HEBRU 13:1 - KA BAIBL

¹ To kan ïaineh ka jingïa-ieit parabangeit.

Khasi CL Bible (BSI)

¹ To ïaineh ha kaba ïa-ieit iwei ïa iwei kum ki parabangeit.

HEBRU 13:1 Mawu Ofanana

SALM 133:1

Ha khmih, ka babha bad kaba itynnad katno ba ki para ki ïashong lang ha kaba ïasoh kawei!

ÏOANNIS 15:17

Ïa kine kiei kiei ruh nga la hukum ha phi, ba phin ïa-ieit paralok hi.

KI KAM 2:1

Te ynda la poi ka sngi Pentekost, ki baroh ki la ïadon lang ha kawei ka jaka.

KI KAM 4:32

Te u paidbah jong kita kiba la ngeit, u la long da kawei ka dohnud bad kawei ka mynsiem; bad uwei ruh um ong shuh ba ka long ka jong u hi kaei kaei ruh na kita kiei kiei kiba u don; hynrei, kiei kiei baroh ki long kiba ïadei lang.

GALATIA 5:13

Namar la khot ïa phi, ko parabangeit, sha ka jinglaitluid; tang ba phin ym pyntrei ïa kata ka jinglaitluid jong phi ïa ka ban ai daw ïa ka doh, hynrei, da ka jingïa-ieit phin ïashakri paralok hi.

GALATIA 5:22

Hynrei, u soh jong U Mynsiem u long ka jingieit, ka jingkmen, ka jingsuk, ka jingshahslem, ka jinglehsbun, ka jingbha, ka jingïaineh, ka jingjemnud, ka bor halor lade:

GALATIA 5:6

Namar ha U Khrist Jisu, ka jingotsher kam lah leh ei ei ruh, lymne ka jingbym-otsher, hynrei, ka jingngeit kaba trei da ka jingieit.

EPHESOS 4:3

da kaba ïaleh minot ban bat ïa ka jinglong kawei jong U Mynsiem ha ka jingkhum ka jingsuk.

EPHESOS 5:2

bad to phin ïaid ha ka jingieit, kumba U Khrist ruh u la ieit ïa phi, bad u la aiti noh ïa lade na ka bynta jong ngi, kum ka jingainguh bad ka jingkñia ha U Blei, ïa ka ban long ka jingiw ka baiwbih.

2 THESSALONI 1:3

Ka dei ïa ngi ban ainguh ïa U Blei ha la ka sngi na ka bynta jong phi, ko parabangeit, kumba ka long kaba dei keiñ, naba ka jingngeit jong phi ka nang roi shikatdei, bad ka jingïa-ieit paralok jong phi uwei pa uwei baroh ka roi kyrhai;

HEBRU 10:24

bad to ngin ïapyrkhat ban ïapynkhih paralok ïa ka jingïa-ieit bad ïa ka jingleh babha;

1 PETROS 1:22

Haba phi la pynkhuid ïa ki mynsiem jong phi ha kaba kohnguh ïa ka jingshisha da U Mynsiem, ïa ka ban ïa-ieit parabangeit khlem arsap, to phin da ïa-ieit shitrhem paralok hi naduh ka dohnud:

1 PETROS 2:17

To phin ñiew burom ïa ki briew baroh. To ïa-ieit parabangeit. To tieng burom ïa U Blei. To ñiew burom ïa u syiem.

1 PETROS 3:8

Te ha kaba wai noh, to da long baroh kiba ïamut kajuh, kiba ïashah lem, kiba ïa-ieit kum shipara, kiba jemnud, kiba sngewrit:

1 PETROS 4:8

Hynrei, nyngkong eh ïa kiei kiei baroh phin ïaibat ïa kata ka jingïa-ieit bashitrhem paralok hi; naba ka jingïa-ieit ka tap noh ïa bun byllien ki pop.

2 PETROS 1:7

te ha kata ka jingriewblei, ïa ka jingïa-ieit parabangeit; te ha kata ka jingïa-ieit parabangeit, ïa ka jingieit.

1 ÏOANNIS 3:23

Te kane ka long ka hukum jong u, ba ngin ngeit ha ka kyrteng U Khun jong u, U Jisu Khrist, bad ba ngin ïa-ieit paralok hi, kumba u la ai ïa ka hukum ha ngi.

1 ÏOANNIS 4:20

Lada uno uno ruh u ong, “Nga ieit ïa U Blei”, bad u shun ïa la u parabangeit u long uba lamler; namar uta u bymieit ïa la u parabangeit ïa uba u la ïohi, um lah ban ieit ïa U Blei ïa uba um shym la ïohi.

JINGPYNPAW 2:4

Hynrei, nga don kane kaba pyrshah ïa pha, ba pha la iehnoh noh ïa ka jingieit jong pha ka banyngkong.