HEBRU 12:1 - KA BAIBL

¹ Naba kumta, ma ngi ruh, haba la ker tawiar ïa ngi da u lyoh ki sakhi katne katne, to ngin bred noh ïa ka jingpynwit baroh, bad ïa kata ka pop kaba shait snoh ha ngi, bad to ngin ïaphet da ka jingïaishah ïa ka jingïaphet thong ïa kaba la buh ha khmat jong ngi;

Khasi CL Bible (BSI)

¹ Na ka bynta jong ngi, ngi don katne u paid sakhi babun byllien sawdong jong ngi. Kumta te, to ngin ïabret noh na lade ïa kiei kiei baroh kiba wan pynwit ha lynti, bad ïa kata ka pop kaba shait snoh skhem ha ngi, bad to ngin ïaphet da ka jingkut jingmut ïa ka jingïaphet thong kaba don ha khmat jong ngi.

HEBRU 12:1 Mawu Ofanana

Ka Kitab U Job 8:10

Kita kin ym hikai ïa me, bad ïathuh ha me, bad kren ïa ki ktien na ka dohnud jong ki?

SALM 18:23

Nga la long janai ruh bad u, bad nga la sumar ïa lade na la ka jingbymman.

ISAÏAH 60:8

Kiei kine kiba her kum u lyoh, bad kum ki paro sha ki jingkhang ïit jong ki?

ESEKIEL 38:16

bad men wan kiew ban ïaleh ïa ki briew jong nga ki Israel, kum u lyoh ïa ka ban tap lup ïa ka ri; kan jia te ha ki sngi ki bakhatduh, ba ngan wallam ïa me ban ïaleh ïa ka ri jong nga, khnang ba ki jaid bynriew kin ithuh ïa me, haba yn pynkyntang ïa nga ha me, ko Gog, ha khmat jong ki.”

ESEKIEL 38:9

Te men kiew, bad men wan kum ka 'erïong, men long kum u lyoh ïa ka ban tap ïa ka ri, ma me, bad ki kynhun jong me, bad kiba bun ki kynja bynriew ryngkat bad me.’ ”

MATHAÏOS 10:22

Te phin long ïa kiba la shun da ki briew baroh na ka bynta ka kyrteng jong nga: hynrei, uta uba da ïaineh ha ban da kut, uta keiñ u ban lait im.

MATHAÏOS 24:13

Hynrei, jar uba da ïaineh haduh ka bakut, uta keiñ u ban ïohlait im.

MARKOS 10:50

U ruh u da buh noh bak ïa la ka jaiñkup, haba u la ïeng joit, u la wan ha U Jisu.

LOUKAS 12:15

U la ong ruh ha ki, “To sumar, to kiar ruh na ka jingkwah lalot baroh: namar ka jingim u briew kam shong satia ha ka jingdap kyrhai jong kiei kiei kiba u don.”

LOUKAS 16:28

naba nga don san ngut ki para; ba un ïoh maham ïa ki, ba ïoh ki ruh kin wan sha kane ka jaka ka jingkordit.’

LOUKAS 21:34

“Namar kata, to sumar ïa lade, ïoh kumno kumno ba ki dohnud jong phi kin sngewkhia da kaba bam lalot, bad da kaba buaid, bad da ki jingkhuslai pyrthei, bad ba kata ka sngi kan lap kyndit ïa phi kum ka jingriam:

ÏOANNIS 3:32

te ïa kaba u la ïohi bad ba u la ïohsngew, ïa kata u phla: hynrei, ym don ba pdiang ïa ka jingphla jong u.

ÏOANNIS 4:39

Te shibun na ki nong Samaria na kata ka shnong ki la ngeit ha u, namar ka jingong jong kata ka briew, kaba la ong skhem, “U la ïathuh ha nga ïa kiei kiei baroh kat kiba nga la leh.”

ÏOANNIS 4:44

Namar U Jisu u la phla hi, ba u nongïathuhlypa um ïoh ïa ka burom ha ka ri jong u hi.

Ka Shithi U Paul Sha Ki Nong Rom 12:12

kiba kmen ha ka jingkyrmen; kiba ïaishah ha ka jingjynjar; kiba ïaineh minot ha ka jingduwai;

Ka Shithi U Paul Sha Ki Nong Rom 2:7

ha kita keiñ, kiba da ka jingïaineh minot ha kaba leh babha, ki wad sliang ïa ka jinglong burom bad ïa ka burom bad ïa ka jingbymïap, un ai ka jingim bymjukut:

2 KORINTH 7:1

Namar kata, haba ngi don kine ki jingkular, ko ki hep, to ngin ïapynkhuid noh ïa lade na ka jingbit-tngit ka doh bad ka mynsiem baroh, da kaba pynjanai ïa ka jingkhuid ha ka jingsheptieng ïa U Blei.

GALATIA 2:2

Te nga la leit kiew da ka jingpynpaw; bad nga la buh ha khmat jong ki, ïa kata ka gospel kaba nga ïalap hapdeng ki Jentil, hynrei, kyrpang ha khmat kita kiba donnam, ïoh ba kumno re kumno nga phet, ne ba nga la lah phet lehnohei.

GALATIA 5:7

Phi la ju phet bha; uei ba la pynpep ïa phi ba phin ym kohnguh ïa ka jingshisha?

EPHESOS 4:25

Naba kumta, da kaba buh noh ïa ka jinglamler, to kren ïa kaba shisha uwei pa uwei bad la u paramarjan; naba ngi ïalong ki dkhot jong ki paralok.

PHILIPPI 1:30

haba phi don kajuh ka jingïaleh ïa kaba phi la ïohi ha nga, bad mynta phi ïohsngew ba ka long ha nga.

PHILIPPI 2:16

da kaba bat tyrwa ïa ka ktien ka jingim; ba ngan ïoh lehburom ha ka sngi U Khrist, ba ngam shym la phet lehnohei, lymne trei lehnohei.

2 TIMOTHI 2:4

Ym don uba pynsuh sat ïa lade da kiei kiei ki jong kane ka jingim haba u leit ïaleh thma; khnang ba un ïoh pynsngewbha ïa uta uba la thung shipai ïa u.

2 TIMOTHI 4:7

Nga la ïaleh ïa kata ka jingïaleh babha, nga la pyndep ïa la ka jingphet, nga la ri ïa ka jingngeit.

HEBRU 6:15

Te kumta, haba u la ïaishah slem, u la ïoh ïa kata ka jingkular.

JAKOB 1:3

haba phi tip ba kata kaba phrang ïa ka jingngeit jong phi, ka pynlong ïa ka jingïaishah.

1 PETROS 2:1

Namar kata, haba la iehnoh ïa ka jingpynsniew baroh, bad ka jingshukor baroh, bad ki jingleh arsap, bad ki jingbishni, bad ki jingïakren sniew baroh,

1 PETROS 4:2

khnang ba ha kiba dang sah na ki sngi ka rta jong phi ha ka doh, phin ym im shuh ha ki jingkwah brai ki briew, hynrei, ha ka mon U Blei.

1 PETROS 5:1

Ïa ki tymmen basan kiba hapdeng jong phi, namar kata, nga kyntu, uba u para tymmen basan keiñ, bad u sakhi ïa kita ki jingshahshitom U Khrist, bad u nongïoh bynta ruh na kata ka burom ïa ka ban sa pynpaw,

1 PETROS 5:12

Da u Silbanos, uba u parabangeit baïaineh kumba nga ñiew ïa u, nga la thoh lyngkot ha phi, da kaba sneng bad da kaba phla ruh ba kane ka long kata ka jingaiei bashisha ka jong U Blei: ha kata te, to phin ïeng skhem.

2 PETROS 1:6

te ha kata ka jingtip, ïa ka bor halor lade; te ha kata ka bor halor lade, ïa ka jingïaishah; te ha kata ka jingïaishah, ïa ka jingriewblei;

JINGPYNPAW 1:9

Ma nga u Ïoannis, uba u parabangeit jong phi, bad u nongïaïoh bynta lem ha ka jingjynjar, bad ha ka hima bad ka jingïaishah U Jisu Khrist, nga la don ha kata ka 'dewlynnong ïa kaba la khot “Patmos”, na ka bynta ka ktien U Blei bad na ka bynta ka jingphla ïa U Jisu Khrist.

JINGPYNPAW 13:10

“Lada uno uno ruh u ïalam mraw, u leit noh hi keiñ sha ka jinglongmraw: lada uno uno ruh u pynïap noh da ka waitlam, ka dei ban pynïap noh ïa u da ka waitlam. “Hangne don ka jingïaishah bad ka jingngeit jong kita ki riewkhuid.”

JINGPYNPAW 22:16

“Ma nga, U Jisu, nga la phah ïa u angel jong nga ban phla ha phi ïa kine kiei kiei ruh na ka bynta kita ki balang: Nga long ma nga U Thied bad U Khun u ksiew u Dabid, bad uta U Khlur-step batyngshaiñ.”

JINGPYNPAW 3:10

Naba pha la ri skhem ïa ka ktien ka jingïaishah jong nga, te nga ruh ngan ri kyndong ïa pha na kata ka por jong ka jingtynjuh, ka ban sa jia long ha ka pyrthei baroh kawei, ban tynjuh keiñ, ïa kita kiba shong ha ka khyndew.