HEBRU 12:16 - KA BAIBL

¹⁶ ïoh ba don uno uno ruh uba klim, lane uba leh beiñ niam, kum u Iso, uba, namar kaba shi sien bam jingbam u la die noh ïa ka jinglong hynmen jong u hi.

Khasi CL Bible (BSI)

¹⁶ Wat ai ba uno uno un long uba im thala lane u bym kynja mynsiem, kum u Iso, uba tang namar shisien ka jingbam u la die noh ïa ki hok jong u kum u hynmen.

HEBRU 12:16 Mawu Ofanana

JENESIS 27:36

U Iso te u la ïathuh, “Kam long kaba dei eh ba la khot kyrteng ïa u, ‘u Jakob’ mo? Naba u la shukor ïa nga mynta la ar sien: ïa ka hok ka jinglong hynmen jong nga u la lah shim noh; bad ha khmih, mynta pat, u la knieh noh ïa ka jingkyrkhu jong nga.” Bad u la ong, “Mem shym la buh kyrpang ïa nga ruh ïa ka jingkyrkhu?”

MARKOS 7:21

naba na shapoh, na ka dohnud ki briew, ki mih noh ki jingmut bymman, kiba klim, kiba ïakai kynthei, kiba pynïap,

KI KAM 15:20

hynrei, ba ngin thoh sha ki, ba kin kyndiah noh na ki jingbit-tngit ki bleithaw, bad na kaba klim, bad na kaba la khyrwait, bad na ka snam de;

KI KAM 15:29

ba phin kyndiah noh na kiei kiei ba la kñia ïa ki bleithaw, bad na ka snam, bad na kiei kiei kiba la khyrwait, bad na kiba klim. Na kine, lada phi sumar kyndong ïa lade, phin man bha keiñ. Khublei.”

1 KORINTH 10:8

Lymne wat ai ba ngin ïaleh nuti kumba kiba na kita ki la leh nuti, bad ki la kyllon ïap te ha kawei ka sngi arphew lai hajar ngut.

2 KORINTH 12:21

ïoh haba nga wan pat, U Blei jong nga un pynsngewbuhkhoh ïa nga hapdeng jong phi, bad ba ngan leh sngewsih namar shibun na kita kiba la leh pop baroh shi katta, bad ki bym shym la kylla-ka-bamut shaphang kata ka jingbymkhuid, bad kaba klim awria, bad kaba nuti jakhlia ïa kiba ki la leh.

EPHESOS 5:3

Hynrei, ïa ka jingklim, bad ka jingleh jakhlia baroh, lane ka jingikwah lalot, wat ai wat ban ïalap ïa ki hapdeng jong phi, kumba ka dei keiñ ïa ki riewkhuid;

EPHESOS 5:5

Namar phi tip skhem ïa kane, ba uwei pa uwei uba klim, bad uba leh jakhlia, bad uba ikwah lalot, uba long uba mane bleithaw, um don ka bynta ha ka hima U Khrist bad U Blei.

KOLOSSAI 3:5

Namar kata, to phin pynïap troiñ ïa ki dkhot jong phi kiba ha ka khyndew; kaba klim, ka jingbymkhuid, ka jingïaid shikar, ka jingkwah basniew, bad ka jingkwah lalot, kaba long ka jingmane bleithaw;

1 TIMOTHI 1:9

haba da tip ïa kane, ba ïa ka hukum ym shym buh ïa u bahok, hynrei, ïa kiba beiñ hukum bad ki bymkohnguh, ïa ki bymriewblei bad ki bapop, ïa ki bymkhuid bad ïa kiba leh sang, ïa ki nongshoh kpa bad ïa ki nongshoh kmie, ïa ki nongpynïap briew,

HEBRU 13:4

To ka jingshongkurim kan long kaba donburom hapdeng baroh, bad ka jingthiah ka bym da bit-tngit: naba ïa kiba awria bad ïa kiba klim U Blei un bishar.

JINGPYNPAW 21:8

Hynrei, ïa kita kiba sheptieng, bad ïa ki bymngeit, bad ïa kiba ijli, bad ïa kiba pynïap bad ïa kiba kyr-eit, bad ïa kiba ai ksuid, bad ïa kiba mane bleithaw, bad ïa kita baroh kiba lamler, ka bynta jong ki kan long ha kata ka pung ïa kaba thang da ka ding bad da u kyndok; kaba long kata ka jingïap ka ba-ar.”

JINGPYNPAW 22:15

Shabar ki long kita ki ksew, bad kita kiba ai ksuid, bad kita kiba kyr-eit bad kita kiba pynïap, bad kita kiba mane bleithaw, bad baroh kat kiba ieit bad bathaw ïa ka lamler.