HEBRU 12:11 - KA BAIBL

¹¹ Te ka jingsneng sympat baroh kam imat mynta ba ka long kaba kmen, hynrei, kaba sngewsih: pynban, hadien, ka pynmih ïa u soh basuk ha kita kiba la trei ma ka, u soh ka hok keiñ.

Khasi CL Bible (BSI)

¹¹ Haba la sneng sympat ïa ngi, ngi ju pyrkhat ha kata ka por ïa kaei kaei kaba pynsngewsih ïa ngi, bad ym kaba pynkmen ïa ngi. Pynban hadien, kito kiba shah pynbeit da kita ki rukom sneng sympat ki ïoh ot ïa ka bainong kaba ai jingsuk jong ka jingim bahok.

HEBRU 12:11 Mawu Ofanana

JENESIS 21:11

Te kane ka ktien ka la pynsngewsih shikatdei eh ïa u Abraham na ka bynta u khun jong u.

SALM 118:18

U Trai u la pynshitom sat ïa nga: hynrei, um shym la aiti noh ïa nga ïa ka ban ïap.

SALM 119:165

Ka jingsuk kaba khraw ki don kita kiba ieit ïa ka aiñ jong me; bad kim don ei ei ka daw ka jingjynthut.

SALM 89:32

te ngan pynwan halor ki jingpalat jong ki da u dieng sympat, bad halor ki jingleh bymman jong ki da ki jingsympat.

PROBERB 15:10

Ka jingsneng kaba shitom ka ap ïa uta uba iehnoh noh ïa ka lynti: bad uta uba isih ïa ka jingsneng un ïap.

PROBERB 19:18

To sneng ïa la u khun, haba don ka jingkyrmen; bad wat thew la ka dohnud ban pynïap ïa u.

ISAÏAH 19:22

Te U Trai un shoh ïa ka Ijipt, un shoh bad pynkhiah; kin wan phai ruh sha U Trai, te kin kyrpad ïa u, bad un pynkhiah ïa ki.

ISAÏAH 32:17

Te ka kam ka hok kan long ka jingsuk; bad ka jingmih na ka hok ka jingjai jai bad ka jingshaniah junom.

Ka Shithi U Paul Sha Ki Nong Rom 14:17

namar ka hima ka jong U Blei kam long keiñ kaba bam bad kaba dih; hynrei, ka hok, bad ka jingïasuk, bad ka jingkmen ha U Mynsiem Bakhuid.

2 KORINTH 4:17

Namar ka jingjynjar basting jong ngi kaba tang shibit, ka nang pynlong na ka bynta jong ngi ka jingkhia ka burom kaba palat eh bad ka bymjukut,

2 TIMOTHI 4:8

Naduh mynta, ïa nga la buh ïa kata ka pansngiat jong ka hok, ïa kaba U Trai, uta U Nongbishar bahok, un ai ha nga ha kata ka sngi: bad ym tang ha nga hi, hynrei, ha kita baroh ruh kiba ieit ïa kata ka jingmihpaw jong u.

HEBRU 12:10

Namar, ki, shisha, tang khyndiat ki sngi, ki la sneng sympat ïa ngi katba ki ibit ma ki; hynrei, ma u, khnang ïa ka ban pynmyntoi ïa ngi, ba ngin ïoh bynta na ka jingkhuid jong u.

HEBRU 5:14

Hynrei, ka jingbam kaba eh ka long ïa ki rangbah, kiba namar ka jingmlien, ki don la ki jingsngewthuh ba la pynmlien ban bishar ïa ka babha ruh bad ïa ka basniew.

1 PETROS 1:6

Ha kaba phi ïasngewkmen eh, la mynta khyndiat por, lada donkam, la pynsngewsih ïa phi ruh ha kiba bun jaid ki jingtynjuh;

2 PETROS 2:14

kiba don ki khmat ba-dap da kaba klim, bad ki bym lah kyndiah na ka pop; ki da ïariam pah ïa ki mynsiem bymneh; kiba don ka dohnud ïa kaba la pynmlien ha ki jingikwah lalot; ki khun ka jingtim;