HEBRU 10:1 - KA BAIBL

¹ Namar kata ka hukum haba ka don tang ka syrngiew kita kiei kiei ki babha ki ban sa wan, ym ka dur hi jong kita kiei kiei, kam lah lano lano ruh ban pynjanai ïa kita kiba wan hajan da kita ki jingkñia kijuh ha la ka snem ka snem, ïa kiba ki ainguh ha la ka sngi;

Khasi CL Bible (BSI)

¹ Ka Hukum ki Jiw kam dei ka nuksa ba-pura bad baïaineh jong kiei kiei kiba shisha; ka long tang ka nuksa batlot jong kita kiei kiei kiba bha ki ban sa wan. Ïa kijuh ki jait jingkñia la ju ainguh lynter, na kawei ka snem sha kawei pat ka snem. Kumno kata ka Hukum, te, da kaba leh ïa kine ki jingkñia kan lah ban pynjanai ïa ki briew kiba wan sha U Blei?

HEBRU 10:1 Mawu Ofanana

LEBITIKOS 9:16

U la wallam ruh ïa ka jingkñia ainguh thang, bad u la kñia ainguh ïa ka katba kum ka rukom.

Ka Shithi U Paul Sha Ki Nong Rom 8:3

Namar ïa kata kaba ka hukum kam shym lah ban leh, naba ka la tlot na kata ka doh, U Blei, da kaba u la phah ïa U Khun jong u hi ha ka dur ka doh pop, bad ban long ka jingkñia namar ka pop, u la pynrem ïa ka pop ha kata ka doh;

KOLOSSAI 2:17

kiba long ka syrngiew ïa kiei kiei ki ban sa wan; hynrei, ka met ka long ka jong U Khrist.

HEBRU 10:22

to ngin ïawan hajan da ka dohnud bashisha ha ka jingsngewskhem bha ka jingngeit, ba la synreit ïa ki dohnud jong ngi na ka jingïatiplem basniew, bad ba la sait ïa ki met jong ngi da ka um bakhuid:

HEBRU 7:11

Te lada don ka jingjanai da kata ka jinglong lyngdoh ki Lebi (namar ha ka, uta u paidlang u la ïoh ïa ka hukum), dang donkam aïu ba uwei pat u lyngdoh un mih ha kata ka rukom u Melkhisedek, bad ban ym kheiñ ïa u ha kata ka rukom u Aaron?

HEBRU 8:5

kiba shakri niam ïa ka dur bad ka syrngiew kita kiei kiei bakynja bneng, kumba la maham ïa u Moses da U Blei, haba un sa thaw ïa kata Ka Tabernakl: namar, “To sumar”, U ong, “ba men thaw ïa kiei kiei baroh katba kum kata ka nuksa ïa kaba la pyni ha me ha uta u lum.”

HEBRU 9:11

Hynrei, U Khrist haba u la wan long U Rangbah lyngdoh kita kiei kiei ki babha ki ban sa wan, da Ka Tabernakl kaba kham khraw bad kham janai, ka bym shym la thaw da ki kti, kata ka long, ym na ka jong kane ka pyrthei,

HEBRU 9:23

La donkam, namar kata, ban pynkhuid ïa ki dur jong kita kiei kiei kiba ha bneng da kine; hynrei, ïa kita kiei kiei kiba kynja bneng hi da ki jingkñia ba kham bha ban ïa kine.

HEBRU 9:25

hynrei, ym ba un ainguh ïa lade bunsien, kumba u rangbah lyngdoh u leit rung sha kata ka Jaka kyntang ha la ka snem ym da la ka jong ka snam;