HEBRU 13:5 - KA BAIBL

⁵ To long kiba lait na kaba ieit sbai, da kaba sngewhun bad kita kiei kiei ba phi don; namar u hi u la ong: “Ngan ym iehnoh noh ïa me da lei lei, lymne ngan ym leh lyndet noh ïa me da lei lei.”

Khasi CL Bible (BSI)

⁵ Sumar bad kiar ïa la ka jingim na kaba ieit spah, bad sngewhun bad kita kiei kiei kiba phi don. Namar U Blei u la ong, “Ngan ym iehnoh ïa phi, ngan ym kyntait ïa phi.”

HEBRU 13:5 Mawu Ofanana

JENESIS 28:15

Bad ha khmih, ma nga, nga don lem bad me, bad ngan ri bha ïa me hangno hangno ruh kat shaba me leit, bad ngan ïalam biang ïa me sha kane ka ri; naba ngan ym iehnoh ïa me, tad ynda nga la lah pyndep ïa kaba nga la ong ha me.”

JENESIS 30:31

Bad u Laban u la ong, “Ngan ai aïu ha me?” Bad u Jakob u la ïathuh, “Men ym ai ei ei ruh ha nga: hynrei, lada men leh ïa kane ïa nga, ngan da sumar bad ngan ri biang pat ïa ki kynhun langbrot jong me.

JENESIS 31:5

bad u la ong ha ki, “Nga ïohi ïa ka khmat u kpa jong phi ba kam long sha nga kum mynshuwa; hynrei, U Blei u kpa jong nga u la don lem bad nga.

1 SYIEM 6:13

Bad ngan shong hapdeng ki khun Israel, bad ngan ym iehnoh ïa u paidbah jong nga ki khun Israel.”

1 SYIEM 8:57

To U Trai uba U Blei jong ngi un long lem bad ngi, kumba u la long bad ki kpa jong ngi: to wat ai un iehnoh ïa ngi, lymne lyndet ïa ngi:

1 KHRONIKL 28:20

Bad u Dabid u la ong ha u Solomon u khun jong u, “To long uba skhem bad uba shlur, bad to leh ïa ka: wat sheptieng, lymne khaw-eit: naba U Trai U Blei, U Blei jong nga keiñ, u long lem bad me; un ym iehnoh ïa me, lymne kyntait ïa me, tad ynda la pyndep ïa ki kam baroh kiba dei ha ka jingshakri ka ïing U Trai.

SALM 10:3

Naba u bymman u kren khraw ïa ka jingkwah ka dohnud jong u, bad uba khwan u kyntait, bad u ñiewbeiñ ïa U Trai.

SALM 119:36

To pyndem ïa ka dohnud jong nga sha ka jingphla jong me, te ym ha ka jingkhwan.

SALM 37:25

Nga la long samla, te mynta nga la tymmen; hynrei, ngam shym la ïohi ïa u bahok ba la iehnoh noh ïa u, lymne ïa u symbai jong u ba ki ïakhrong kpu.

SALM 37:28

Naba U Trai u ieit ïa ka jingbishar, bad um iehnoh noh ïa ki riewkhuid jong u; la ri pynim ïa ki ha la ka rta: hynrei, ïa u symbai jong u bymman yn ot noh.

EKSODOS 2:21

Bad u Moses u la sngewbha ban shong duh bad uta u briew: u te u la ai kurim ha u Moses ïa ka Sipporah ka khun jong u.

EKSODOS 20:17

“Men ym ikwah ïa ka ïing u paramarjan jong me, men ym ikwah ïa ka tnga u paramarjan jong me, lymne ïa u mraw jong u, lymne ïa ka mraw jong u, lymne ïa u masi jong u, lymne ïa u kadda jong u, lymne ïa kaei kaei ruh kaba dei ka jong u paramarjan jong me.”

PROBERB 23:4

Wat pynshitom ïa lade ban long riewspah; to wai noh na la ka jong ka jingstad.

ISAÏAH 41:10

to wat sheptieng me, namar nga long ryngkat bad me; wat sngewma, namar nga long U Blei jong me: ngan pynshaitbor ïa me; ho-oid, ngan ïarap ïa me; ho-oid, ngan kyrshan ïa me da ka kti kamon ka hok jong nga.

ISAÏAH 41:17

Ki baduk bad ki bakyrduh ki wad um te ym don, bad u thylliej jong ki u tyrkhong da ka jingsliang; nga U Trai ngan shahshkor ïa ki, nga U Blei ki Israel ngan ym iehnoh ïa ki.

ISAÏAH 42:16

Te ngan wallam ïa ki bamatlah da ka lynti ba kim shym ithuh; ha ki lynti ïaid ba kim tip ngan ïalam ïa ki: ngan pynlong shai ïa ka jingdum ha khmat jong ki, bad kiba beit ïa ki jaka bakyllaiñ. Ïa kine kiei kiei ngan leh, bad ngan ym iehnoh noh ïa ki.

JEREMAÏAH 6:13

“Naba naduh u barit tam na ki wat haduh u bakhraw tam na ki uwei uwei baroh u la aiti ïa lade ha ka jingkwah lalot; bad naduh u prophet wat haduh u lyngdoh uwei uwei baroh u leh shukor.

ESEKIEL 33:31

Te ki ïawan ha me kumba wan ki paidbah, bad ki ïashong ha khmat jong me kumba shong ki paidbah jong nga, bad ki shahshkor ruh ïa ki ktien jong me, hynrei, kim leh satia ïa ki: namar da ki shyntur jong ki, ki pyni shibun ka jingieit, hynrei, ka dohnud jong ki ka ïabeh ïa ka jingmyntoi jong ki.

MATHAÏOS 6:19

“Wat kynshew ki spah ïa lade ha ka khyndew, ha kaba bam ka khñiang bad ka sarang, bad sha kaba ki nongtuh ki pynpei, ki tuh ruh:

MATHAÏOS 6:25

“Namar kata, nga ong ha phi, wat khuslai ïa la ka jingim, kaei ba phin bam, lane kaei ba phin dih; lymne ïa ka met jong phi, kaei ba phin kup. Ka jingim kam long kaba kham kor ïa ka jingbam, ka met ruh ïa ka jaiñkup?

MATHAÏOS 6:34

“Namar kata, wat khuslai na ka bynta kaba lashai, naba kata kaba lashai kan khuslai na ka bynta la ka jong. Ïa ka sngi ka biang la ka jong ka basniew.”

MARKOS 7:22

kiba tuh, kiba kurup, kiba pynsniew, kaba arsap, kaba nuti, kaba khwan lalot, kaba khmih sniew, kaba krenbeiñ, kaba sngewkhraw, bad kaba leh bieit:

LOUKAS 3:14

Ki shipai ruh ki la kylli de ïa u, ki da ong, “Ngi pat ngi dei ban leh aïu?” U la ong ruh ha ki, “Wat leh jubor ïano ïano ruh, lymne wat shim klop ei ei; to sngewhun ruh bad la ka bainong.”

LOUKAS 8:14

Uta uba la hap hapdeng ki dieng Shiah te, long kita kiba ju ïohsngew, te katba ki nang pynleit la ki sngi ka rta, la kjap ïa ki da ki jingkhuslai bad ka spah, bad ki jingsngewbha kane ka jingim; te kim sei ki soh ki ba-ih bha.

Ka Shithi U Paul Sha Ki Nong Rom 1:29

ba ki la dap da ka jingbymhok baroh, da ka jingbymman, da ka jingkhwan, da ka jingpynsniew; kiba la dap da ka jingsngewpihuiñ sat, da kaba pynïap, da kaba ïamai, da ka jingshukor, da ka jingrunar,

1 KORINTH 5:11

Hynrei, mynta, nga thoh ha phi ban ym ïalok lem bad uno uno ruh ba khot parabangeit ïa u, lada u long uba klim, lane uba ikwah lalot, lane uba mane blei thala, lane uba krenbeiñ, lane uba buaid, lane uba khwan eh: bad ban ym ïabam lem satia bad uba kum uta.

1 KORINTH 6:10

lymne kiba tuh, lymne kiba ikwah lalot, lymne kiba buaid, lymne kiba krenbeiñ, lymne kiba khwan tam eh, kin ym ïoh keiñ ïa ka hima U Blei.

2 KORINTH 4:9

la behbeiñ ïa ngi, hynrei, ym shym la iehnoh noh ïa ngi; la pynkyllon kram ïa ngi, hynrei, ym shym la pynjot noh ïa ngi;

EPHESOS 5:3

Hynrei, ïa ka jingklim, bad ka jingleh jakhlia baroh, lane ka jingikwah lalot, wat ai wat ban ïalap ïa ki hapdeng jong phi, kumba ka dei keiñ ïa ki riewkhuid;

EPHESOS 5:5

Namar phi tip skhem ïa kane, ba uwei pa uwei uba klim, bad uba leh jakhlia, bad uba ikwah lalot, uba long uba mane bleithaw, um don ka bynta ha ka hima U Khrist bad U Blei.

DEUTERONOMI 31:6

To long kiba khlaiñ bad kiba shlur, wat sngewkyiuh, lymne wat sheptieng ïa ki: namar U Trai uba U Blei jong me, ma u hi u leit ryngkat bad me; un ym iehnoh ïa me, lymne kyntait noh ïa me.”

DEUTERONOMI 31:8

Namar U Trai da lade hi, u leit ha shuwa jong me; un long ryngkat bad me, un ym iehnoh ïa me, lymne kyntait noh ïa me; wat sheptieng te, lymne wat khaw-eit.”

DEUTERONOMI 4:31

naba U Trai uba U Blei jong me, u long U Blei uba isynei keiñ; un ym iehnoh ïa me, lymne pynjot ïa me, lymne klet ïa ka jutang jong ki kpa jong me ïa kaba u la smai ha ki.

KOLOSSAI 3:5

Namar kata, to phin pynïap troiñ ïa ki dkhot jong phi kiba ha ka khyndew; kaba klim, ka jingbymkhuid, ka jingïaid shikar, ka jingkwah basniew, bad ka jingkwah lalot, kaba long ka jingmane bleithaw;

1 TIMOTHI 3:3

u bym shait ïamai, u bymïashoh ïadat; hynrei, uba jemnud, u bymïania, u bymieit sbai;

JOSHUA 1:5

Yn ym don uwei uba lah ban ïeng ha khmat jong me baroh ki sngi ka rta jong me: kumba nga la don ryngkat bad u Moses, kumta ngan don bad me ruh: ngan ym iehnoh ïa me, lymne ngan ym kyntait ïa me.

JOSHUA 7:21

haba nga la ïohi hapdeng ki jinglute, ka barandi Babilon ba-itynnad, bad arspah shekel ka rupa, bad shi lyngkhot ka ksiar kaba sanphew shekel da ka jingthew, ynda kumta, nga la ikwah ïa ki, bad nga la shim ïa ki; ha khmih ruh, la buhrieh ïa ki hapoh khyndew hapdeng ka ïingjaiñ jong nga, bad ka rupa hapoh jong ka.”

2 PETROS 2:14

kiba don ki khmat ba-dap da kaba klim, bad ki bym lah kyndiah na ka pop; ki da ïariam pah ïa ki mynsiem bymneh; kiba don ka dohnud ïa kaba la pynmlien ha ki jingikwah lalot; ki khun ka jingtim;

2 PETROS 2:3

Bad ha ka jingkwah lalot kin ïakhaïi ïa phi da ki ktien bathawnang: ïa kiba kata ka jingpynrem na mynslem kam pyntud, bad kata ka jingpynjot noh jong ki kam samthiah.

JUDAH 1:11

Kordit ïa ki! naba ki la ïaleit ïaid ha kata ka lynti u Kain, bad ki la ïaphet kyrthep ha kata ka jingsakma u Balaam namar ka bainong, bad ha kata ka jingïaleh kiat u Korah ki la jot noh.

1 SAMUEL 10:7

Te ynda kin jia kine ki dak ïa me, to leh katba me shem lad; namar U Blei u don ryngkat bad me.

1 SAMUEL 12:22

Naba U Trai un ym kyntait ïa la ki briew na ka bynta ka kyrteng kaba khraw jong u: namar U Trai u la ibit ban pynlong ïa phi u paidbah ha u hi.