HEBRU 12:4 - KA BAIBL

⁴ Phim pat ïaleh pyrshah ha ban da mihsnam, da kaba ïa-pyneh pyrshah bad ka pop:

Khasi CL Bible (BSI)

⁴ Naba ha kata ka jingïaleh jong phi pyrshah ïa ka pop, phim pat ïaleh pyrshah haduh ban da shah pynïap.

HEBRU 12:4 Mawu Ofanana

MATHAÏOS 24:9

“Ynda kumta, kin ai noh ïa phi ha ka shitom, bad kin ïa-pynïap noh ïa phi; bad phin long kiba la shun da ki kynja bynriew baroh na ka bynta ka kyrteng jong nga.

1 KORINTH 10:13

Ka jingtynjuh kam shym la ngat ha phi, hynrei, tang kaba u briew u lah ban shah; hynrei, U Blei u long uba lah ban shaniah, u ban ym shah ba yn tynjuh ïa phi tam ïa kata ïa kaba phi lah, hynrei, ryngkat bad kata ka jingtynjuh un thaw ruh bad ïa ka lad ban lait, khnang ba phi lah ban shah ïa ka.

PHILIPPI 2:8

te haba la shem ïa u ha ka rukom kum u briew, u la leh rit ïa lade, haba u la jia long uba kohnguh wat haduh ka jingïap, ho-oid, ka jingïap ka diengphna keiñ.

HEBRU 12:2

da kaba khmih sha U Jisu U Nongpynlong bad U Nongpynjanai ïa ka jingngeit jong ngi, uba namar kata ka jingkmen ïa kaba la buh ha khmat jong u, u la shah ïa ka diengphna, u da ibeiñ ïa ka jinglehrain, bad u la shong ha ka kti kamon ka khet U Blei.

HEBRU 13:13

Namar kata, to ngin ïaleit mih noh sha u shabar kata ka jaka shong dara, da kaba bah ïa ka jingkrenbeiñ jong u.

JINGPYNPAW 12:11

Hynrei, ki la jop noh ma ki ïa u, namar kata ka snam jong uta u Khun langbrot, bad namar kata ka ktien ka jingphla jong ki; te kim shym la ieit ïa ka jingim jong ki jin haduh ka jingïap.

JINGPYNPAW 17:6

Bad nga la ïohi ïa kata ka briew ba ka buaid da ka snam jong kita ki riewkhuid, bad da ka snam kita ki nongphla ba shahïap jong U Jisu: Te haba nga la ïohi ïa ka, nga la sngewphylla da ka jingsngewphylla bakhraw.

JINGPYNPAW 18:24

Te ha ka la shem ïa ka snam jong ki nongïathuhlypa bad jong ki riewkhuid, bad ka jong kita baroh ïa kiba la pynïap noh ha ka khyndew.”

JINGPYNPAW 2:13

“ ‘Nga ithuh hangno pha shong, wat ha kaba don keiñ ka khet u Soitan: bad pha bat skhem ïa ka kyrteng jong nga, bad pham shym la len noh ïa kata ka jingngeit ha nga, wat shisha ha kita ki sngi ha kiba u Antipas u la long u nongphla uba ïaineh jong nga, ïa uba la pynïap noh hapdeng jong phi, ha kaba u Soitan u shong.