HEBRU 13:9 - KA BAIBL

⁹ Wat shah ban rong noh ïa phi da ki jinghikai bapher bad bakhyllah; namar ka long kaba myntoi ban pynskhem ïa ka dohnud da ka jingaiei, ym da ki jingbam, ha kiba kita kiba la ïaid ha ki kim shym myntoi.

Khasi CL Bible (BSI)

⁹ Wat shah ba ki jinghikai bakhyllah baroh kin ïalam bakla ïa phi na ka lynti kaba dei. Ka long kaba bha ban ïohpdiang ïa ka jingkhlaiñ kaba kyrsoi na shapoh da ka jingaiei U Blei, bad ym da kaba kohnguh ïa ki hukum kiba ïadei bad ki jingbam; kito kiba kohnguh ïa kine ki hukum kim shym la ïoh jingïarap ei ei na ki.

HEBRU 13:9 Mawu Ofanana

SALM 112:8

La pynskhem ïa ka dohnud jong u, un ym sheptieng, tad ynda un ïohi ïa la ka mon halor kiba ïaleh pyrshah ïa u.

MATHAÏOS 24:24

Naba ki khrist lamler, bad ki nongïathuhlypa lamler, kin mih, bad kin pyni ïa ki dak ki bakhraw bad ki jingphylla, kat ban shukor, lada lah, wat ïa kiba la jied.

MATHAÏOS 24:4

Te U Jisu u la ïathuh bad u la ong ha ki, “To sumar ba uno uno ruh un ym shukor ïa phi.

LOUKAS 5:38

hynrei, ïa ka Waiñ thymmai dei ban buh ha ki lywa snieh thymmai.

KI KAM 20:30

bad napdeng jong phi hi ruh, ki rangbah kin ïamih kiba ïalap ïa kiei kiei ruh kiba bakla, ïa ka ban ring pah ïa ki synran hadien jong ki.

KI KAM 20:32

Te mynta, nga aiti noh ïa phi ha U Blei, bad ha ka ktien ka jingaiei jong u, uba lah ban ïaitei ïa phi, bad ban ai ha phi ka bynta hapdeng kita baroh ïa kiba la pynkhuid.

Ka Shithi U Paul Sha Ki Nong Rom 14:17

namar ka hima ka jong U Blei kam long keiñ kaba bam bad kaba dih; hynrei, ka hok, bad ka jingïasuk, bad ka jingkmen ha U Mynsiem Bakhuid.

Ka Shithi U Paul Sha Ki Nong Rom 14:2

Namar uwei u ngeit ba u bit ban bam ïa kiei kiei baroh; hynrei, uta u batlot u bam tang ïa ki jhur.

Ka Shithi U Paul Sha Ki Nong Rom 14:6

Uta uba ñiew ïa kata ka sngi, u ñiew keiñ ha U Trai. Kumjuh uta uba bam, u bam keiñ ha U Trai, namar u ainguh ha U Blei; bad uta u bym bam, um bam keiñ ha U Trai, kumjuh ruh u ainguh ha U Blei.

1 KORINTH 6:13

Ki jingbam ki long ïa ka kpoh, bad kata ka kpoh ïa kita ki jingbam: hynrei, U Blei un pynjot noh bad ïa kata ruh bad ïa kita. Hynrei, kata ka met, kam long ïa ka jingleh awria, hynrei, ïa U Trai; bad U Trai ïa kata ka met.

1 KORINTH 8:8

Hynrei, ka jingbam kam pynïaroh ïa ngi ha khmat U Blei; namar, lada ngim bam, ngim shym duh ei ei; lane lada ngi bam ruh, ngim shym myntoi ei ei.

2 KORINTH 1:21

Te uta uba pynneh ïa ngi lem bad phi ha U Khrist, bad uba la pynsleh ïa ngi, long U Blei keiñ,

GALATIA 6:1

Ko parabangeit, wat lada lap ïa u briew ha kano kano ka jingpalat, ma phi kiba kynja mynsiem, to pynbha pat ïa uba kum uta ha ka mynsiem ka jingjemnud, da kaba khmih ïa lade, ïoh ba yn pynshoi ïa me ruh.

EPHESOS 4:14

ba kumta, ngin ym long shuh ki khynnah, ïa kiba la pynshad kynting bad ba la rong noh kylleng da ka lyer ka jinghikai baroh, da ka buit shalai ki briew, ha ka jingleh sianti, katba kum ka buit sniew ka jinghikai bakla;

EPHESOS 5:6

Wat ai ïano ïano ban shukor ïa phi da ka ktien thala: namar na ka bynta kine kiei kiei, ka jingbitar U Blei ka wan ha ki khun ka jingbymkohnguh.

KOLOSSAI 2:4

Ïa kane nga ong keiñ, ba uno uno ruh un ym ïoh shukor ïa phi da ka jingkren pnah.

2 THESSALONI 2:17

to un pyntngen ïa ki dohnud jong phi, bad un pynskhem ïa phi ha ka ktien bad ka jingleh babha baroh.

2 THESSALONI 2:2

khnang ban ym pynkhih shen ïa phi na la ka jingmut, lymne pynkhuslai ïa phi, lane da ka mynsiem, ne da ka ktien, ne da ka shithi kumba na ngi keiñ, kumba kata ka sngi ka jong U Khrist ka la wan.

1 TIMOTHI 6:20

A Timothi, to sumar kyndong ïa kata kaba la aiti ha me, da kaba phai noh na kita ki ktien bieit bathala bad ki jingïaleh pyrshah jong kata ka jingtip ïa kaba la shu khot kumta;

1 ÏOANNIS 4:1

Ko hep ba-ieit, wat ngeit ïa ki mynsiem baroh, hynrei, to phin tynjuh ïit ïa kita ki mynsiem, la ki long ne em na U Blei: naba shibun ki nongïathuhlypa balamler ki la leit mih noh sha ka pyrthei.

JUDAH 1:12

Kine ki long ki jingthohbria ha kita ki jingïakhawai ïa-ieit jong phi, haba ki ïakhawai lem bad phi, ki nongsharai kiba bsa sngaid ïa lade khlem da sheptieng; ki lyoh ba khlem um, ïa kiba la rong kynting noh da ki lyer; ki dieng Synrai kiba khlem soh, kiba la ïap noh ar sien, ïa kiba la rat noh;

JUDAH 1:3

Ko hep ba-ieit, haba nga dang leh minot eh ban thoh ha phi shaphang kata ka jingpynim ba ïadei lem, nga la shem ba donkam eh ban thoh ha phi, ban sneng ïa phi ban ïaleh eh na ka bynta kata ka jingngeit, ïa kaba la aiti shi sien ai ha ki riewkhuid.