti kamon jong u, ban long U Syiem bad U Nongpynim, ïa ka ban ai ka jingkylla-ka-bamut ha u Israel, bad ka jingmap ki pop.

Ka Shithi U Paul Sha Ki Nong Rom 11:36

Naba na u, bad da u, bad sha u, long kiei kiei baroh; ha uba to long ka burom sha ki bymjukut! Amen.

Ka Shithi U Paul Sha Ki Nong Rom 9:23

bad ba un ïoh pyntip noh ïa kata ka jingkynrei spah ka burom jong u ha ki khiew ka jingisynei, ïa kiba u la lah pynkhreh lypa sha ka burom,

1 KORINTH 2:7

hynrei, ngi kren ïa ka jingstad kaba rieh jong U Blei, ïa kaba la buhrieh, kaba U Blei u la thmu lypa mynshuwa ki rta, khnang ïa ka burom jong ngi;

1 KORINTH 8:6

hynrei, ïa ngi, don tang uwei U Blei U Kpa, na uba long kiei kiei baroh, bad ma ngi ha u; bad uwei U Trai uba U Jisu Khrist, da u, ba long kiei kiei baroh, bad ma ngi da u.

2 KORINTH 3:18

Hynrei, ma ngi baroh da ka khmat khlem da kah noh, da kaba ngi khmih shai kumba ha ka ïit ïa ka burom U Trai, la nang pynkylla nang pynkylla dur ïa ngi sha kata kajuh hi ka dur na ka burom sha ka burom, kumba na U Trai uba U Mynsiem.

2 KORINTH 4:17

Namar ka jingjynjar basting jong ngi kaba tang shibit, ka nang pynlong na ka bynta jong ngi ka jingkhia ka burom kaba palat eh bad ka bymjukut,

2 KORINTH 5:18

Te kiei kiei baroh ki long na U Blei, uba la pynïasuk noh ïa ngi ha lade hi da U Jisu Khrist, bad uba la aiti ha ngi ïa ka jingpyntrei ïa ka jingpynïasuk;

2 KORINTH 6:18

bad ngan long U Kpa ïa phi, ma phi ruh, phin long ki khun shynrang bad ki khun kynthei ïa nga,” ong U Trai u Badonbor Baroh.

GALATIA 3:26

Namar phi baroh phi long ki khun U Blei da ka jingngeit ha U Khrist Jisu.

EPHESOS 2:7

ba un ïoh pyni ha ki rta ki ban sa wan, ïa kata ka jingkynrei eh ka jingaiei jong u, ha ka jinglehsbun sha ngi ha U Khrist Jisu.

EPHESOS 3:10

khnang ban ïoh pyntip mynta ha ki jingsynshar bad ha ki bor ha ki jaka bneng, da ka balang, ïa ka jingstad babun syrtap ka jong U Blei;

KOLOSSAI 3:4

Ynda la paw U Khrist, uba ka jingim jong ngi, ynda kumta, phi ruh, phin paw lem bad u ha ka burom.

2 TIMOTHI 2:10

Namar kata, nga ïaishah ïa kiei kiei baroh na ka bynta kiba la jied, ba ma ki ruh kin ïoh ïa ka jingpynim kaba ha U Khrist Jisu, lem bad ka burom bymjukut.

HEBRU 12:2

da kaba khmih sha U Jisu U Nongpynlong bad U Nongpynjanai ïa ka jingngeit jong ngi, uba namar kata ka jingkmen ïa kaba la buh ha khmat jong u, u la shah ïa ka diengphna, u da ibeiñ ïa ka jinglehrain, bad u la shong ha ka kti kamon ka khet U Blei.

HEBRU 6:20

sha kaba kum u nongbuhai na ka bynta jong ngi, U Jisu u la leit rung, haba u la jia long U Rangbah lyngdoh bymjukut ha kata ka rukom u Melkhisedek.

HEBRU 7:26

Namar U Rangbah lyngdoh uba kum uta u la bit ïa ngi, u bakhuid, uba lui lui, u bym da bit-tngit, uba la kyrpang na ki bapop, bad ïa uba la pynlong kham ha khlieh ïa ki bneng;

HEBRU 7:28

Namar kata ka hukum ka thung rangbah lyngdoh da ki briew kiba don ka jingtlot; hynrei, kata ka ktien jong kata ka jingsmai, kaba hadien kata ka hukum, ka thung ïa U Khun, ïa uba la pynjanai bymjukut.

1 PETROS 1:12

ha kiba la pynpaw, ba ym ha ki hi, hynrei, ha phi, ba ki la pyntrei ïa kita kiei kiei, ïa kiba la ïalap mynta ha phi da kita kiba la ïathuhkhana babha ha phi da U Mynsiem Bakhuid, ïa uba la phah na bneng; ha kita kiei kiei ruh ki angel ki kwah eh ban dem jngoh.

1 PETROS 5:1

Ïa ki tymmen basan kiba hapdeng jong phi, namar kata, nga kyntu, uba u para tymmen basan keiñ, bad u sakhi ïa kita ki jingshahshitom U Khrist, bad u nongïoh bynta ruh na kata ka burom ïa ka ban sa pynpaw,

1 PETROS 5:10

Te U Blei ka jingaiei baroh, uba la khot ïa phi sha kata ka burom bymjukut jong u ha U Khrist, ynda phi la shah shitom khyndiat por, ma u hi keiñ, un da pynjanai ïa phi, un da pynskhem, un da pynshaitbor.

JINGPYNPAW 4:11

“Me long uba dei, A Trai bad U Blei jong ngi, ban pdiang ïa kata ka burom bad ïa kata ka jingpyndonburom bad ïa kata ka bor, naba me la thaw ma me ïa kiei kiei baroh, bad namar kata ka mon jong me ki ïalong, bad la thaw ïa ki.”

JINGPYNPAW 7:9

Hadien kine kiei kiei ruh, nga la khmih, bad ha khmih, u paidbah byllien, ïa uba uno uno um lah ban ñiew, na ki kynja bynriew bad na ki jaid bad na ki paidlang bad na ki thylliej baroh, ba ki da ïeng ha khmat kata ka khet bad ha khmat uta U Khun langbrot, kiba la kup ki jaiñkup balieh, bad ki dieng Tlai ha ki kti jong ki;