HEBRU 10:10 - KA BAIBL

¹⁰ Da kata ka mon, la pynkhuid ïa ngi da kata kaba ainguh ïa ka met U Jisu Khrist tang shi sien ai.

Khasi CL Bible (BSI)

¹⁰ Namar ba U Jisu Khrist u la leh ïa kaei kaba U Blei u kwah ïa u ban leh, ïa ngi baroh la pynkhuid na ka pop da ka jingainguh kaba u la aiti ïa la ka jong ka met tang shisien hi.

HEBRU 10:10 Mawu Ofanana

SEKHARAÏAH 13:1

“Ha kata ka sngi, kan long ka pukri um ba la tih ïa ka ïing u Dabid bad ïa ki nong Jerusalem, ïa ka pop bad ka jingbymkhuid.

ÏOANNIS 17:19

Te na ka bynta jong ki; nga, nga pynkyntang ïa lade, ba ki ruh kin ïalong kiba la ïoh pynkyntang khuid da ka jingshisha.

ÏOANNIS 19:34

la kumta ruh, uwei na kita ki shipai u la sum ïa ka krung jong u da u sum, te kumne kumne ruh la mih noh ka snam bad ka um.

ÏOANNIS 6:51

Nga, nga long uta u kpu uba pynim, uba la wan hiar na bneng; lada uno uno ruh un ïoh bam na une u kpu, un ïoh im bymjukut: bad uta u kpu de, ïa uba nga ngan ai, u long ka doh jong nga, ïa kaba nga ngan ai na ka bynta ka jingim jong ka pyrthei.”

1 KORINTH 1:30

Te da u hi, phi, phi long ha U Khrist Jisu, ïa uba da U Blei la pynlong ha ngi ka jingstad, bad ka hok, bad ka jingpynkhuid, bad ka jingsiewspah;

1 KORINTH 6:11

Bad don na phi kiba la ju long kum kita: hynrei, la sait ïa phi, hynrei, la pynkhuid ïa phi, hynrei, la pynksan ïa phi ha ka kyrteng U Jisu Khrist uba U Trai bad da U Mynsiem U Blei jong ngi.

EPHESOS 5:2

bad to phin ïaid ha ka jingieit, kumba U Khrist ruh u la ieit ïa phi, bad u la aiti noh ïa lade na ka bynta jong ngi, kum ka jingainguh bad ka jingkñia ha U Blei, ïa ka ban long ka jingiw ka baiwbih.

EPHESOS 5:26

ba un ïoh pynkhuid ïa ka, haba u la sait ïa ka da ka jingsait ka um da ka ktien;

HEBRU 10:12

hynrei, Une, haba u la lah ainguh tang kawei ka jingkñia namar ki pop junom, u la shong ha ka kti kamon U Blei;

HEBRU 10:14

Namar da kawei ka jingainguh u la pynjanai ha la ka rta ïa kita ïa kiba la pynkhuid.

HEBRU 10:20

kata, da ka lynti ïa kaba u la pynkyntang na ka bynta jong ngi, ka lynti bathymmai bad ba-im, lyngba kata ka jingkah, kata ka long, ka met jong u;

HEBRU 10:29

ka jingpynshitom ba kham jur katno, phi tharai, kan dei ïa uta uba la ïuh hapoh ki kjat ïa U Khun U Blei, bad ba la ñiew bymkhuid ïa ka snam ka jutang, da kaba la pynkhuid ïa u, bad ba la lehbeiñ ïa U Mynsiem ka jingaiei?

HEBRU 10:5

Naba kumta, haba u wan sha kane ka pyrthei, u ong: “Ïa ka jingkñia bad ïa ka jingainguh mem shym la mon, hynrei, ïa ka met me la khreh ïa nga;

HEBRU 13:12

Naba kumta, U Jisu ruh, khnang ba un ïoh pynkyntang ïa u paidbah da ka snam jong u hi, u la shah shabar kata ka khyrdop.

HEBRU 2:11

Namar uta uba pynkyntang ruh bad kita ïa kiba la pynkyntang ki long baroh na uwei keiñ; namar kata ka daw, um sngewlehrain ban khot para ïa ki,

HEBRU 2:14

Namar kata, haba kita ki khun ki long ki nongïoh bynta na ka doh bad ka snam, ma u hi ruh, da kajuh ka rukom u la shim bynta na kijuh; ba da ka jingïap un ïoh pynduh noh ïa uta uba don ka bor ka jingpynïap, uta u long u Soitan keiñ;

HEBRU 5:7

Uba ha ki sngi ka doh jong u, haba u la ainguh ïa ki jingduwai bad ki jingkyrpad, lem bad ka jingkyang kaba khraw bad ki ummat, ha uta uba lah ban pyllait ïa u na ka jingïap, bad haba la ïohsngew ïa u namar ka jingtieng riewblei jong u,

HEBRU 7:27

u bymdonkam ha la ka sngi kum kita ki rangbah lyngdoh, ban kñia jingkñia shuwa namar ki pop la ki jong hi, bad hadien kata, namar ki pop u paidlang; namar ïa kane, u la leh tang shi sien leh, mynba u la kñia noh ïa lade.

HEBRU 9:12

lymne da ka snam ki blang bad ki khun masi, hynrei, da ka snam jong u hi, u leit rung tang shi sien sha kata ka Jaka kyntang, haba u la ïoh ïa ka jingsiewspah bymjukut.

HEBRU 9:14

da katno tam ka snam U Khrist, uba da U Mynsiem bymjukut u la ainguh ïa lade ba khlem jingduna ha U Blei, kan pynkhuid ïa ka jingïatiplem jong phi na ki jingleh baïap, ïa ka ban shakri ïa U Blei ba-im?

HEBRU 9:26

lymda kumta, ka la dei ïa u ban shah bunsien naduh myndanglong ka pyrthei; hynrei, mynta, tang shi sien la pynpaw ïa u ha ka bakut ki Ïa, ïa ka ban pyndam noh ïa ka pop da kaba kñia ïa lade.

HEBRU 9:28

kumta, U Khrist ruh, haba la kñia ainguh tang shi sien ïa u, ïa ka ban bah noh ïa ki pop jong kiba bun, un mihpaw ha ka ba-ar sien, khlem bah ka pop, ha kita kiba khmih lynti ïa u, ïa ka jingpynim.

1 PETROS 2:24

uba da lade hi u la bah noh ïa ki pop jong ngi ha ka met jong u halor kata ka dieng, ba, haba la ïap noh sha kita ki pop ngin ïoh im sha ka hok; uba da ki jingjngem snam jong u, la pynkhiah ïa phi.

1 PETROS 3:18

Naba U Khrist ruh, u la shah shitom shi sien namar ki pop, U Bahok na ka bynta ki bymhok, khnang ba un ïoh ïalam ïa ngi ha U Blei; haba la pynïap ïa u ha ka doh, hynrei, ba la pynlong im ïa u ha U Mynsiem:

1 ÏOANNIS 5:6

Une u long uta uba la wan da ka um bad ka snam, U Jisu Khrist keiñ; ym tang ha kata ka um, hynrei, ha kata ka um bad ha kata ka snam.