HEBRU 12:2 - KA BAIBL

² da kaba khmih sha U Jisu U Nongpynlong bad U Nongpynjanai ïa ka jingngeit jong ngi, uba namar kata ka jingkmen ïa kaba la buh ha khmat jong u, u la shah ïa ka diengphna, u da ibeiñ ïa ka jinglehrain, bad u la shong ha ka kti kamon ka khet U Blei.

Khasi CL Bible (BSI)

² To ngin ïakhmih shaiñ sha U Jisu, ha uba ka jingngeit jong ngi ka don naduh kaba sdang haduh kaba kut. U bym shym la kynran dien namar ka diengphna! Pynban, namar ka jingkmen kaba la ap ïa u, um shym pyrkhat ei ei ïa ka jingjahburom ban shahïap halor ka diengphna, bad mynta u la shong ha ka liang ka mon jong ka khet U Blei.

HEBRU 12:2 Mawu Ofanana

SALM 110:1

U Trai u la ong ha U Trai jong nga, “To shong ha ka kti kamon jong nga, tad ynda ngan pynlong ïa ki nongshun jong me ka jingïuh kjat ïa me.”

SALM 138:8

U Trai un pyndep ïa kata kaba shaphang jong nga: ka jingisynei jong me, A Trai, ka bymjukut; wat iehnoh noh ïa ki kam la ki jong ki kti.

ISAÏAH 31:1

Kordit ïa kita kiba leit hiar sha Ijipt ban ïoh jingïarap, bad kiba shaniah ha ki kulai; kiba shaniah ruh ha ki kali ïapom, namar ba ki bun, bad ha ki nongshong kulai, namar ba ki khlaiñ eh; hynrei, kim khmih sha uta U Bakhuid ki Israel, lymne wad ïa U Trai.

ISAÏAH 45:22

“To phai khmat sha nga, bad to long ba la pynim ki bakut jong ka pyrthei baroh; namar nga, nga long U Blei, bad ym don uwei pat.

ISAÏAH 53:3

U la long ba la ibeiñ, bad ba la kyntait da ki briew: u briew ki jingsngewsih, bad uba tip ïa ka khuslai: bad kum uba ki briew ki ju buhrieh ïa la ka khmat na u la ibeiñ ïa u, te ngim shym la ñiew ïa u.

ISAÏAH 8:17

Te ngan ap ïa U Trai, uba buhrieh ïa la ka khmat na ka ïing u Jakob, bad ngan khmih lynti ïa u.

MIKAH 7:7

Nga te, ngan khmih ïa U Trai; ngan ap khmih ïa U Blei ka jingpynim jong nga: U Blei jong nga un sngap ïa nga.

SEKHARAÏAH 12:10

“Te ngan theh buk buk halor ka ïing u Dabid, bad halor ki nong Jerusalem, ïa ka mynsiem ka jingaiei bad ka jingkyrpad; bad kin khmih ha nga ïa uba ki la sum; bad kin ïambriew ïa u, kumba uno uno u ïambriew ïa la u khun marwei, bad kin sngewkthang namar jong u, kumba uno uno u sngewkthang namar uba la kha nyngkong jong u.

JINGKHEIÑ 21:9

Te u Moses u la thaw ïa u 'seiñ rnong, bad u la buh ïa u halor u dieng; te lada u bseiñ u la puh ïa uno uno u briew, haba u la khmih ïa uta u 'seiñ rnong, u la ïoh im keiñ.

MATHAÏOS 16:21

Naduh kata, U Jisu u la sdang ban pyni ha ki synran jong u, ba ka dei ïa u ban leit noh sha Jerusalem, ban shah ruh shibun kiei kiei na ki tymmen basan bad na ki rangbah lyngdoh bad na ki nongthoh de, bad ba yn pynïap ruh ïa u, bad ba yn pynmih pat ïa u ha ka balai ka sngi.

MATHAÏOS 20:28

kumba U Khun u briew um shym la wan ba yn shakri ïa u, hynrei, ba u un shakri, bad ba un ai ïa la ka jingim ban long ka jingsiewspah ïa kiba bun.”

MARKOS 14:36

U la ong ruh, “Abba, ko Kpa, kiei kiei baroh ki long kiba lah ha me; to pynphai noh ïa kane ka khuri na nga; pynban, ym ïa kaba nga mon, hynrei, ïa kaba me mon.”

MARKOS 15:28

Kumta, la pyndep ïa kata Ka Jingthoh, kaba ong: “La ñiew ïa u lem bad ki nongpalat.”

MARKOS 16:19

Kumta te ïa U Trai Jisu, hadien ba U la lah kren ha ki, la pdiang soit sha bneng, bad U la shong sha kamon U Blei.

MARKOS 9:12

U te u da ïathuh, u la ong ha ki, “U Elias shisha u wan shuwa, bad u pynbha ïa kiei kiei baroh ruh; bad kumno la thoh shaphang U Khun u briew? ba un shah bun kiei kiei ruh, bad ba yn ñiewbeiñ ïa u.

MARKOS 9:24

Te kumne kumne ruh, haba u kpa uta u khynnah u la ïam jam, u la ong bad ki jingjaw ummat ruh, “Nga ngeit, A Trai; to ïarap ïa ka jingbymngeit jong nga.”

LOUKAS 17:5

Te kita ki apostol ki la ong ha U Trai, “To pynroi ïa ka jingngeit jong ngi!”

LOUKAS 23:11

Hynrei, u Herod bad ki shipai jong u ki la lehbeiñ ïa U, bad ki la pyrthuhbeiñ, bad haba ki la ïa-pynkup ka jaiñ batyngshain ha U, ki la phah noh pat ïa U sha u Pilat.

LOUKAS 24:26

Ym long kaba la dei ïa uba U Khrist ban shah ïa kine kiei kiei ruh, bad ban leit bsut hapoh ka burom jong u?”

ÏOANNIS 1:29

Ha kaba lashai, u Ïoannis u ïohi ïa U Jisu ba U wan ha u, bad u ong, “Ha khmih, U Khun langbrot jong U Blei, uba kit noh ïa ka pop ka jong ka pyrthei!

ÏOANNIS 12:24

Shisha, shisha nga ong ha phi, lymda iwei i symbai Kew i da hap ha ka khyndew, bad ba i ïap, ita i ïaisah marwei; hynrei, lada i ïap, i sei noh bun soh.

ÏOANNIS 12:32

Nga te, ynda la kyntiew ïa nga na ka khyndew, ngan pynwan ïa ki briew baroh ha lade.”

ÏOANNIS 13:3

U Jisu, u da tip ba U Kpa u la aiti noh ïa kiei kiei baroh ha ki kti jong U, bad ba U la mih noh na U Blei, bad ba un sa leit noh sha U Blei,

ÏOANNIS 6:40

Namar kane ka long ka mon U Kpa jong nga, ba u briew baroh uba ïohi ïa U Khun bad uba ngeit ha U, un ïoh ka jingim bymjukut, bad ba ngan pynmih pat ïa u ha ka sngi ka bakhatduh.”

ÏOANNIS 8:56

U Abraham u kpa jong phi u la shadkmen ban ïohi ïa ka sngi jong nga: te u la ïohi bad u la sngewkmen ruh.”

KI KAM 2:36

“To ka ïing Israel baroh kawei, namar kata, kan tip skhem, ba U Blei u la pynlong U Trai bad U Khrist ïa une ujuh U Jisu, ïa uba la sahnarphna ma phi.”

KI KAM 3:15

bad ïa U Syiem ka jingim, phi la pynïap noh; ïa uba U Blei u la pynmih pat na ki baïap; shaphang kata, ngi, ngi long ki nongphla.

KI KAM 5:31

Ïa une, U Blei u la kyntiew sha ka kti kamon jong u, ban long U Syiem bad U Nongpynim, ïa ka ban ai ka jingkylla-ka-bamut ha u Israel, bad ka jingmap ki pop.

KI KAM 5:41

Ki te, ki la ïamih noh na khmat kata ka dorbar, ki da ïakmen namar ba la ñiew ïa ki, kiba bit ban shah jahburom na ka bynta kata ka Kyrteng.

1 KORINTH 1:18

Namar kata ka ktien kaba shaphang ka diengphna ka long shisha ha kita kiba jot noh ka jingibieit; hynrei, ha ngi kiba ïohlait im ka long ka bor U Blei.

1 KORINTH 1:23

hynrei, ngi, ngi ïalap ïa U Khrist ba la sahnarphna, ha ki Jiw te ka jingjynthut, bad ha ki Grik ka jingibieit;

EPHESOS 2:16

bad ba un ïoh pynïasuk ïa ki baroh ar ha kawei ka met ha U Blei da ka diengphna, haba u la lah pynïap ïa ka jingïashun da ka:

EPHESOS 5:2

bad to phin ïaid ha ka jingieit, kumba U Khrist ruh u la ieit ïa phi, bad u la aiti noh ïa lade na ka bynta jong ngi, kum ka jingainguh bad ka jingkñia ha U Blei, ïa ka ban long ka jingiw ka baiwbih.

PHILIPPI 1:6

ba nga da ngeit skhem ïa kane hi, ba uta uba la sdang ha phi ïa ka jingleh babha un pynjanai ïa ka haduh ka sngi U Jisu Khrist:

PHILIPPI 3:20

Namar kata ka jinglong trai-shnong jong ngi ka long ha bneng; nangta ruh ngi ïa-ap khmih lynti ïa U Nongpynim, U Jisu Khrist uba U Trai:

2 TIMOTHI 4:8

Naduh mynta, ïa nga la buh ïa kata ka pansngiat jong ka hok, ïa kaba U Trai, uta U Nongbishar bahok, un ai ha nga ha kata ka sngi: bad ym tang ha nga hi, hynrei, ha kita baroh ruh kiba ieit ïa kata ka jingmihpaw jong u.

HEBRU 1:13

Hynrei, hano na kita ki angel u la ong mynno mynno, “To shong ha ka kti kamon jong nga, tad ynda ngan pynlong ïa ki nongshun ïa me ka jingïuh hapoh ki kjat jong me”?

HEBRU 1:3

uba haba u long ka jingtyngshaiñ ka burom jong u, bad ka dur hi ka jinglong tynrai jong u, bad uba kyrshan ïa kiei kiei baroh da ka ktien ka bor jong u, haba u la lah pynlong ka jingpynkhuid ïa ki pop, u la shong ha ka kti kamon jong U Bakhraw Tam sha jrong;

HEBRU 10:14

Namar da kawei ka jingainguh u la pynjanai ha la ka rta ïa kita ïa kiba la pynkhuid.

HEBRU 10:33

ha kawei, haba la pynlong ïa phi ka jingthadrong da ki jingkrenbeiñ ruh bad da ki jingshah jynjar; bad ha kawei pat, haba phi la jia long ki nongïoh bynta lem bad kita kiba la shah lehbeiñ kumta.

HEBRU 11:36

hynrei, kiwei pat ki la ïoh ka jingtynjuh da ki jingrkhiebeiñ sat bad ki jingsympat, shisha nalor kata, da ki jingkhum bad ka jingset byndi:

HEBRU 12:3

Namar to phin pyrkhat ïa uta uba la shah ïa kaba katne ka jingkren pyrshah ïa lade da ki bapop, ba phin ym man thait da kaba sngewtlot ngai-ly-ngai ha ki mynsiem jong phi.

HEBRU 13:13

Namar kata, to ngin ïaleit mih noh sha u shabar kata ka jaka shong dara, da kaba bah ïa ka jingkrenbeiñ jong u.

HEBRU 5:9

bad haba la pynbit janai ïa u, u la jia long u nongpynlong ka jingpynim bymjukut ïa kita baroh kiba kohnguh ïa u;

HEBRU 7:19

(Namar ka hukum kam shym pynjanai ei ei ruh), bad nalor kata, kaba wallam ïa ka jingkyrmen kaba kham bha, da kaba ngi wan hajan U Blei.

HEBRU 8:1

Te shaphang kine kiei kiei ïa kiba ngi kren, kaba kongsan ka long kane: Ngi don U Rangbah lyngdoh kat uta, uba la shong sha ka kti kamon ka khet U Bakhraw Tam ha ki bneng;

HEBRU 9:28

kumta, U Khrist ruh, haba la kñia ainguh tang shi sien ïa u, ïa ka ban bah noh ïa ki pop jong kiba bun, un mihpaw ha ka ba-ar sien, khlem bah ka pop, ha kita kiba khmih lynti ïa u, ïa ka jingpynim.

JAKOB 2:1

Ko parabangeit jong nga, wat bat da ki jingleh ñiew shiliang khmat ïa ka jingngeit U Jisu Khrist U Trai jong ngi, uba U Trai ka burom.

1 PETROS 1:11

ki da ïit bha ïa kano lane ïa kaba kumno ka por U Mynsiem U Khrist uba ha ki u la ju pyni, haba u ïathuhlypa ïa kita ki jingshah U Khrist, bad ïa kita ki burom kiba bud ïa ki;

1 PETROS 3:18

Naba U Khrist ruh, u la shah shitom shi sien namar ki pop, U Bahok na ka bynta ki bymhok, khnang ba un ïoh ïalam ïa ngi ha U Blei; haba la pynïap ïa u ha ka doh, hynrei, ba la pynlong im ïa u ha U Mynsiem:

1 PETROS 3:22

uba long sha ka kti kamon jong U Blei, haba u la leit sha bneng, haba la pynlong hapoh jong u ïa ki angel, bad ïa kiba don bor, bad ïa ki bor bah.

JUDAH 1:21

to phin ri noh ïa lade ha ka jingieit U Blei da kaba ap khmih hir hir ïa kata ka jingisynei U Jisu Khrist uba U Trai jong ngi sha ka jingim bymjukut.

JINGPYNPAW 1:11

ka da ong, “Nga long ma nga U Alpha bad U Omega, u banyngkong bad u bakhatduh: ïa kaba me ïohi, to thoh ha ka kitab, bad to phah ha kita ki hynñiew balang; sha Ephesos, bad sha Smyrna, bad sha Pergamos, bad sha Thiateira, bad sha Sardis, bad sha Philadelphia, bad sha Laodikaïa.”

JINGPYNPAW 1:17

Bad haba nga la ïohi ïa u, nga la kyllon sbak ha ki kjat jong u kum uba ïap. U te u la buh ïa ka kti kamon jong u ha nga, u da ong, “To wat sheptieng; nga long ma nga u banyngkong bad u bakhatduh, bad uta U Ba-im;

JINGPYNPAW 1:8

“Nga long ma nga U Alpha bad U Omega,” ong U Trai uba U Blei, uta uba long bad uba ju long bad uta u ban sa wan, uta U Badonbor Baroh.

JINGPYNPAW 2:8

“Bad ha uta u angel jong ka balang ha Smyrna to thoh: Ïa kine kiei kiei ruh u ong uta u banyngkong bad u bakhatduh, uba la jia long u baïap, bad u la im pat: