HEBRU 11:3 - KA BAIBL

³ Da ka jingngeit, ngi sngewthuh ba la thaw ïa ki pyrthei da ka ktien U Blei, ba kumta, ym shym thaw ïa kita kiei kiei ba ïohi na kita kiei kiei bapaw.

Khasi CL Bible (BSI)

³ Ka long da ka jingngeit ba ngi sngewthuh ba la pynlong ïa ka pyrthei da ka ktien U Blei, khnang ba ïa kaei kaba lah ban ïohi la pynlong na kaei ka bymlah ban ïohi.

HEBRU 11:3 Mawu Ofanana

JENESIS 1:1

Ha kaba mynnyngkong U Blei u la thaw ïa ka bneng bad ïa ka khyndew.

SALM 33:6

Da ka ktien U Trai la thaw ïa ki bneng; bad ïa u paidbah jong ki baroh da ka jingpyrsad ka shyntur jong u.

SALM 33:9

Naba u la kren, te ka la long; u la hukum, te ka la neh skhem.

ISAÏAH 40:26

To khmied ïa la ki khmat sha jrong, bad to khmih, uei uba la thaw ïa kine, uba pynmih noh ïa u paidbah jong ki da kaba ñiew: u khot ïa ki baroh da ka kyrteng; da ka jingkhraw ka bor jong u, bad ba u khlaiñ bor, uwei ruh um jah noh.

JEREMAÏAH 10:11

Kumne phin ong ha ki, “Kita ki blei ki bym shym la thaw ïa ki bneng bad ïa ka khyndew, kita kin duh noh na ka khyndew, bad napoh ki bneng.”

JEREMAÏAH 10:16

Uba ka bynta u Jakob um long kum kine; naba u long u banyngkong na kiei kiei baroh; bad u Israel u long ka jaid ka jingïoh kynti jong u: “U Trai ki paid” long ka kyrteng jong u.

ÏOANNIS 1:3

Da u, la long kiei kiei baroh; bad khlem ma u, ym shym la long kaei kaei ruh kaba la long.

KI KAM 14:15

ki da ong ruh, “Ko rangbah, balei phi leh ïa kine kiei kiei ruh! Ngi ruh ngi long tang ki briew kiba kum phi hi, bad ngi ïathuhkhana babha ha phi ba phin phai noh na kine ki jingmane thala sha U Blei u ba-im, uba la thaw ïa ka bneng, bad ïa ka khyndew, bad ïa ka duriaw, bad ïa kiei kiei baroh kiba don ha ki.

KI KAM 17:24

uta U Blei keiñ uba la thaw ïa ka pyrthei, bad ïa kiei kiei baroh kiba don ha ka, uba haba u long U Trai ka bneng bad ka khyndew, um shong ha ki ïing blei ba la thaw da ki kti;

Ka Shithi U Paul Sha Ki Nong Rom 4:17

(kat kumba la thoh: “Nga la pynlong ïa me u kpa kiba bun ki jaid bynriew,”) ha khmat uta U Blei ha uba u la ngeit, uba pynim ïa kiba la ïap, bad uba khot ïa kita kiei kiei ruh ki bymlong, kumba ki da long.

1 KORINTH 2:7

hynrei, ngi kren ïa ka jingstad kaba rieh jong U Blei, ïa kaba la buhrieh, kaba U Blei u la thmu lypa mynshuwa ki rta, khnang ïa ka burom jong ngi;

1 TIMOTHI 4:5

namar la pynkhuid ïa ka, da ka ktien U Blei bad ka jingduwai.

HEBRU 1:2

ïa uba u la thung ban long u nongïoh pateng ïa kiei kiei baroh, da u ruh, la thaw ïa ki pyrthei;

HEBRU 6:5

bad ba la ïoh mad ïa ka ktien babha U Blei, bad ïa ki bor ka pyrthei ka ban sa wan,

2 PETROS 3:5

Namar ki klet khnang ïa kane, ba la ju long ki bneng na mynhyndai, bad ba ka khyndew ka la neh lang na ka um bad da ka um, da ka ktien U Blei;

JINGPYNPAW 4:11

“Me long uba dei, A Trai bad U Blei jong ngi, ban pdiang ïa kata ka burom bad ïa kata ka jingpyndonburom bad ïa kata ka bor, naba me la thaw ma me ïa kiei kiei baroh, bad namar kata ka mon jong me ki ïalong, bad la thaw ïa ki.”