HEBRU 11:4 - KA BAIBL

⁴ Da ka jingngeit, u Abel u la ainguh ha U Blei ïa ka jingkñia ba kham kor ban ïa u Kain, da kaba la phla ïa u ba u long u bahok, U Blei u da phla babha shaphang kita ki jingai jong u; bad da ka, haba u la ïap, u dang kren.

Khasi CL Bible (BSI)

⁴ Dei ka jingngeit kaba la pynlong ïa u Abel ban ainguh ha U Blei ïa ka jingkñia kaba kham bha ban ïa ka jong u Kain. Lyngba ka jingngeit jong u, u la ïohpdiang ka jingsngewbha U Blei kum u briew uba hok, namar U Blei hi u la pdiang ïa ki jingai sngewbha jong u. Da kata ka jingngeit, u Abel u dang ïai kren wat haba u la ïap.

HEBRU 11:4 Mawu Ofanana

JENESIS 4:10

U Trai u la ong te, “Me la leh aïu? Ka jingud ka snam u para jong me ka kyang ha nga na ka khyndew.

JENESIS 4:15

Te U Trai u la ong ha u, “Mano mano ruh namar kata ba pynïap ïa u Kain, yn sa pynhiar kput halor jong u hynñiew shah.” Te U Trai u la buh ka dak ha u Kain, ba ïoh pynïap noh mano mano ruh ïa u haba ïoh shem ïa u.

JENESIS 4:25

Bad u Adam u la ithuh pat ïa la ka tnga; te ka la kha ïa u khun, bad ka la khot kyrteng “u Seth” ïa u: “Naba U Blei,” ka la ong, “u la ai ha nga da uwei pat u symbai ha ka jaka u Abel, ïa uba u Kain u la pynïap noh keiñ.”

JENESIS 4:8

Bad u Kain u la kren ha u Abel u para jong u: te ka la jia, mynba ki la ïadon ha ka lyngkha, ba u Kain u la ïeng ban ïaleh ïa u Abel u para jong u, bad u la pynïap ïa u.

1 SYIEM 18:38

Ynda kumta, ka ding na U Trai ka la hap, bad ka la bam duh ïa kata ka jingainguh thang, bad ïa kita ki dieng, bad ïa kita ki maw, bad ïa ka dpei, bad ka la kjit noh ïa kata ka um kaba ha kata ka kharai.

Ka Kitab U Job 8:10

Kita kin ym hikai ïa me, bad ïathuh ha me, bad kren ïa ki ktien na ka dohnud jong ki?

PROBERB 15:8

Ka jingkñia u bymman ka long ka jingijli ha U Trai: hynrei, ka jingduwai jong uba beit ka long ka jingsngewbha jong u.

PROBERB 21:27

Ka jingkñia jong u bymman ka long ka jingijli: sa katno lei lei haba u wallam ïa ka bad ka jingmut bymman!

LEBITIKOS 9:24

Bad ka ding ka la mih na khmat U Trai, bad ka la thang duh halor ka duwan ïa ka jingkñia ainguh thang bad ïa ka khleiñ: bad u paidlang baroh u la ïohi, bad ki la ïarisa kmen, bad ki la ïadem ngon haduh khyndew.

MATHAÏOS 23:35

kumta, kan wanhap ha phi keiñ ïa ka snam bahok baroh ïa kaba la pynmih noh ha ka khyndew, naduh ka snam u Abel u bahok haduh ka snam u Sakharaïah u khun u Barakhaïah, ïa uba phi la pynïap marpdeng ka jaka kyntang bad ka duwan.

LOUKAS 11:51

naduh ka snam u Abel haduh ka snam u Sakharaïa, ïa uba la pynïap hapdeng ka duwan bad ka ïing U Blei; shisha nga ong ha phi: Yn wad noh ïa ka na kane ka pateng bynriew.

TITOS 1:16

Ki phla ba ki tip ïa U Blei; hynrei, ha la ki kam ki len ïa u, ba ki long kiba ijli, bad ki bymkohnguh, bad ha ki jingleh babha baroh ki bymsuidñiew.

HEBRU 11:2

Namar ha ka, la phla babha ïa kita ki kpa tymmen.

HEBRU 12:1

Naba kumta, ma ngi ruh, haba la ker tawiar ïa ngi da u lyoh ki sakhi katne katne, to ngin bred noh ïa ka jingpynwit baroh, bad ïa kata ka pop kaba shait snoh ha ngi, bad to ngin ïaphet da ka jingïaishah ïa ka jingïaphet thong ïa kaba la buh ha khmat jong ngi;

HEBRU 12:24

bad ha U Jisu U Ksiang ka jutang bathymmai, bad ha ka snam ka jingsynreit, kaba kren ïa kiei kiei kiba kham bha ban ïa ka jong u Abel.

HEBRU 5:1

Namar ïa u rangbah lyngdoh baroh ba la shim napdeng ki briew, la thung na ka bynta ki briew ha kiei kiei kiba dei sha U Blei, ba un ïoh ainguh ïa ki jingai bad ki jingkñia namar ki pop:

HEBRU 9:22

Bad katba kum ka hukum, nga lah ban ong, ba la jan kiei kiei baroh la pynkhuid da ka snam, bad khlem kaba pynmih snam ym don jingmap.

2 PETROS 2:8

(namar uta u bahok ha kaba ïohi bad ha kaba ïohsngew, haba u shong sah hapdeng jong ki, man la ka sngi u la ju pynkordit ïa la ka mynsiem bahok da ki jingleh babeiñ hukum jong ki):

JUDAH 1:11

Kordit ïa ki! naba ki la ïaleit ïaid ha kata ka lynti u Kain, bad ki la ïaphet kyrthep ha kata ka jingsakma u Balaam namar ka bainong, bad ha kata ka jingïaleh kiat u Korah ki la jot noh.