HEBRU 11:16 - KA BAIBL

¹⁶ Hynrei, mynta, ki ïakwah ïa ka ri ba kham bha, kata ka long kaba kynja bneng; naba kumta, U Blei um sngewlehrain ïa ki, ba yn khot ïa u, “U Blei jong ki”; namar u la khreh ka nongbah ïa ki.

Khasi CL Bible (BSI)

¹⁶ Pynban, ka ri kaba ki kwah hir hir ka long ka ri kaba kham bha, ka ri ba kynja bneng. Bad kumta U Blei um sngewlehrain ïa ki, ba yn khot ïa u, U Blei jong ki, namar u la pynkhreh ka nongbah na ka bynta jong ki.

HEBRU 11:16 Mawu Ofanana

JENESIS 26:24

Bad U Trai u la mihpaw ha u ha kata ka miet, bad u la ong, “Nga long U Blei u Abraham u kpa jong me: to wat sheptieng, naba ma nga, nga long ryngkat bad me bad ngan kyrkhu ïa me, bad ngan pynroi ïa u symbai jong me na ka bynta u Abraham u shakri jong nga.”

JENESIS 28:13

Bad ha khmih, U Trai u la ïeng haneng jong ka, bad u la ong, “Nga long U Trai uba U Blei u Abraham u kpa jong me, bad U Blei u Isaak: kane ka khyndew ha kaba me thiah, ha me ngan ai duh ïa ka, bad ha u symbai jong me;

EKSODOS 3:15

Nalor kane U Blei u la ong ruh ha u Moses, “Kumne men ong ha ki khun Israel, ‘U Trai uba U Blei ki kpa jong phi, U Blei u Abraham, U Blei u Isaak, bad U Blei u Jakob ruh, u la phah ïa nga ha phi’: kane ka long ka kyrteng jong nga ha la ka rta, bad kane ka long ka jingpynkynmaw ïa nga sha ki pateng bynriew baroh.

EKSODOS 3:6

U la ong ruh, “Nga long ma nga U Blei u kpa jong me, U Blei u Abraham, U Blei u Isaak, bad U Blei u Jakob de.” Bad u Moses u la buhrieh ïa la ka khmat; naba u la sheptieng ban khmih ha U Blei.

EKSODOS 4:5

“ba kin ïoh ngeit ba U Trai uba U Blei ki kpa jong ki, U Blei u Abraham, bad U Blei u Isaak, bad U Blei u Jakob ruh, u la mihpaw ha me.”

JEREMAÏAH 31:1

“Ha kata ka por,” ong U Trai, “ngan long U Blei jong ki ïing Israel baroh, bad kin long ki briew jong nga.”

MATHAÏOS 25:34

Ynda kumta, U Syiem un ong ha kita sha kamon jong u, ‘To wan phi ïa kiba la kyrkhu jong U Kpa jong nga, to ïoh ïa ka hima ïa kaba la pynkhreh keiñ ïa phi na myndanglong ka pyrthei.

MARKOS 12:26

Hynrei, shaphang ki nongïap, ba yn pynmih pat ïa ki, phim ju pule ha Ka Kitab u Moses, kumno ba U Blei u la kren ha u ha kata ka 'law lynnong, u da ong. ‘Nga uba U Blei u Abraham, bad U Blei u Isaak, bad U Blei u Jakob ruh’?

MARKOS 8:38

naba uno uno ruh u ban sngewlehrain ïa nga bad ïa ki ktien jong nga, ha kane ka pateng bynriew baklim bad bapop, U Khun u briew ruh un lehrain ïa uta, haba u wan ha ka burom U Kpa jong u, lem bad ki angel bakhuid.”

LOUKAS 12:32

“To wat sheptieng, ko kynhun i barit; naba U Kpa jong phi u sngewbha eh ban ai ha phi ïa kata ka hima.

LOUKAS 20:37

Hynrei, ba yn pynmih pat ïa ki baïap, wat u Moses ruh u la pyni paw ha kata ka 'law lynnong, mynba u khot ïa U Trai, uba U Blei u Abraham, bad U Blei u Isaak, bad U Blei u Jakob.

ÏOANNIS 14:2

Ha ka ïing U Kpa jong nga don bun ki pulit shongneh; lymda kumta, nga la ïathuh ha phi; naba ngan sa leit noh ban khreh ka jaka ïa phi.

KI KAM 7:32

‘Nga long U Blei ki kpa jong me, U Blei u Abraham, bad u Isaak, bad u Jakob.’ U Moses te u la khynñiuh, bad um nud ban khmih.

PHILIPPI 3:20

Namar kata ka jinglong trai-shnong jong ngi ka long ha bneng; nangta ruh ngi ïa-ap khmih lynti ïa U Nongpynim, U Jisu Khrist uba U Trai:

2 TIMOTHI 4:18

Bad U Trai un pyllait ïa nga na ka jingleh basniew baroh, bad un ri pynim ïa nga sha kata ka hima jong u kaba ha bneng: ha uba to long ka burom ha la ka rta: Amen.

HEBRU 10:34

Namar phi la sngewlem bad kita kiba shah ha ki jingkhum, bad phi la ïashah da kaba kmen ïa ka ban lute ïa kita kiei kiei kiba phi don, da kaba tip skhem ba phi hi, phi don ka bynta kaba kham bha, bad kaba neh.

HEBRU 11:10

namar u la ju khmih lynti ïa kata ka nongbah kaba don ki nongrim, kaba u nongtei bad u nongthaw jong ka, long U Blei.

HEBRU 11:14

Namar kita kiba ong ïa kiei kiei ruh kat kita, ki ïa-pyni shynna ba ki ïawad ïa ka ri la ka jong hi.

HEBRU 11:40

ba U Blei u la khreh lypa shaphang jong ngi ïa kaei kaei ruh ba kham bha, khnang ba khlem ma ngi, yn ym ïoh pynjanai ïa ki.

HEBRU 12:22

hynrei, phi la wan ha u lum Seïon, bad ha ka nongbah U Blei ba-im, ha ka Jerusalem bakynja bneng, bad ha ki bun paidbah ki angel ki bym lah ñiew shuh,

HEBRU 13:14

Namar ngim don hangne ka nongbah kaba ïaineh, hynrei, ngi ïawad ïa kata ka ban sa wan.

HEBRU 2:11

Namar uta uba pynkyntang ruh bad kita ïa kiba la pynkyntang ki long baroh na uwei keiñ; namar kata ka daw, um sngewlehrain ban khot para ïa ki,

JINGPYNPAW 21:2

Bad nga la ïohi ïa ka nongbah ka bakhuid, ka Jerusalem bathymmai, ba ka da wan hiar na U Blei na bneng, ïa kaba la khreh kum ka nongleit-kurim ïa kaba la pynibha khnang ïa u tnga jong ka.