HEBRU 12:6 - KA BAIBL

⁶ namar ïa uba U Trai u ieit, U sneng, bad U sympat ïa u khun baroh ïa uba U pdiang.”

Khasi CL Bible (BSI)

⁶ Namar U Trai u sneng ïa baroh kiba u ieit, bad u sympat ïa uno uno ïa uba u pdiang kum la u khun.”

HEBRU 12:6 Mawu Ofanana

2 SAMUEL 7:14

Ma nga ngan dei khun ïa u, u ruh un dei kpa ïa nga: lada un leh palat, ngan sneng sympat ïa u da u dieng sympat briew, bad da ki jingshoh khun bynriew;

SALM 119:71

Ka babha ïa nga ba la pynshitom ïa nga, ba ngan dup nang ïa ki aiñ jong me.

SALM 119:75

Nga tip, A Trai, ba ki bahok ki jingbishar jong me, bad ba ha ka jingïaineh me la pynshitom ïa nga.

SALM 94:12

Suk uta u briew uba me sneng sympat, A Trai, bad uba me hikai na ka hukum jong me;

PROBERB 13:24

Uta u bympyndonkam ïa la u dieng sympat, u shun ïa la u khun: hynrei, uta uba ieit ïa u, u sneng sympat ïa u haba u dang khynnah.

PROBERB 3:11

Ko khun, wat ñiewbeiñ ïa ka jingsneng sympat U Trai; lymne wat sngewsatia ïa ka jingsneng jong u;

PROBERB 3:12

naba ïa uba U Trai u ieit, u sneng; kumba u kpa ruh ïa u khun uba u ieit.

ISAÏAH 27:9

Namar kata, da kane, ïa ka jingbymhok u Jakob yn pynkhuid, bad kane baroh ka long u soh kaba map noh ïa ka pop jong u; haba u pynlong ïa ki maw ka duwan baroh kum ki mawshun ba la shoh lyngkhot lyngkhai, ba kumta ki Asherah bad ki dur sngi kin ym ïeng shuh.

JEREMAÏAH 10:24

A Trai, to sneng ïa nga, hynrei, tang ha ka jingbishar; ym ha ka jingbitar jong me, ïoh men pynlong ei ei ruh em ïa nga.

SNGEWSYNEI 3:39

Namar balei ba u briew u ba-im u khñium, u briew keiñ, namar ka jingpynshitom ki pop jong u?

DEUTERONOMI 8:5

Ka dei ba men pyrkhat ruh ha la ka dohnud, ba kumba u briew u sneng ïa la u khun, kumta keiñ, U Trai uba U Blei jong me u sneng ïa me.

JAKOB 1:12

Suk uta u briew uba ïaishah ïa ka jingtynjuh; naba haba la tynjuh ïa u, un ïoh diang ïa kata ka pansngiat ka jingim, ïa kaba U Trai u la kular ha kita kiba ieit ïa u.

JAKOB 5:11

Ha khmih, ngi ñiew suk ïa kita kiba ïaishah: phi la ïohsngew shaphang ka jingïaishah u Job, bad phi la ïohi ïa kata ka jingpynkut U Trai, ba U Trai u long uba dap da ka jingisynei, bad uba leh isynei thoiñ.

JINGPYNPAW 3:19

Kat ïa kiba nga ieit, nga sneng bad nga sympat; to sngewshitrhem namar kata, bad to kylla-ka-bamut.

RUTH 1:3

Te u Elimelekh, u tnga ka Naomi u la ïap noh: bad u la iehnoh ïa ka, bad ïa kita ki khun jong ka, ar ngut.