HEBRU 11:6 - KA BAIBL

⁶ hynrei, khlem ka jingngeit, ym lah ban pynsngewbha ïa u: namar ka dei ïa uta uba wan hajan U Blei ban ngeit ba u don, bad ba u long uba ai nong ïa kita kiba wad ïa u.

Khasi CL Bible (BSI)

⁶ Ym don uno uno uba lah ban pynsngewbha ïa U Blei khlem ka jingngeit, naba uta uba wan sha U Blei u dei ban don ka jingngeit ba U Blei u don, bad ba u ainong ïa kita kiba wad ïa u.

HEBRU 11:6 Mawu Ofanana

JENESIS 15:1

Ynda la lah kine kiei kiei ruh, ka ktien U Trai ka la wan ha u Abram ha ka jingïohipaw, ka da ong, “To wat sheptieng, ko Abram: Ma nga, nga long ka stieh jong me, bad ka bainong jong me kan long kaba khraw eh.”

1 KHRONIKL 28:9

“Bad ma me, ko Solomon u khun jong nga, to ithuh ïa U Blei jong u kpa jong me, bad shakri ïa u da ka dohnud bajanai bad da ka jingmut ba mon sngewbha: naba U Trai u ïit ïa ki dohnud baroh, bad u sngewthuh ïa ki jingpyrkhat baroh jong ki jingmut: lada men wad ïa u, men shem ïa u; hynrei, lada men kyntait ïa u, u ruh un kyntait noh ïa me ha la ka rta.

Ka Kitab U Job 21:14

Pynban, ki la ong ha U Blei, khie leit noh na ngi; naba ngim kwah ban tip ïa ki lynti jong me.

SALM 106:24

Ki la ñiewbeiñ ruh wat ïa kata ka ri kaba itynnad, kim shym ngeit ïa ka ktien jong u;

SALM 119:10

Da la ka dohnud baroh nga la wad ïa me: A wat ai ba ngan sakma na ki hukum jong me.

SALM 58:11

Ba kumta ki briew kin ong, “Shisha ka don ka nong ïa u bahok: shisha don U Blei uba bishar ha ka khyndew.”

SALM 73:28

Hynrei, ka babha ïa nga ban wan hajan U Blei: nga la pynlong ka jaka rieh jong nga ïa U Trai U Blei, khnang ba ngan ïathuh ïa ki kam jong me baroh.

SALM 78:22

namar ba kim shym la ngeit ha U Blei, bad kim shym shaniah ha ka jingpynim jong u.

SALM 78:32

La kumta baroh ruh ki la nang leh pop, bad kim shym ngeit ïa ki kam phylla jong u.

PROBERB 11:18

U bymman u ïoh ïa ka bainong kaba shukor: hynrei, uta uba bet ïa ka hok u ïoh ka nong kaba skhem.

PROBERB 8:17

Nga ieit ïa kita kiba ieit ïa nga; bad kita kiba wad biang biang ïa nga kin shem ïa nga.

ISAÏAH 55:3

Pyndem la ka shkor, to wan ruh ha nga; to sngew, te ka mynsiem jong phi kan sa im: bad ngan pynlong bad phi ka jutang bymjukut, ki jingisynei baskhem jong u Dabid keiñ.

ISAÏAH 7:9

bad ka khlieh u Ephraim ka long ka Samaria, bad ka khlieh ka Samaria long u khun u Remaliah. Lada phin ym ngeit, da lei lei yn ym pynskhem ïa phi.’ ”

JEREMAÏAH 2:31

A ka pateng bynriew, to khmih phi ïa ka ktien U Trai. Hato nga la long ka ri khlaw ha u Israel? Lane ka ri ka jingdum tliw tliw? Balei u paidlang jong nga u ong, ‘Ngi la lait war; ngin ym wan shuh ha me?’

JINGKHEIÑ 14:11

Te U Trai u la ong ha u Moses, “Haduh katno kine ki briew kin ïa-pynbitar ïa nga? tad lano ruh kin long ki bymngeit ha nga, namar kita ki dak phylla baroh ba nga la leh hapdeng jong ki?

JINGKHEIÑ 20:12

Bad U Trai u la kren ha u Moses, bad ha u Aaron, “Namar ba phim shym la ngeit ïa nga, ïa ka ban pyndonburom ïa nga ha khmat ki khun Israel, namar kata keiñ, phin ym ïoh ïalam ïa une u paidlang sha kata ka ri ïa kaba nga la ai ha ki.”

MATHAÏOS 11:26

shisha, ko Kpa, naba kumta ka la ibit ha khmat jong me.

MATHAÏOS 5:12

To ïakmen, to ïashadkmen ruh: namar ka bakhraw ka bainong jong phi ha ki bneng: naba kumta ki la ïa-pynshitom ïa ki nongïathuhlypa kiba la mynshuwa jong phi.”

MATHAÏOS 6:16

“Haba phi shah jingit ruh, wat long kiba 'matsngewsih kum ki nongarsap; naba ki pynkynriang ïa ki khmat jong ki, ba kin pynpaw ha ki briew ba ki shah jingit. Shisha nga ong ha phi, ki la ïoh ïa la ka nong.

MATHAÏOS 6:33

Hynrei, phin ïawad shuwa ïa ka hima U Blei, bad ïa ka hok jong u: te ïa kine kiei kiei baroh, yn sa ai lang tam ha phi.

MATHAÏOS 6:5

“Haba me duwai ruh, wat long kum ki nongarsap: naba ki ieit ban ïeng kyrpad ha ki synagog bad ha ki dong ki lad, ba kin ïoh pynpaw ha ki briew. Shisha nga ong ha phi, ki la ïoh ïa la ka nong.

MARKOS 16:17

Kine ki dak ruh kin bud ïa kita kiba ngeit; ha ka kyrteng jong nga kin ïabeh noh ïa ki ksuid, kin kren da ki thylliej bathymmai;

LOUKAS 12:31

Hynrei, phi to ïawad ïa ka hima ka jong U Blei; te ïa kine kiei kiei baroh yn sa ai lang tam ha phi.

LOUKAS 6:35

Hynrei, to ieit ïa ki nongshun jong phi, to leh bha ruh, bad to ai kylliang, khlem da duh jingkyrmen satia; te ka nong jong phi kan long kaba khraw, bad phin long ki khun U Bahakhlieh Tam Eh; naba U long uba sbun ïa ki bymnguh bad ïa ki bymman.

ÏOANNIS 14:6

U Jisu u ïathuh ha u, “Nga uba long kata ka lynti, bad ka jingshisha, bad ka jingim de: ym don uba wan ha U Kpa, hynrei, tang da nga.

ÏOANNIS 8:24

Namar kata, nga la ong ha phi, ba phin ïap ha kita ki pop jong phi: namar lada phim ngeit ba nga, nga long ma u, phin ïap ha kita ki pop jong phi.”

Ka Shithi U Paul Sha Ki Nong Rom 10:14

Kumno te kin ïakhot kyrpad ïa uta ha uba kim shym la ngeit? kumno de kin ïoh ngeit ha uta shaphang uba kim shym la ïohsngew? kumno de kin ïohsngew khlem uba ïalap?

GALATIA 5:6

Namar ha U Khrist Jisu, ka jingotsher kam lah leh ei ei ruh, lymne ka jingbym-otsher, hynrei, ka jingngeit kaba trei da ka jingieit.

HEBRU 11:26

u da ñiew ïa ka jingkrenbeiñ ïa U Khrist ka spah ba kham khraw ban ïa ki jingkynshew ka Ijipt; namar u la khmih keiñ sha kata ka jingïoh bainong.

HEBRU 3:12

To sumar, ko parabangeit, ïoh ba kumno re kumno kan don hano hano na phi ka dohnud basniew ka jingbymngeit, ha ka ban phai dien noh na U Blei ba-im.

HEBRU 4:2

Namar shisha, ha ngi ruh la ïalap ïa ka gospel kumba ha kita ruh; hynrei, kata ka ktien ba la ïohsngew kam shym pynmyntoi ïa ki, namar ym shym la khñiot lang ïa ka bad ka jingngeit ha kita kiba la ïohsngew.

HEBRU 4:6

Namar kata, haba ïohi ba ka sah ba don kiba leit bsut ha ka, hynrei, ba kita ha kiba la ïalap ïa ka gospel mynshuwa kim lah ban leit bsut, namar ka jingbymngeit;

HEBRU 7:19

(Namar ka hukum kam shym pynjanai ei ei ruh), bad nalor kata, kaba wallam ïa ka jingkyrmen kaba kham bha, da kaba ngi wan hajan U Blei.

HEBRU 7:25

Namar kata, u lah ruh ban pynim janai ïa kita kiba wan ha U Blei da u, haba u im ha la ka rta ïa ka ban ïasaid na ka bynta jong ki.

2 PETROS 1:10

Naba kumta, ko parabangeit, to phin kham ïaleh minot ban pynlong skhem ïa kata ka jingkhot bad ïa ka jingjied ïa phi; namar haba phi ïai-leh ïa kine kiei kiei ruh, phin ym jynthut lano lano ruh:

2 PETROS 1:5

Te namar kane hi ka daw phi ruh da ka jingleh minot baroh, to phin pynlang ha kata ka jingngeit jong phi, ïa ka jingbha; te ha kata ka jingbha, ïa ka jingtip;

2 PETROS 3:14

Naba kumta, ko hep ba-ieit, haba phi ïakhmih lynti ïa kine kiei kiei ruh, to pyrshang smat ba yn shem ïa phi ha ka jingsuk, kiba khlem thohbria, bad kiba khlem tei pop ha khmat jong u.

JINGPYNPAW 21:8

Hynrei, ïa kita kiba sheptieng, bad ïa ki bymngeit, bad ïa kiba ijli, bad ïa kiba pynïap bad ïa kiba kyr-eit, bad ïa kiba ai ksuid, bad ïa kiba mane bleithaw, bad ïa kita baroh kiba lamler, ka bynta jong ki kan long ha kata ka pung ïa kaba thang da ka ding bad da u kyndok; kaba long kata ka jingïap ka ba-ar.”

RUTH 2:12

To U Trai un pynbiang kum ka kam jong pha, bad to ai ba ka bainong jong pha kan long kaba janai na U Trai, U Blei ki Israel, uba pha la wan ban rieh hapoh ki thapniang jong u.”