HEBRU 13:8 - KA BAIBL

⁸ U Jisu Khrist u long ujuh mynhynnin, bad mynta, bad sha bymjukut.

Khasi CL Bible (BSI)

⁸ U Jisu Khrist u long ujuh mynhynnin, mynta bad sha ki bymjukut.

HEBRU 13:8 Mawu Ofanana

JENESIS 21:33

Bad u Abraham u la thung ïa ka 'law kyntang ha Beer-sheba, bad hangta u la khot ha ka kyrteng U Trai, uba U Blei bymjukut.

SALM 103:17

Hynrei, ka jingisynei U Trai ka long na bymjukut sha bymjukut ha kita kiba sheptieng ïa u, bad ka hok jong u ha ki khun ki khun;

SALM 90:2

Mynba mem pat pynmih noh ïa ki lum, lymne ba mem pat thaw dur ïa ka khyndew bad ïa ka pyrthei, wat naduh bymjukut haduh bymjukut, me, me long U Blei.

SALM 90:4

Naba shi hajar snem ha khmat jong me ki long kum mynhynnin haba ka la leit noh, bad kum ka jingap kylliang mynmiet.

EKSODOS 3:14

Bad U Blei u la ïathuh ha u Moses, “NGA long ba NGA long”: u la ong ruh, “Kumne men ong ha ki khun Israel, NGA long u la phah ïa nga ha phi.”

ISAÏAH 41:4

Uei ba la trei bad ba la leh ïa kane, u da khot ïa ki pateng bynriew naduh kaba mynnyngkong? Ma nga U Trai, u banyngkong, lem bad u bakhatduh ruh, nga long uta.

ISAÏAH 44:6

Kumne u ong U Trai, U Syiem u Israel, bad u Nongsiewspah jong u, U Trai ki paid: “Nga, nga long u banyngkong, bad nga, nga long u bakhatduh; bad nalor jong nga ym don Blei shuh.

MALAKHI 3:6

“Naba nga U Trai ngam ju kylla; namar kata keiñ, ba ym shym la bam duh noh ïa phi, ko phi ki khun u Jakob.

2 KORINTH 1:19

namar U Jisu Khrist U Khun U Blei, ïa uba la ïalap hapdeng jong phi da ngi, da nga bad da u Silbanos bad da u Timothi keiñ, um shym long “Ho-oid” bad “Em”, hynrei, ha u ka long kaba ho-oid.

2 KORINTH 1:20

Namar ki jingkular U Blei katba don, ki long ha u kaba ho-oid, bad ha u kaba Amen, ïa ka ban pyndonburom ïa U Blei da ngi.

HEBRU 1:12

bad kum ka barandi men khylliap ïa ki, kum ka jaiñkup keiñ, bad yn pynpli ïa ki; hynrei, me, me long ujuh, bad ki snem jong me kin ym kut.”

JAKOB 1:17

Ka jingai babha baroh, bad ka jingai bajanai baroh, ka long na jrong, kaba wan hiar na U Kpa ki jingshai, bad uba ym don ka jingkylla shuh, lymne ka syrngiew kaba shat da ka jingkylla.

JUDAH 1:25

ha U Blei U Bastad tang ma u hi uba U Nongpynim jong ngi, da U Jisu Khrist uba U Trai jong ngi, to long ka burom, bad ka jingkhraw tam, ka jingsynshar bad ka bor, mynta ruh, bad sha ki bymjukut baroh: Amen.

JINGPYNPAW 1:11

ka da ong, “Nga long ma nga U Alpha bad U Omega, u banyngkong bad u bakhatduh: ïa kaba me ïohi, to thoh ha ka kitab, bad to phah ha kita ki hynñiew balang; sha Ephesos, bad sha Smyrna, bad sha Pergamos, bad sha Thiateira, bad sha Sardis, bad sha Philadelphia, bad sha Laodikaïa.”

JINGPYNPAW 1:4

U Ïoannis, ha kita ki hynñiew balang kiba ha Asia: To long ka jingaiei ha phi bad ka jingsuk, na uta uba long bad uba la ju long bad u ban sa wan; bad na kita ki hynñiew ki mynsiem kiba long ha khmat ka khet jong u;

JINGPYNPAW 1:8

“Nga long ma nga U Alpha bad U Omega,” ong U Trai uba U Blei, uta uba long bad uba ju long bad uta u ban sa wan, uta U Badonbor Baroh.