HEBRU 11:12 - KA BAIBL

¹² Naba kumta ruh, na uwei, bad uta ruh uba la kylla sdot noh, la mih u paid kat ki khlur bneng ha ka jingbun, bad kum u shyiap uba harud duriaw, bym lah ñiew shuh.

Khasi CL Bible (BSI)

¹² La u Abraham u la ïap shisha, na une uwei u briew, la mih bun kiba hiarpateng kat ki khlur ha ka sahit bneng, kat u shyiap bymlah ñiew shuh harud duriaw.

HEBRU 11:12 Mawu Ofanana

JENESIS 15:5

Te u la ïalam shabar ïa u, bad u la ong, “To khmied mynta sha bneng, bad to ñiew ïa ki khlur, lada me lah ban ñiew ïa ki:” te u la ong ruh ha u, “kumta keiñ yn long u symbai jong me.”

JENESIS 22:17

bad da kaba kyrkhu ngan da kyrkhu shisha ïa me, bad da kaba pynroi ngan da pynroi shisha ïa u symbai jong me kat ki khlur bneng, bad kum u shyiap uba harud ka duriaw; bad u symbai jong me un ïoh bat ha lade ïa ki khyrdop ki nongshun jong u;

JENESIS 26:4

Bad ngan pynbun ïa u symbai jong me kum ki khlur bneng, bad ngan ai ha u symbai jong me ïa kine ki ri baroh; bad ïa ki jaid bynriew baroh ka pyrthei yn kyrkhu ha u symbai jong me;

JENESIS 32:12

Hynrei, me la ong, ‘Shisha ngan leh bha ïa me, bad ngan pynlong ïa u symbai jong me kum u shyiap ka duriaw, ïa uba ym lah ñiew shuh na ka jingbun bah jong u.’ ”

2 SAMUEL 17:11

Hynrei, nga pyni buit ban lum khar paid ïa ki Israel baroh phar sha me, naduh Dan haduh Beer-sheba, u paidbah babun kat u shyiap uba harud ka duriaw; bad ba men leit ma me ruh da la ka met sha ka thma.

1 SYIEM 4:20

Ki Judah bad ki Israel ki bun kat u shyiap harud duriaw ha ka jingbun, ki ïabam ki ïadih bad ki ïalehkmen.

1 KHRONIKL 27:23

Hynrei, u Dabid um shym shim jingkheiñ ïa ki naduh kiba arphew snem ka rta bad kiba hapoh: namar U Trai u la ong ba un pynroi ïa ki Israel kum ki khlur ka bneng.

NEHEMAÏAH 9:23

Ïa ki khun jong ki ruh me la pynroi kum ki khlur bneng, bad me la ïalam ha kata ka ri, shaphang kaba me la ong ha ki kpa jong ki, ba kin ïoh poi ha ka ban ïoh ïa ka.

EKSODOS 32:13

To kynmaw ïa la ki shakri, ïa u Abraham, ïa u Isaak, bad ïa u Israel, ha kiba me la smai da lade hi, bad me la ong ha ki, ‘Ngan pynroi ïa u symbai jong phi kat ki khlur ka bneng, bad ïa kane ka ri baroh shaphang kaba nga la kren, ngan ai ha u symbai jong phi, bad kin ïaïoh pateng ïa ka ha la ka rta.’ ”

ISAÏAH 10:22

Namar la u paidlang jong me u Israel, u long kum u shyiap ka duriaw, tang ïa ita i bynta ba dang sah na ki, in phai pat: ïa ka jingpynduh noh la thmu lypa, kaba shlei da ka hok.

ISAÏAH 48:19

u symbai jong me ruh un da la long kum u shyiap, bad ki khun ka kpoh jong me kum u mawria jong ka: ïa ka kyrteng jong u yn ym da la ot noh lymne pynjot na khmat jong nga.”

JEREMAÏAH 33:22

Kumba ym lah ñiew ïa u paidbah bneng, lymne thew ïa u shyiap ka duriaw; kumta ngan pynroi ïa u symbai u Dabid u shakri jong nga, bad ïa ki Lebi kiba shakri ïa nga.’ ”

HOSIA 1:10

Pynban, ka jingkheiñ ki khun Israel kan long kum u shyiap ka duriaw, u bym lah ban thew lymne ñiew; kan long ruh, ba ha ka jaka ha kaba la ong ha ki, “Phi phim long u paidlang jong nga”, yn ong ha ki, “Phi long ki khun shynrang U Blei u ba-im”.

HABAKKUK 1:9

Baroh keiñ ki ïawan khnang ïa ka ban leh jubor; ki khmat jong ki, ki ïa-peit kmang kum ka lyer mihngi; bad ki ïaring mraw kat u shyiap.

Ka Shithi U Paul Sha Ki Nong Rom 9:27

Hynrei, u Isaïah u pyrta noh shaphang ki Israel: “La ka jingkheiñ ki khun Israel ka da long kat u shyiap ka duriaw; tang ïa ita i bynta ba dang pynsah, yn ri pynim:

DEUTERONOMI 1:10

U Trai U Blei jong phi u la pynroi ïa phi, te ha khmih, mynta phi long paidbah kat ki khlur bneng.

DEUTERONOMI 28:62

Te yn iehnoh ïa phi tang khyndiat ha ka jingkheiñ, haba phi ju long paidbah kat ki khlur ka bneng; naba mem mon ban kohnguh ïa ka ktien U Trai uba U Blei jong me.

JOSHUA 11:4

Te ki la mih noh, ma ki bad baroh ki paidïapom jong ki ryngkat bad ki, shibun ki briew, kat u shyiap uba harud duriaw ha ka jingbun lem bad ki kulai bad ki kali shibun eh.

JINGPYNPAW 20:8

bad un leit mih noh ban shukor ïa kita ki kynja bynriew kiba ha kita ki sawdong ka pyrthei, ïa u Gog bad ïa u Magog, ban pynïaseng lang ïa ki sha kata ka thma; ka jingkheiñ jong kita ka long kum u shyiap ka duriaw.

NONGBISHAR 7:12

Ki Midian te bad ki Amalek bad ki khun mihngi ki la ïathiah ter lter ha ka them ha ka jingkheiñ kum ki puit; bad ki ut jong ki ym lah ñiew shuh, byllien kum u shyiap harud duriaw.

1 SAMUEL 12:5

Bad u la ong ha ki, “U Trai u long sakhi pyrshah ïa phi, bad uba la sleh jong U, u long sakhi ha kane ka sngi, ba phim shym la shem ei ei ha ka kti jong nga.” Ki ruh ki la ong, “U long sakhi keiñ.”