HEBRU 13:7 - KA BAIBL

⁷ To kynmaw ïa kita kiba la synshar halor jong phi, kiba la kren ha phi ïa ka ktien U Blei; da kaba pyrkhat ruh ïa ka bakut ka jingim jong ki, to phin ïapyrthuh bud ïa ka jingngeit jong ki.

Khasi CL Bible (BSI)

⁷ To kynmaw ïa ki nongïalam jong phi kiba mynshuwa, kiba la kren ha phi ïa ka khubor U Blei. To da pyrkhat kumno ki la im bad ki la ïap, bad pyrthuh bud ïa ka jingngeit jong ki.

HEBRU 13:7 Mawu Ofanana

JINGRWAI SOLOMON 1:8

Lada pham tip, ko kaba bhabriew tam hapdeng ki kynthei, khie bud na ki dien'jat jong ka kynhun, bad to pynbam ïa ki khun blang jong pha hajan ki dara ki nongaplangbrot.

MATHAÏOS 24:45

“Naba kumta, uno uba long u shakri bangeit bad bastad, ïa uba u kynrad jong u, u la buh halor ki ba-ha-ïing jong u ïa ka ban ai ha ki, ïa ka jingbam ha ka por kaba biang?

LOUKAS 12:42

Bad U Trai u la ong, “Uno te uba long u sordar uba lah ban shaniah bad u bastad, ïa uba u kynrad jong u un buh halor kiba ha ïing jong u, ïa ka ban ai ha ki, ïa la ka bynta ka jingbam ha ka por babiang?

LOUKAS 5:1

Ka la jia te, katba uta u paidbah u la ïatur sha U ïa ka ban ïohsngew ïa ka ktien jong U Blei, ba U hi U ïeng harud ka pung Gennesaret.

LOUKAS 8:11

Te kata ka pharshi ka long kumne: “Uta u symbai, u long ka ktien U Blei.

KI KAM 13:46

Ynda kumta, u Paul bad u Barnabas ki la kren shlur, bad ki la ong, “La donkam ban ïalap ha phi nyngkong ïa ka ktien U Blei; hynrei, namar ba phi kyntait noh ïa ka, bad ba phi rai ïa lade ki bymbit ïa ka jingim bymjukut, ha khmih, ngi phai noh sha ki Jentil.

KI KAM 14:23

Te ynda ki la thung ha ki, ki tymmen basan ha la ka balang balang baroh, bad ba ki la ïaduwai lem bad ka jingshah jingit, ki la ïa-aiti ïa ki ha U Trai ha uba ki la lah ngeit.

KI KAM 4:31

Ynda ki la lah duwai te, la pynkhynñiuh ïa kata ka jaka ha kaba ki la ïaseng, bad la pyndap ïa ki baroh da U Mynsiem Bakhuid, bad ki la kren ïa ka ktien U Blei da ka jingsngewshlur.

Ka Shithi U Paul Sha Ki Nong Rom 10:17

Kumta te, kata ka jingngeit ka jia na kaba sngew, bad kata kaba sngew da ka ktien U Blei keiñ.

1 KORINTH 10:13

Ka jingtynjuh kam shym la ngat ha phi, hynrei, tang kaba u briew u lah ban shah; hynrei, U Blei u long uba lah ban shaniah, u ban ym shah ba yn tynjuh ïa phi tam ïa kata ïa kaba phi lah, hynrei, ryngkat bad kata ka jingtynjuh un thaw ruh bad ïa ka lad ban lait, khnang ba phi lah ban shah ïa ka.

1 KORINTH 11:1

To long phi ki nongpyrthuh bud ki jong nga, kumba nga ruh u jong U Khrist.

1 KORINTH 4:16

Namar kata, nga kyrpad ïa phi, to long ki nongpyrthuh bud ki jong nga.

PHILIPPI 3:17

Ko parabangeit, to long phi kiba ïapyrthuh bud ïa nga, bad to khmih thuh ïa kita kiba ïaid kumta kat kumba phi ïoh ïa ngi kum ka rukom.

1 THESSALONI 1:6

Te phi la jia long ki nongïapyrthuh bud ïa ngi, bad ïa U Trai, haba phi la pdiang ïa kata ka ktien hapdeng shibun ka jingjynjar, da ka jingkmen U Mynsiem Bakhuid:

1 THESSALONI 2:13

Namar kane ruh, ngi nguh ha U Blei khlem da pud, ba haba phi la pdiang na ngi ïa ka ktien U Blei ïa kaba la pynsngew, phi la pdiang ym kum ka ktien ki briew, hynrei, kumba ka long shisha keiñ, ka ktien U Blei, kaba trei ruh ha phi kiba ngeit.

2 THESSALONI 3:7

Namar ma phi hi, phi ïatip kumno ka dei ïa phi ban pyrthuh bud ïa ngi; naba ngim shym la leh kynriang hapdeng jong phi;

2 THESSALONI 3:9

ym naba ngim don hok, hynrei, ba ngin pynlong ïa lade ka rukom ha phi, ba phin ïapyrthuh bud ïa ngi.

1 TIMOTHI 3:5

(namar lada u briew um tip kumno ban synshar ïa la ka jong ka ïing, hato kumno un sumar ïa ka balang U Blei?)

HEBRU 13:17

To kohnguh ïa kita ki nongïalam jong phi, bad to pynhapoh ïa lade ha ki; namar kita ki sharai na ka bynta ki mynsiem jong phi, kum ki ban sa ai ka jingkheiñ; ba kin ïoh leh ïa kane da ka jingkmen bad ym da ka jingsngewsih: namar kane ka bymmyntoi ïa phi.

HEBRU 13:24

To phin ïakhublei ïa kita ki nongïalam jong phi baroh, bad ïa ki riewkhuid baroh. Kita kiba na Itali ki ïakhublei ïa phi.

HEBRU 6:12

ba phin ym long kiba alhia, hynrei, ki nongpyrthuh ïa kita kiba da ka jingngeit bad ka jingïaishah ki ïaïoh ïa ki jingkular.

1 PETROS 4:11

Lada uno uno ruh u kren, un kren keiñ kum ki jingong U Blei; lada uno uno ruh u leh basan, to un leh kum na ka bor ba ai U Blei: ba ha kiei kiei baroh yn ïoh pyndonburom ïa U Blei da U Jisu Khrist, ha uba long ka burom bad ka jingsynshar sha ki bymjukut ki bymjukut: Amen.

JINGPYNPAW 1:9

Ma nga u Ïoannis, uba u parabangeit jong phi, bad u nongïaïoh bynta lem ha ka jingjynjar, bad ha ka hima bad ka jingïaishah U Jisu Khrist, nga la don ha kata ka 'dewlynnong ïa kaba la khot “Patmos”, na ka bynta ka ktien U Blei bad na ka bynta ka jingphla ïa U Jisu Khrist.

JINGPYNPAW 20:4

Bad nga la ïohi ïa ki khet, bad don kiba la shong halor jong ki, bad la ai ka jingbishar ha ki; bad nga la ïohi ïa ki mynsiem jong kita ïa kiba la khrai khlieh na ka bynta kata ka jingphla ïa U Jisu, bad na ka bynta ka ktien U Blei, bad jar ki bym shym la ïamane dem ïa uta u mrad khlaw, lymne ïa ka dur jong u, bad kim shym la pdiang ïa kata ka dak halor ka shyllangmat jong ki bad halor ka kti jong ki; te ki la im, bad ki la synshar lem bad U Khrist, shi hajar snem.

JINGPYNPAW 6:9

Bad mynba u la plie ïa ka jingpyndait ka basan, nga la ïohi hapoh ka duwan ïa ki mynsiem ki jong kita ïa kiba la pynïap noh na ka bynta ka ktien U Blei, bad na ka bynta kata ka jingphla ïa kaba ki la ju ïabat skhem.