HEBRU 10:11 - KA BAIBL

¹¹ Te shisha u lyngdoh baroh u ïeng ha la ka sngi u da shakri bad u da ainguh bunsien ïa kita ki jingkñia kijuh, ki bym lah lano lano ruh ban kit noh ïa ki pop;

Khasi CL Bible (BSI)

¹¹ Man la u lyngdoh Jiw, u trei ïa la ka kam man ka sngi bad ai kijuh ki jingkñia man ka por; hynrei kine ki jingkñia kim lah ban kit noh ïa ki pop.

HEBRU 10:11 Mawu Ofanana

EKSODOS 29:36

Bad men kñia ha la ka sngi ïa uwei u masi lyngraw ïa ka ban long ka kuna namar ka pop ïa ka ban pynïasuk: bad men pynkhuid ruh ïa kata ka duwan, ynda me la pynlong ïa ka kuna na ka bynta jong ka; bad to pynsleh ïa ka, ïa ka ban pynkyntang ïa ka.

ISAÏAH 1:11

“Ïa ka ban lei kine kiba bun ki jingkñia jong phi ïa nga?” ong U Trai: “nga la ngiah da ka jingainguh thang ki langbrot shynrang, bad ka khleiñ ki jingri basngaid; bad ngam sngewbha ha ka snam ki masi dab, lane ki khun langbrot, lane ki 'lang sohmoh.

ESEKIEL 45:4

Ka long ka bynta ka bakhuid jong ka ri; kan long na ka bynta ki lyngdoh, ki shakri jong ki jaka kyntang, kiba wan hajan ban shakri ha U Trai; te kan long ka jaka ïa ki ïing jong ki, bad ka jaka bakhuid ïa ka jaka kyntang.

DANIEL 11:31

Bad ki riewïapom kin ïeng ha ka liang jong u, bad kin leh sang ïa kata ka jaka kyntang, ïa kata ka kut baskhem keiñ, bad kin pynduh noh ïa kata ka jingainguh thang kaba borabor, bad kin pynïeng ïa kata ka jingijli kaba pynjot.

DANIEL 12:11

Bad naduh ka por ba yn shim noh ïa kata ka jingainguh thang kaba borabor, bad ba yn pynïeng ïa kata ka jingijli kaba pynjot, kan long shi hajar arspah khyndaiphew sngi.

DANIEL 8:11

Shisha keiñ, ka la pynkhraw ïa lade ruh, wat haduh u rangbah jong uta u paidbah; bad ka la shim noh na u, ïa kata ka jingainguh thang kaba borabor, bad ïa ka jaka ka ïing kyntang jong u la pynkyllon noh.

DANIEL 9:21

shisha keiñ, katba nga la dang kren ha ka jingduwai, uta u rangbah u Gabriel, ïa uba nga la ïohi ha kata ka jingithuhpaw ha kaba nyngkong, ïa uba la pynher stet, u la ktah ïa nga hamar ka por kata ka jingainguh janmiet.

DANIEL 9:27

Bad shi taïew un pynlong ïa ka jutang baskhem bad kiba bun: bad hamar kaba shiteng jong kata ka taïew, un pynduh noh ïa kata ka jingkñia bad ïa kata ka jingainguh bam; bad halor ka thapniang jong ki jingijli, un wan uwei uba pynjot; te wat haduh ka bakut, bad ïa kata ruh ba la thmu, yn theh noh ïa ka jingbitar halor uta u nongpynjot.”

MIKAH 6:6

Da ei ngan wan ha khmat U Trai, bad ba ngan dem ha khmat U Blei U Bahakhlieh? ngan wan ha khmat jong u da ki jingainguh thang, da ki khun masi kiba shi snem?

JINGKHEIÑ 28:24

Da kane ka rukom, phin ainguh ha la ka sngi, baroh hynñiew sngi, da ka jingkñia bam kaba da ka ding, ka jingiw baiwbih ha U Trai: nalor kata ka jingainguh thang kaba khlem da pud, phin ainguh ïa ka, lem bad ka jingainguh dih jong ka.

JINGKHEIÑ 28:3

Men ong ruh ha ki, ‘Kata ka jingkñia kaba da ka ding ïa kaba phin ainguh ha U Trai, ka dei kane: ar tylli ki khun langbrot kiba shi snem kiba khlem thohbria, ha la ka sngi, ban long ka jingainguh thang baïailong.

JINGKHEIÑ 29:6

nalor ka jingainguh thang ka jong u bnai, bad ka jingainguh bam jong ka, bad ka jingainguh thang kaba ha la ka sngi, bad ka jingainguh bam jong ka, bad ki jingainguh dih jong ki de, ha la ki rukom rukom, namar ka jingiw baiwbih, ban long ka jingkñia kaba da ka ding ha U Trai.”

HEBRU 10:1

Namar kata ka hukum haba ka don tang ka syrngiew kita kiei kiei ki babha ki ban sa wan, ym ka dur hi jong kita kiei kiei, kam lah lano lano ruh ban pynjanai ïa kita kiba wan hajan da kita ki jingkñia kijuh ha la ka snem ka snem, ïa kiba ki ainguh ha la ka sngi;

HEBRU 10:4

Namar ka bym lah ïa ka snam ki masi kyrtong bad ki blang ban kit noh ïa ki pop.

HEBRU 5:1

Namar ïa u rangbah lyngdoh baroh ba la shim napdeng ki briew, la thung na ka bynta ki briew ha kiei kiei kiba dei sha U Blei, ba un ïoh ainguh ïa ki jingai bad ki jingkñia namar ki pop:

HEBRU 7:27

u bymdonkam ha la ka sngi kum kita ki rangbah lyngdoh, ban kñia jingkñia shuwa namar ki pop la ki jong hi, bad hadien kata, namar ki pop u paidlang; namar ïa kane, u la leh tang shi sien leh, mynba u la kñia noh ïa lade.

HEBRU 8:2

U Shakri ka jaka kyntang, bad kata Ka Tabernakl kaba shisha, ïa kaba U Trai u la pynïeng, ym u briew.

HEBRU 8:4

Te lada u la don ha ka khyndew, un ym da long lyngdoh satia, haba ki don kita ki lyngdoh kiba ju ainguh ïa kita ki jingainguh katba kum ka hukum;