HEBRU 13:11 - KA BAIBL

¹¹ Namar ïa ki met jong kita ki mrad ïa kiba ka snam jong ki u rangbah lyngdoh u la wallam namar ka pop sha kata ka Jaka kyntang, la ju thang shabar ka jaka shong dara.

Khasi CL Bible (BSI)

¹¹ U rangbah lyngdoh jong ki Jiw u wanrah ïa ka snam ki mrad ha ka Jaka Kaba Kyntang Tam ïa ka ban ainguh kum ka jingkñia namar ki pop; hynrei ïa ki met jong ki mrad la thang shabar ka jaka shong dara.

HEBRU 13:11 Mawu Ofanana

EKSODOS 29:14

Hynrei, ïa ka doh uta u masi lyngraw, bad ïa ka snieh jong u de, bad ïa ka eit jong u, men thang ha ka ding shabar ka dara: ka long ka jingkñia namar ka pop.

ESEKIEL 43:21

Men shim ruh ïa u masi dab ka jingkñia namar ka pop, te un thang ïa u ha ka jaka ba la buh na ka ïing, shabar ka jaka kyntang keiñ.

LEBITIKOS 16:27

Hynrei, ïa uta u masi lyngraw ïa ka jingkñia namar ka pop, bad ïa uta u blang ïa ka jingkñia namar ka pop, kiba ïa ka snam jong ki la wallam shapoh ïa ka ban pynlong ka jingpynïasuk ha ka jaka kyntang, yn bah noh ïa ki shabar kata ka jaka shong dara; bad kin thang ha ka ding ïa ki snieh jong ki, bad ïa ka doh jong ki, bad ïa ka eit jong ki ruh de.

LEBITIKOS 6:11

Hadien kata, un law noh ïa la ki jaiñkup jaiñsem, bad un kup da kiwei pat ki jaiñ, bad un rah noh ïa kata ka dpei shabar ka jaka shong dara sha ka jaka bakhuid.

LEBITIKOS 6:30

Hynrei, ïa ka jingkñia namar ka pop, ym dei ban bam da lei lei, kaba ka snam jong ka yn wallam sha Ka Tabernakl ka jingïaseng ïa ka ban pynlong ka jingpynïasuk ha ka jaka bakyntang: ka dei ban thang noh ïa ka ha ka ding.

LEBITIKOS 9:11

Bad ïa ka doh bad ïa ka snieh u la thang ha ding shabar ka jaka shong dara.

LEBITIKOS 9:9

Bad ki khun shynrang u Aaron ki la ïawallam ïa ka snam ha u: bad u la wieh ïa la ka shynriah'ti ha kata ka snam, bad u la thoh ïa ka halor ki reng jong kata ka duwan, bad u la theh ïa ka snam basah ha trai ka duwan:

JINGKHEIÑ 19:3

Te phin aiti ïa ka ha u Eleasar lyngdoh, ba un ïalam ïa ka shabar ka jaka shong dara, te uno uno uwei un pynïap ïa ka ha khmat jong u:

JINGKHEIÑ 19:7

Ynda kumta, u lyngdoh un sait ïa la ki jaiñ, bad un sum ïa la ka met ha ka um, hadien kata, to ai ba un wan ha kata ka jaka shong dara, bad u lyngdoh un long u bymkhuid haduh janmiet.