HEBRU 11:8 - KA BAIBL

⁸ Da ka jingngeit, u Abraham haba la khot ïa u, u la kohnguh ban leit noh sha kata ka jaka ïa kaba un sa pdiang ïa ka ban long ka bynta; te u la leit noh, um da tip shaei u leit.

Khasi CL Bible (BSI)

⁸ Dei ka jingngeit kaba pynlong ïa u Abraham ban kohnguh haba U Blei u la khot ïa u ban leit sha ka ri kaba U Blei u la kular ban ai ha u. U la mihnoh na la ka ri khlem tip shano ba un leit.

HEBRU 11:8 Mawu Ofanana

JENESIS 11:31

Bad u Terah u la shim ïa u Abram u khun jong u, bad ïa u Lot u khun u Haran, u ksiew jong u, bad ïa ka Sarai ka pyrsa kurim jong u, ka tnga u Abram u khun jong u; bad ki la ïaleit mih noh lang na ka shnong Ur, kaba ha ka ri ki Khaldi, ïa ka ban leit sha ka ri Kanaan; bad ki la ïawan poi sha Haran, bad ki la ïashong sah hangta.

JENESIS 12:5

Bad u Abram u la shim ïa ka Sarai ka tnga jong u, bad ïa u Lot u khun u para jong u, bad ïa ka spah baroh jong ki katba ki la lah ïoh kynshew, bad ïa ki mynsiem ba ki la lah ïaïoh ha Haran; bad ki la ïamih noh ruh ïa ka ban leit sha ka ri Kanaan; bad ki la ïapoi sha ka ri Kanaan.

JENESIS 12:7

Bad U Trai u la mihpaw ha u Abram, u da ong, “Ha u symbai jong me ngan ai ïa kane ka ri”: bad hangta u la tei ïa ka duwan ha U Trai uba la lah mihpaw ha u.

JENESIS 15:5

Te u la ïalam shabar ïa u, bad u la ong, “To khmied mynta sha bneng, bad to ñiew ïa ki khlur, lada me lah ban ñiew ïa ki:” te u la ong ruh ha u, “kumta keiñ yn long u symbai jong me.”

JENESIS 17:8

Bad ngan ai ha me, bad ha u symbai jong me hadien jong me, ïa ka ri ha kaba me shong nongwei, ïa ka ri Kanaan baroh kawei keiñ, ïa ka ban long ka bynta trai ba-neh junom; bad ngan long U Blei jong ki.”

JENESIS 20:13

Ka la jia ruh, mynba U Blei u la pynïaid wir ïa nga na ïing u kpa jong nga, ba nga la ong ha ka, ‘Kane ka jingleh ieit jong pha ïa kaba phan leh ïa nga; ha ka jaka baroh katba kan jia ha ngi ban poi, to ong shaphang jong nga, u long u hynmen jong nga.’ ”

JENESIS 22:18

bad ha u symbai jong me ki jaid bynriew baroh ka pyrthei kin ïa-pynkyrkhu ïa lade; naba me la kohnguh ïa ka ktien jong nga.”

JENESIS 26:3

To shong nongwei katto katne ha kane ka ri, bad nga te ngan long lem bad me, bad ngan kyrkhu ïa me; namar ha me, bad ha u symbai jong me, ngan ai ïa kine ki ri baroh, bad ngan pyndep skhem ïa la ka jingsmai ïa kaba nga la smai ha u Abraham u kpa jong me.

ISAÏAH 41:2

Uei ba la pynmih ïa uwei na mihngi, ïa uba u la khot ha ka hok kat sha kaba u ïaid? U aiti noh ïa ki jaid bynriew ha khmat jong u, bad u pynlong ïa u ban synshar halor ki syiem; u aiti ïa ki kum u pum pum ïa ka waitlam jong u, kum ka skum ïa kaba la kynting ïa ka ryntieh jong u.

ISAÏAH 51:2

To khmih ha u Abraham u kpa jong phi, bad ha ka Sara kaba la kha ïa phi: namar haba u dang marwei nga la khot ïa u, bad nga la kyrkhu ïa u, bad nga la pynman bun ïa u.

ESEKIEL 36:24

‘Namar ngan shim ïa phi napdeng ki jaid bynriew, bad ngan ïalum ïa phi na ki ri baroh, bad ngan wallam ïa phi ha ka ri jong phi hi.

JINGKHEIÑ 10:30

U te u la ong ha u, “Ngan ym leit; hynrei, ngan leit ha la ka jong ka ri, bad ha la ki kur.”

MATHAÏOS 2:21

Kumta, haba u la ïeng, u la shim ïa uta u khunlung bad ïa ka kmie jong u, bad u la wan noh sha ka ri Israel.

Ka Shithi U Paul Sha Ki Nong Rom 1:5

da uba ngi la ïa-pdiang ïa ka jingaiei bad ïa ka kam apostol, khnang ïa ka jingkohnguh ka jingngeit hapdeng ki kynja bynriew baroh, na ka bynta ka kyrteng jong u;

Ka Shithi U Paul Sha Ki Nong Rom 10:16

Hynrei, baroh kim shym la kohnguh ïa kata ka gospel. Namar u Isaïah u kylli: “Ko Trai, uei ba la ngeit ïa ka jingpynbna jong ngi?”

Ka Shithi U Paul Sha Ki Nong Rom 6:17

Hynrei, to long ka jingnguh ha U Blei, ba, la phi la ju long ki mraw ki jong ka pop, hynrei, phi la jia long kiba kohnguh naduh ka dohnud ïa kata ka dur ka jinghikai ha kaba la aiti ïa phi.

2 KORINTH 10:5

da kaba pynkyllon noh keiñ ïa ki jingmut thala, bad ïa ka jingleh khraw baroh kaba kyntiew ïa lade ïa ka ban ïaleh ïa kata ka jingtip shaphang U Blei, bad da kaba pyndem ïa ka jingpyrkhat baroh ha ka jingkohnguh ïa U Khrist,

DEUTERONOMI 9:5

Ym namar ka hok jong me, lane namar ka jinglong beit ka dohnud jong me, ba me leit ban ïoh ïa ka ri jong ki: hynrei, namar ka jingsniew keiñ jong kine ki jaid bynriew, U Trai uba U Blei jong me u beh noh ïa ki na khmat jong me, bad khnang ba un ïoh pyndep ïa kata ka ktien ïa kaba U Trai u la smai ha ki kpa jong me, ha u Abraham, u Isaak, bad u Jakob.

HEBRU 11:33

kiba, da ka jingngeit, ki la jop noh ïa ki hima, ki la leh ïa ka hok, ki la ïoh ïa ki jingkular, ki la set ïa ka shyntur ki sing,

HEBRU 5:9

bad haba la pynbit janai ïa u, u la jia long u nongpynlong ka jingpynim bymjukut ïa kita baroh kiba kohnguh ïa u;

JOSHUA 24:3

Bad nga la shim ïa u Abraham u kpa jong phi na sha shiliang kata ka Wah, bad nga la ïalam ïa u lyngba ïa ka ri Kanaan baroh, bad nga la pynroi ïa u symbai jong u, bad nga la ai ïa u Isaak ha u.

1 PETROS 1:22

Haba phi la pynkhuid ïa ki mynsiem jong phi ha kaba kohnguh ïa ka jingshisha da U Mynsiem, ïa ka ban ïa-ieit parabangeit khlem arsap, to phin da ïa-ieit shitrhem paralok hi naduh ka dohnud:

1 PETROS 3:1

Kumjuh, ko phi ki kynthei, to da pynkohnguh ïa lade ha ki tnga la ki jong hi; ba lada kino kino ruh ki bymkohnguh ïa ka ktien U Blei, yn da ïoh pynngeit ïa ki ruh khlem kata ka ktien da kata ka jinglong jingim jong kita ki kynthei;

1 PETROS 4:17

Naba kata ka Ïa ka la jia ïa ka ban sdang ka jingbishar ha ka ïing ka jong U Blei; hynrei, lada ka sdang nyngkong ha ngi, kaei kan long ka bakut jong kita ki bymkohnguh ïa ka gospel U Blei?