HEBRU 11:7 - KA BAIBL

⁷ Da ka jingngeit, u Noah haba la maham ïa u da U Blei shaphang kita kiei kiei ïa ki bym pat shym la ïohi, haba la pynkhih ïa u da ka jingtieng riewblei, u la thaw ka ïinglieng ban pynim ïa ka ïing jong u; da kaba u la pynrem ïa ka pyrthei, bad u la jia long u nongïoh pateng ïa kata ka hok kaba katba kum ka jingngeit.

Khasi CL Bible (BSI)

⁷ Dei ka jingngeit kaba la pynlong ïa u Noah ban shahshkor ïa ki jingmaham U Blei shaphang kiei kiei ki ban sa jia ïa kiba um shym lah ban ïohi. U la kohnguh ïa U Blei bad u la thaw ïa ka ïinglieng ha kaba ma u bad ka longïing jong u ki la ïohlait im. Da kane, la pynrem ïa ka pyrthei, bad u Noah u la ïohpdiang na U Blei ïa ka hok kaba wan da ka jingngeit.

HEBRU 11:7 Mawu Ofanana

JENESIS 19:14

U Lot, namar kata, u la leit shabar, bad u la kren ha la ki pyrsa kurim, kiba la shongkurim bad ki khun kynthei jong u, bad u la ong, “To phin khie joit, to da wan noh na kane ka jaka; naba U Trai un sa pynduh noh thiaw ïa kane ka nongbah.” Hynrei, ha khmat la ki pyrsa kurim u la imat long kum uba kren biria.

JENESIS 6:13

Bad U Blei u la ong ha u Noah, “Ka bakut ka doh baroh ka la wan ha khmat jong nga; naba da ki keiñ la pyndap ïa ka pyrthei da ka jingleh-jubor; bad ha khmih ruh, ngan pynjot noh ïa ki lem bad ka khyndew.

JENESIS 6:22

Te u Noah u la leh kumta; katba kum baroh ba U Blei u la hukum ïa u, kumta keiñ u la leh.

JENESIS 6:9

Kine ki long ki jinghiar pateng jong u Noah: u Noah u la long u briew u bahok, uba beit ha ki pateng bynriew jong u, u Noah u la ïaid ryngkat bad U Blei.

JENESIS 7:23

Kumta, la pynduh noh ïa kiei kiei baroh ki kynja kiba im halor ka khmat ka khyndew, naduh u briew haduh ki jingri, bad ïa kiei kiei ki kynja bapar, bad ïa ki sim ki bneng; kumta keiñ, la pynduh noh ïa ki na khmat ka khyndew: bad la sah im sa tang u Noah, bad kita kiba la don lem bad u ha kata ka ïinglieng.

JENESIS 7:5

Te u Noah u la leh baroh kat kumba U Trai u la hukum ïa u.

JENESIS 8:16

“To mih noh na ka ïinglieng: ma me bad ka tnga jong me, bad ki khun shynrang jong me, bad ki tnga ki khun shynrang jong me lem bad me.

2 SYIEM 4:5

Kumta, ka la leit noh na u, bad ka la khang hadien jong ka bad ki khun jong ka; ki la wallam ïa ki khiew ha ka, bad ka la phylliew.

Ka Kitab U Job 35:8

Ka jingbymman jong me ka lah ban pynsniew ïa u briew kum me, bad ka hok jong me ka lah ban pynmyntoi ïa u khun u briew.

PROBERB 22:3

U briew u basian u ïohi ïa ka basniew, bad u buhrieh ïa lade: hynrei, u bymsian u shu nang ïaid, bad u shah shitom namar kata.

PROBERB 27:12

U briew u basian u ïohi ïa ka jingsniew, bad u buhrieh ïa lade: hynrei, u bymsian u shu nang ïaid, bad u shah shitom namar kata.

ESEKIEL 14:14

la kine lai ngut ki briew, u Noah, u Daniel, bad u Job, ki la don ha ka, ki kin da pyllait tang ïa la ki jong ki mynsiem da la ka hok,” ong U Trai U Blei.

ESEKIEL 14:20

la u Noah, u Daniel, bad u Job, ki la don ha ka, katba nga im,” ong U Trai U Blei, “ki kin ym pyllait ïa u khun shynrang lymne ïa ka khun kynthei; hynrei, kin pyllait tang ïa la ki jong ki mynsiem da la ka hok.”

ESEKIEL 33:5

U la ïohsngew ïa ka jingsawa ka turoi, hynrei, um sngap ïa ka maham; ka snam jong u kan long halor jong u hi: hynrei, lada u la sngap ïa ka maham, u la pyllait ïa la ka mynsiem.

MATHAÏOS 2:12

Te haba la maham lypa ïa ki na U Blei ha ka jingphohsniew ba kin ym leit phai pat sha u Herod, ki la ïaleit noh sha la ka ri na kawei pat ka lynti.

MATHAÏOS 24:15

“Namar kata, ynda phin ïohi ïa kata ka jingijli bapynduh, ba la ong shaphang jong ka da u Daniel u nongïathuhlypa, ba ka da ïeng ha ka jaka bakhuid,” (Jar uba pule un da sngap),

MATHAÏOS 24:25

Ha khmih, nga la ïathuhlypa ha phi.

MATHAÏOS 24:38

Naba kumba ka la long ha kita ki sngi kiba mynshuwa kata ka jingshlei ba ki ïabam ki ïadih, ba ki ïashongkurim ki ïa-pynshongkurim, tad ynda kata ka sngi ba u Noah u la leit hapoh kata ka ïinglieng;

MATHAÏOS 3:7

Hynrei, haba u la ïohi ba bun na ki Pharisi bad ki Saddusi ki ïawan sha ka jingbaptis jong u, u la ong ha ki, “A phi ki khun ki ksiew ki bseiñ, uei ba la maham ïa phi ban phet ïap noh na kata ka jingbitar ka ban sa lap?

LOUKAS 17:26

Te kumba ka la long ha ki sngi u Noah, kumta ruh kan long ha ki sngi U Khun u briew.

Ka Shithi U Paul Sha Ki Nong Rom 1:17

Namar ha ka, la pynpaw ïa ka hok U Blei da ka jingngeit sha ka jingngeit: kat kumba la thoh, “Hynrei, uta u bahok da ka jingngeit un ïoh im.”

Ka Shithi U Paul Sha Ki Nong Rom 10:6

Hynrei, kata ka hok kaba na ka jingngeit ka ong kumne: “Wat ong ha la ka dohnud, ‘Uei u ban leit kiew noh sha bneng?’ ” (kata ka long, ban ïalam noh arsut ïa U Khrist),

Ka Shithi U Paul Sha Ki Nong Rom 3:22

kata ka long ka hok U Blei kaba da ka jingngeit ha U Jisu Khrist, ïa kita baroh bad ha kita baroh kat kiba ngeit; namar ym don shuh ka jingïapher;

Ka Shithi U Paul Sha Ki Nong Rom 4:11

Bad u la ïoh pdiang ïa ka dak ka jingotsher, ban long ka synjat jong kata ka hok ka jong kata ka jingngeit kaba u la don keiñ ha ka bym-otsher; khnang ba un long ma u, u kpa kita baroh kiba ngeit, la ki long ha ka bym-otsher; khnang ba yn ñiew ïa kata ka hok ha ki ruh;

Ka Shithi U Paul Sha Ki Nong Rom 4:13

Namar ym da ka hukum la jia kata ka jingkular ha u Abraham, ne ha u symbai jong u, ba un ïoh long ma u, u trai ka pyrthei; hynrei, da ka hok ka jingngeit.

Ka Shithi U Paul Sha Ki Nong Rom 9:30

Aïu pat ngin ïa-ong? Ba ki Jentil ki bym ju la beh ïa ka hok, ki la ïoh kot sha ka hok, wat ïa kata ka hok keiñ kaba na ka jingngeit.

GALATIA 5:5

Namar ngi, da U Mynsiem, ngi ïai-ap da ka jingngeit ïa kata ka jingkyrmen ïa ka hok.

PHILIPPI 3:9

bad ba yn shem ïa nga ha u, u bymdon ka hok ka jong nga hi, kata keiñ kaba na ka hukum, hynrei, kata kaba da ka jingngeit ha U Khrist, ka hok kaba na U Blei da ka jingngeit:

HEBRU 11:1

Te ka jingngeit ka long kata ka jingsngewskhem ïa kita kiei kiei ïa kiba ngi kyrmen, kata ka jingtynjuh ïa kita kiei kiei ki bymïohi.

HEBRU 12:25

To sumar ba phin ym kyntait noh ïa uta uba kren. Namar lada kita kim shym lait, haba ki la kyntait ïa uta uba la maham ïa ki ha ka khyndew, sa katno tam te ma ngi kiba phai noh na uta uba maham na bneng:

HEBRU 5:7

Uba ha ki sngi ka doh jong u, haba u la ainguh ïa ki jingduwai bad ki jingkyrpad, lem bad ka jingkyang kaba khraw bad ki ummat, ha uta uba lah ban pyllait ïa u na ka jingïap, bad haba la ïohsngew ïa u namar ka jingtieng riewblei jong u,

HEBRU 8:5

kiba shakri niam ïa ka dur bad ka syrngiew kita kiei kiei bakynja bneng, kumba la maham ïa u Moses da U Blei, haba un sa thaw ïa kata Ka Tabernakl: namar, “To sumar”, U ong, “ba men thaw ïa kiei kiei baroh katba kum kata ka nuksa ïa kaba la pyni ha me ha uta u lum.”

1 PETROS 3:20

ki bym shym la kohnguh mynhyndai, mynba ka jingïaishah-slem ka jong U Blei ka la ap khmih ha ki sngi u Noah, haba u dang thaw ïa ka ïinglieng, ha kaba khyndiat ki mynsiem, kata ka long phra ngut, ki la ïohlait im da ka um.

2 PETROS 1:1

U Simon Petros, u shakri bad u apostol U Jisu Khrist, Ha kita kiba la ïoh ïa ka jingngeit bakordor ryngkat bad ka jong ngi, da ka hok U Blei bad U Nongpynim jong ngi U Jisu Khrist:

2 PETROS 2:5

bad lada um shym la riej ïa ka pyrthei ba-mynbarim, hynrei, ïa u Noah, u nongïalap ïa ka hok, lem bad hynñiew ngut kiwei pat u la ri kyndong, mynba u la pynwan ïa ka jingshlei ha kata ka pyrthei ki bymriewblei;

2 PETROS 3:6

da kiba kata ka pyrthei kaba mynkata, haba la pynshlei ïa ka da ka um, ka la jot noh.